بابكر سلك
*هذا ليس مجرد عنوان
*ولكنه سؤال ظل يشغل عشاق الأندية كثيرًا
*بعد انتهاء، امد اي مجلس
*يبحث الناس عن رئيس عندو قروش
*عشان يشيل الشيلة
*حتي الاعضاء الذين ياتون معه بالمجلس
*لايقدمون انفسهم ولايتصارعون علي كرسي إلا بعد أن يضمنوا الرئيس العندو قروش
*وطبعا رضينا أم أبينا
*كل انديتنا في السودان لسة بتدور في فلك الهواية
*لذا العمل فيها لايخلو من عشوائية
*والاعتماد في تسييرها يكون علي قروش الرئيس وهبات الحكومة (للقمة) وبعض التبرعات
*والغريبة الطموح غير
*دايرين الأميرة السمراء
*حتي طموحاتنا عشوائية
*لايسندها منطق ولاتخضع لتحليل
*نطمح بس
*هو الطموح بقروش؟؟
*المهم
*الاعتماد علي الرئيس العندو قروش بالتأكيد يدخل النادي في جيب الرئيس
*وعندنا لما تجي تقنع زول بانو في زول قدامك لابحل ولابربط ولابقول بغم
*تقوم تقول ليهو فلان ده جووة جيبي، ده
*وهنا داخل تلك الجيوب تستكين الاندية وتستكين معها الطموحات
*ونسأل انفسنا سؤال
*الرئيس العندو قروش ده دافعو شنو البخليهو يبعزق قروشو علي النادي؟؟؟؟؟
*الاجابة علي السؤال ده مهمة جدا
*وكلو زول يجاوب بكل شفافية علي السؤال بينو وبين نفسو
*ايها الناس
*الرياضة اضحت صناعة ومشاريع تنشد الجودة لتنافس في السوق العالمي
*هذه الصناعة تحتاج لرؤوس اموال طائلة
*والي علمية ومنهجية تضع وتنفذ الخطط التي تقودها لركب التنافس العالمي
*والحاجة دي بقوم بيها مختصين مؤهلين وخبراء
*عشان كدة اهم استثمارات النادي يجب ان تكون في استثمار المتاح له من العقول المتخصصه والمؤهلة
*والرئيس العندو قروش لو بقي عندو مال قارون وبتمتع بكرم حاتم الطائي
*لن يستطيع ان يؤسس للنادي صناعة تمكنه من التنافس العالمي الدائم وفق منهجية علمية مدروسة ومتخصصة
*فالأنا واحدة من عيوب النفس البشرية التي يمكنك تسكينها الي حين ولكنك لن تتمكن من علاجها علاجا نهائيا
*المريخ كون لجنة للاستثمار فيها مافيها من خبراء ومختصين
*وان كنت اري ان بيت المريخ فيه من خبراء التسويق وعلمائه مايدعم تلك اللجنة ويسندها
*فالدوران في دائرة اسماء بعينها هو احد اسباب تجمد الفكر وعدم تجديده
*مع خالص تمنياتنا طبعا للجنة الاستثمار والتسويق بالتوفيق
*لانها لو نجحت ستكون الخطوة الاولي للنادي في طريق خروجه من جيوب الرجال وانعتاقه الي آفاق الحرية والاعتماد علي الذات
*وده لو حصل مافي زول تاني بخاف من الترشح لمجلس الادارة في حال غياب الرئيس العندو قروش
*وبرضو بقود لاعمال الفكر وجلب العضوية ام راس فتتلاشي العضوية بالراس التي تباع بالجمعيات العمومية كخراف الاضحية
*ولكن
*لو ده كلو حصل في نادينا
*نستطيع ان ننجح في ظل دولة مثل دولتنا لاتقتنع بذلك ولاتدعم الرياضة؟
*اذن نحتاج للدولة التي ترتقي لمستوي طموحاتنا عشان تغير قوانينها علي الاقل بما يلائم المرحلة الفكرية التي يجب ان تتنزل الي ارض الواقع لتصبح مرحلة عملية وعلمية
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*في مصر قالوا جايةعاصفة
وهي كتاحة عادية زي البتجينا
*كان شفتهم قايمين وقاعدين واجزوا لينا
*يا حليل كتاحتنا البتكندك فينا وتبرد الواطة علينا
سلك كهربا
ننساك كيف والكلب قال الكنداكة سيدي سيدي متين اراكا
والي لقاء
سلك
