راجل كعابيش!

بابكر سلك

*يوم مباراة (المقصية والنقصية)

*وقبل المباراة بساعة ساعتين

*كنت اتسامر إسفيريا مع أعضاء قروب المشهد الرياضي

*وهو قروب يجمع شمل المريخاب نسور الجو ملوك الجويات باخوتنا الذين يشكل ماضينا كل أحلامهم المستقبلية.

*والجميل في القروب أنه يتمتع بروح رياضية عالية

*يقوم علي الدعابة البريئة

*حاشاهو الإساءات والتفلت

*قروب نمارس فيه روح الرياضة السمحة بسماحة وأدب

*المهم

*اتناقرنا قريب ساعة

*بعد ذلك قلت ليهم استأذن أنا ماشي لي مشوار كعابيش

*قالوا لي عندك شنو في كعابيش

*قلت ليهم ماشي أقابل (كوجونكا) كبير أسمه راجل كعابيش

*زول قاطع

*جا من مايو

*خيلانو في مايرنو

*وأعمامو في الدمازين

*وضحكنا

*بعد الكورة ظهرت ليهم في القروب

*القروب كلو

*مريخاب وهلالاب كانوا مشقلبين مع بركة

*أول ما دخلت القروب

*طوالي الأهلة شبكوني يابتاع الطلس

*يابتاع الدجل

*يابتاع التنجيم

*قلت ليهم أول حاجة نجموا الدبل كيك دي عشان ماتنكروها

*وعن إذنكم

*ماشي لي راجل كعابيش أشكره

*وطلعت

*بعد نص ساعة رجعت ليهم

*لقيت الجوطة قايمة

*الهلالاب يتحدثون عن علو كعبهم

*والشفوت بالإحصائيات يتحدثون عن أن آخر عشرة لقاءات المريخ فاز في خمسة وتعادل في اتنين

*إحصائية تثبت منو المقامو عالي وكعبو عالي

*وهلالابي قال نحنا لاعبين ناقصين وضغطناكم

*قلت ليهو ونقصتوا ليه؟ الباقين نسيتوهم في الفندق؟

*سبب النقص وااااااضح

*اليوناميد غلبهم مجاراة المواهب وفتحوا نار في كل الاتجاهات

*شلاليت

*وشلاليف تعبيرًا عن مد البوز

*ومد البوز يعبر عن الزعل الشديد مع قلة الحيلة

*المهم

*دخلت القروب تاني

*قلت ليهم شكرت راجل كعابيش

*وأنا داخل عليهو

*قابلني الخطيب مارق منو

*ماعرفني

*دخلت علي راجل كعابيش

*قال لي الأمور زابطة ولا مشقلبة؟

*قلت ليهو زابطة ومشقلبة

*الشقلبة زبطت الأمور تمام

*حبة البركة عالجت النفاخ والانتفاخ والنفخة الكضابة

*قال لي حبة البركة علاج لكل الأمراض

*قال لي أنت دفعت كم؟

*قلت ليهو ألف جنيه

*قال لي الراجل المرق وانت داخل ده دفع ستة ألف

*همست جهرة (الخطيييييب)

*وتساءلت خلسة

*إذا أنا دافع الف انتهت..

*يعني القون بألف؟

*الخطيب دفع ستة ألف؟

*وترباس في القاهرة؟

*اتلفت

*لقيت ليك القروب كلو (الأون لاين) مريخاب بس

*الجماعة مرقوا

*ولكنه قروب يمارس فيه الجمال بمنتهي الجمال

*ياليت وسطنا الرياضي يعود لسابق عهده مسالمًا أنيقًا متأنقًا متألقًا

*لكن

*برضو إعداد

*ولن تبطرنا الشقلبة

*فطوحنا ليس هزيمة الهلال

*ولكنه العودة لمنصات التتويج الجوية

*والمباراة لم نستفد منها فنيًا كثيرًا

*فقط الجملة التكتيكية التي سببها انطرد اتنين من الأهلة

*والشقلبة

*وعودة أمير كمال لما مارسه مع أوكرا

*تلك فقط هي فوائد اللقاء

*عدا ذلك ماكانت في فائدة فنية لأن الخصم ضعيف

*ده كلو هين

*ستة ألف الخطيب

*ووجود ترباس بالقاهرة

*وتوفر أدوية المدررات بالصيدليات المصرية بابخس الأثمان

*كلها مؤشرات خطيرة

*وأمسكوا الخشب

*لأنه مابتقدروا تمسكوا عاشور ووسام وراجل كعابيش

*لكن بركة بالغ

*أيها الناس

*يجب أن لا يبطرنا النصر

*وأن لايقعدنا عن الإعداد الجاد

*وأن لا يتغير هدفنا الأساسي

*وهو العودة لمنصات التتويج

*أيها الناس

*إن تنصروا الله ينصركم

*أها

*نجي لي شمارات والي الخرطوم

*كان شفت يا والينا

*قمة منانا وجل أمانينا

*إننا نعترف بالآخر ونحترم بعضينا

*فهل لنا ما نريد يا والينا

سلك كهربا

ننساك كيف والكلب قال أجمل زول هو البحب كل الناس.

وإلى لقاء

سلك