بابكر سلك
*أمس كورة المنتخب
*الكورة ابت
*كنا نستحق النصر
*لكنها ابت
*اي انضباط ساد صفوف الصقور
*ايه ده!
*ايه الحلاوة دي
*ايه الثقة بالنفس دي
*حلاوتك يا روفا وانت تروض الكرة
*كنترول زي الكنترول
*ترويض للكرة لو روضتو للاسد ببقي كديس طائع
*شفتوا التثبيت بالصدر والسيطرة علي الكرة والتطويع لها بالتمرير لبوغبا؟
*ده جن احمر راكب روفا ده
*وياسلام علي عجب
*عجب عجب ماني ذاتو
*قفلوا لما آمن
*معقولة ياساديو
*داير تحاور رمضان في رمضان؟
*وكل الكوكبة كانت عشرة علي عشرة
*ولن انسي الجمهور الخرافي الاحترافي الذي لم يغب هتافه لحظة من قبل بداية المباراة
*ايه ده ياسودان
*يظهر الدنيا بعد ده دايره تدينا
*بعد ماكانت مقبلة (بكسر الميم وفتح القاف وكسر الباء) علينا
*لم تكن يوما مقبلة (بضم الميم وسكون القاف وكسر الباء) علينا في حياتها
*كانت معاكسانا بدون سبب
*قبلنا اعتذارك يا دنيا
*لن نتعامل معك بروح الانتقام
*ولا بالرجوع للماضي
*سنصطحبك معنا في مسيرة بناء السودان
*نريد المضي قدما للامام
*ولم ننشد الاقصاء ولا التشظي ولا الانتقام
*قبلنا اعتذارك يادنيا
*وتاني ماتكرريها
*تعظيم سلام للمنتخب
*وماداير اقول عندنا بلنتي
*لكن الاتحاد حقو يفتح عين الفهلوة شوية
*حبة شفتنة يا سمسم
*ايها الناس
*بمناسبة الاتحاد
*سمعنا انو في شكوي مضمونة في لاعب السنغال الاسباني
*ان شاء الله ختيت بالك يا اتحادنا
*وكت ابتنا في الميدان
*ما اظن تابانا في اروقة المكاتب
*افتح ياسمسم
*المهم
*لسة نحنا صدارة
*وبجدارة
*ومصرين شديد
*من السنغال للمونديال
*مهما طال المشوار
*فرصتنا طالما نوينا والدونية خلتنا والدنيا ادتنا
*الانضباط
*حسن الاعداد
*عدم الاستهانه باي خصم
*عدم الركون لأي نتيجة حتي صافرة النهاية
*ووقتها سيصفر قطرنا معلنا توجهه للمونديال
*جايينك يا ترمب
*جايينك في مكانك
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*صقور جديانا حلقت بملعب بنينا
*مرفرفة بفخر رفع الجباه يا والينا
*ماضية في سربها آمنة وامينة
*ماشة لي ترمب عدييييل يا والينا
سلك كهربا
ننساك كيف والكلب قال حلاة صقورنا مرفرفة ماشة لي ترمب بتغني الليلة جينا كية للمابينا
والي لقاء
سلك
