يا شماتة أبلة ظاظا فيّا

بابكر سلك

*أصعب حاجة لما الواحدة تركب ليها باروكة
*وتصدق انها شعر
*شعرها هي
*وترمي التوب من راسها
*تهز راسها بدون سبب
*والخصل الزيف يتراقصن
*لو دايرة تقول آآي
*تهز راسها بالعرض
*عشان الباروكة تتنفش زي الطاؤوس
*والغريبة لو دايره تنفي
*لا لا لا لا لا لا لا لا
*ومع كلو قولة لأ
*هزة راس من الكتف الشمال للكتف اليمين
*وتخيل كيف يكون الحال
*لما الباروكة تطير
*زعمطت التابا البنيات لي حدهن
*ام صلعة
*جخ السنين كلو يبقي خجلة مع طيرة الباروكة
*باروكة فيها طمنطاشر مسيرة ماحقتك!
*دقستي ليه ياحبيبة
*الباروكة مابتبقي ليك شعر
*وحقو تعرفي انو الموضوع الجارية وراهو
*ده شعرا ماعندك ليهو رقبة
**المهم
*ماعلينا
*المصريين ديل ببالغوا عديل كدة
*جنس بوليغ
*برغم الصرف الملياري علي المحافظة علي اللغة العربية
*هم يبشتنوها
*آل ايه
*آل شنو يا حودة
*في اللغة اسمها قال
*بالقاف
*وكمان لما يركبوا المايكرو بص (الحافلة) بقولوا للسواق رايح قاي
*قاي ازاي يا عمدة!
*اسمها جااااااي
*بالجيم
*جا جمل
*رايح جاي
*يعني ماشي وجاي
*معقولة تبشتنوا اللغة للدرجة دي
*وقال شنو
*لئيتوا المعاملة كيف
*اسمها لقيتوا يا بيه موش لئيتوا
*دبلو
*دبلو مين ياعم
*اسمها دبل ليهو
*دبل ليهو
*يعني تاني اديهو
*وقالوا امام ياجن
*دي بقت مابتغالطونا فيها
*حقتنا
*امن ياجن
*لكن بنسمح ليكم باستعمالها لو قابلتوا مرتزقة أجانب لا سمح الله
*وكمان اهلنا المصريين بقوا يقولوا ده فريق بتداوس!
*لئيتوا المعاملة كيف
*طبعا قاصدين لقيتوا المعاملة كيف
*لكن عافيين ليكم
*برضو انتوا اخواننا في الرضاعة
*وحبايبنا
*اصلو احنا عمال بنرضع من نيل واحد آلاف السنين
*الغريبة
*الامام لما استلم المايك
*قلبا الخط الخلفي من المصلين
*فتحوا من بعض
*واحد قال للتاني
*انت ليا ميل وانا ليك اميل عشان نميل سوا ياجميل
*لما مالوا لقوا (الإمام) كبر وقرا وركع وقام من الركوع وسجد ورفع وسجد ورفع واتشهد وسلم
*الله يقبل
*لكن بوصيكم
*اي واحدة لابسة باروكة
*ماترمي التوب من راسها
*الدنيا دي هواها كتير
*والهوا بطير الباروكة وتقعد راسها اخير راسي
*وتردد
*ياشماتت أبلة ظاظا فيَّا
*أيها الناس
*يظل مانديلا وحيدا يقدل كما الطاؤوس مختالا بزهو يشكل حلما للجميع
*مالاحظتوا الطاؤوس دي بتشبه الكؤوس!!!!!!
*فيها من البديع جناس
*غايتو جنس بلاغة
*أيُّها الناس
*إنْ تنصروا الله ينصركم
*اها
*نجي لي شمارات والي الخرتوم
*كان شفت يا والينا
قلنا ليهم انتوا ماشين بجاز المصافي ما اشتغلوا بينا
*اسي قطعوا في الخلا لا لموا عليهم لا لموا علينا
سلك كهربا
ننساك كيف والكلب قال كضابين مابتقدروا زحوا منو سيادو جوا
وإلي لقاء
سلك