الصديق اللدود

بابكر سلك

*اليوم نلتقي صديقنا اللدود موريتانيا
*وكما قلنا ان الامر لايخرج عن اطار الاعداد لموسم افريقي قادم
*الا ان ضغوطات الديربي دائما ما تقود لتلف الاعصاب والذي بدوره يقود للهرج والمرج والتشنج وبالتالي يكون الاداء باهتا
*حتة الوترة دي عند الند قد يكون تاثيرها قليل في مباراة اليوم
*فالهلال يحتاج لسودنة لان معظم ناسو اجانب
*لاعارفين ديربي
*ولا سمعوا بشاخور ولا بالطيب عبد اللّه
*بل ماحافظين نشيد العلم السوداني
*وماتسأل كيف سمح الاتحاد للهلال بتسجيل مليشيا كاملة من الاجانب تنازل الناس باسم النادي
*ناس خالد مسمنوا هلال الحركة الوطنية
*وطنية ونشيد العلم بقولوهوا محمد عبدالرحمن والطيب عبدالرازق بس
*وطنية بالوا؟؟؟؟
*المهم
*علي اولادنا ان يختوا الكورة واطة
*وان يعلموا جيدا ان الامر مجرد اعداد
*لامحتاج مساعدة حكم
*ولابحتاج لبوظان اعصاب
*تنفيذ المطلوب تكتيكيا
*وبذل الجهد المطلوب
*والثقة بالنفس
*بعد داك التبقي تبقي
*والهلال برغم (الجاهزية) التي يدعيها
*الا انه لازال يلعب مخندقا متكتلا دفاعا معتمدا علي المرتدات مستقلا سرعة الغربال وياسر مزمل
*والتحكيم عند تمثيل احدهم وسقوطه داخل الخط
*ودي مابتفوت علي ميشو
*علي كل لن تفلت اعصابنا ولن نخرج عن وقارنا وسنخوض مباراة اعدادية جيدة نستفيد منها باذن الله
*ونتيجة مباراة اليوم لن تخدم الاهلي المصري الشقيق
*لأنها لاتعنيه
*وإذا أُصيب أي لاعب من لاعبي الند اللَّدود
*قطعا لن يكون ذلك خدمة منَّا للأهلي الشقيق
*فجاهزية الند اللَّدود توفِّر له بدائل في مستوي الاساسيين
*يعني الياباني والتايواني في الهلال واحد
*وحانشوف
أيّها الناس
*تأثرت عند سماعي سقوط طائرة علي منزل أو منازل بالحارة 75 الثورة
*وتألمت لأطفال أطبقوا أجفانهم وكلَّهم أمل في شروق جديد
*ووطن مديد
*ومستقبل زاهي
*وتألمت لفقد نفر كريم كانت تقلهم الطائرة
*وآخرون ساقتهم اقدارهم حيث سقطت الطائرة
*اللَّهم تقبلهم جميعا عندك في عليين
*والزمنا الصبر الجميل
*وأنعِم علي بلدنا بالأمن والأمان والسلام
*والله قست علينا الدنيا
*وأصبحنا لا نحتمل
*وكما قال الصديق أكرم زكي ونحن طلاب بالجامعة
*أحد كورالات جماعة الجو الرطب بالجامعة
*قال
*قست عليك الدنيا يا بلد الأمل
*قست عليك وفي أرضك الألم اشتعل
*لكن أكيد حايطل صباح فوق للنخل
*ما بين كتابك هدير شبابك ينتفض ديل الأمل
*لو مرة صبحك ما أطل
*بنطلي في الليل الصباح لون الأمل
*لو مرة دمعك انهمر بنفرد الأجساد مناديل فوق خدودك لو حصل
*لو مرة صوتك انعزل نصرخ شعوب
يوصل هتافنا الفي جبل
*حبك عمييق شايلنوا ليك دخري وأمل
*حبك عمييييييق
*اللهم انت عارف وأنت عالم
*اللهم احفظ وطننا وبلغ مقاصدنا يا رب العالمين
*ايها الناس
*إنْ تنصروا الله ينصركم
*أها
*نجي لي شمارات والي الخرتوم
*كان شفت يا والينا
*مابنتحمل المآسي بقينا
*وشلنا الصبر لما تقل علينا
*والقصة الفينا
*ما دقيق فينا
*ولا كندشة موجهة علينا
*القصة يا والينا
*وطن واااااااالحد
*وخت خطين تحت واااااحد.. يأوينا
*نعيش، فيهو يخاوينا
*نطيعو ما يلاوينا
*نحبو يموت فينا
*ده كل الدايرنو يا والينا
سلك كهربا
ننساك كيف والكلب قال ما تخلوا شئ علي الظروف وماتثقوا في الناس العايشة علي (الظروف)
وإلى لقاء
سلك