يا برج تمام أو برج حمام!
بابكر سلك
*المجهودات الاسعافية التي قام بها النميرا
*هي في حقيقتها إعادة بناء وتشييد لصرح المريخ
*ومعروف ان الفول زيت والزغني شطة والبنا أساس
*وعشان تعرف حجم البنا عاين للقواعد
*شوف تسليحها وعمقها وجودة سيخها
*بتوريك طوالي حجم البرج الانت داير تبنيهو
*لو لقيتها تمام
*يبقي بناك مظبوط وبرجك تمام
*ولو لقيتها قشرة ساي
*ومجرد ساس عمقو مدماكين
*أعرف إنو برجك البتحلم بيهو هو مجرَّد برج حمام
*وأساس البناء في الفريق هو خط الدفاع
*المحاولات اللإسعافية ركزت علي الطوابق العليا
*ولم تهتم كثيرًا بالقواعد والأساس
*فخط دفاع المريخ فقد نمر وحمزة وبخيت وكرشوم وطبنجة للاصابة
*وأيا كان مستواهم هم أفضل من الحاليين
*وهناك نقص في هذا الخط
*والدليل أن طبنجة أُصِيب
*قعدت الخانة خلا
*كان على المجلس أن يبدأ عملية إعادة البناء من خط الدفاع وهو أساس البناء
*والآن علينا أن ننتظر الانتدابات القادمة
*لنؤسِّس لخط الدفاع ونؤسس للبناء بقواعد صلبة تستطيع حمل طوابق البرج الذي نحلُم به
*إن لم نفعلْ
*ستنهار الطوابق العُليا علي رؤوسنا مع أوّل هزّة أرضية
*وربنا يوفق
*المهم
*نعود ونوصي بالصبر من جديد
*البُنا حاااااار
*والمسطرينة كان دخلت البيت ما بتمرق بالساهل
*والدفاع بالنظر ما برمي طيارة
*لكن بجبرنا نصنقع لمن نكسر رقابنا ذاتها ونرتاح
*اللهم أجِرنا في مصيبتنا واخلف علينا بأبرك منها
*أيُّها الناس
*إن تنصروا الله ينصركم
*أها
*نجي لي شمارات والي الخرتوم
*الحياد البنعرفو يا والينا
*أن يكون الانسان علي مسافة واحده من الجميع لا أن يميل لينا أو علينا
*وبكدة نحقق عدالة تجمعنا وما بتفرق بيننا
سلك كهربا
“ننساك كيف والكلب قال أكون محايد كيف وأنا بعضي ناس وأهز ضنبي لي ناس يا ناااس”.
وإلي لقاء
سلك
