بابكر سلك
*يابلد مجروح وتنزف في دمومك
*يابلد مهموم مشغول بي همومك
*يابلد عريان مسولب رغم خيرك
*وغيرك اللابسين هدومك
*كيفك ياحبيب
*وكيف العيد معاك
*بكيت علي ارواح ولادك
*ضحكت من شر البلية
*بنستبيح حرمات ظلالك
*ونزرف الدمعات سخية
*ولما زاد فوقنا الهجير
*لمانا ضل البندقية
*عيدت كيف يا وطن
*ودعواتك شنو؟
*يابلد سامحت ياما
*وفي الختام كنت الضحية
*تعرف يا وطن
*عارفنك سامحت ياما
*لكن في الختام
*في الختام لست الضحية يابلد
*وطنا غنينا ليك
*ياوطن في قلبي دقات اسمك ايقاعها بيزيد
*يا وطن في عيوننا رسمك لوحة النيل والخلود
*يا وطن ساعاتنا دقت واعلنت انك في عيد
*يا وطن في قلوبنا انت ونحنا بي حبك نجود
*انت انت وانت لينا
*وليك من الافضال علينا
*وياوطن يكفينا انك في جوازاتنا الاسم
*نحنا نفخر بيك سمعة وانت شمعة تضوي لينا
* وياشرف اسمك يدقدق في بطاقاتنا الختم
*يا شرف اسمك يدقدق في بطاقاتنا الختم
*شفت نحنا كيف يا وطن؟
*الكلام الفوق ده كنا بنعيد بيهو عليك ونحنا طلاب بالجامعة
*كان حبنا ولازال جارف
*كان فرعنا وارف
*وكانت جماعة الجو الرطب تنشد التراتيل تحت قيادة الفنان اكرم زكي
*والليلة رجعنا نسأل
*من دون ان نخجل
*عساك طيب يا وطن
*ويشيل من عمري انا ويديك الله يخليك
*ايها الناس
*كل سنة والوطن طيب
*فحينما يطيب الوطن
*يطيب المقام
*وتطيب الحياة
*وتطيب النفوس
*ايها الناس
*ان تنصروا الله ينصركم
*اها
*نجي لي شمارات والي الخرتوم
*تعرف يا والينا
*المرحلة الجاية مرحلة بناء
*بناء انسان قبل الوطن
*لننشد جميعا
*وطن بي عزو باقي
*مكانو في جوة المآقي
*صحيح فقير ريو السواقي
*بس مكانو في نفسونا باقي
*وبي جهودنا حايبقي راقي
سلك كهربا
ننساك كيف والكلب قال الزي اكرم زكي ده بمرق من الوطن ككيييييييف ويقعدوا الزيف!
والي لقاء
سلك
