بابكر سلك
*المتابع للكرة الأوروبية بلاحظ إنو في ظاهرة الأهداف الكتيرة في المباريات
*والغريبة بين فرق لها وزنها
*فهل هي نجاعة هجومية
*ام سوء دفاعات تكتفي بالدفاع بالنظر؟
*ام ان تغيير وتعديل قوانين التحكيم قد اتي بأكله
*لانو لما عدولها قالوا عشان يضربوا بيها الخطط الدفاعية ويشجعوا علي الهجوم ويساعدوا الفرق علي إحراز الأهداف
*يعني الفيفا قصدت تحارب الخندقة
*لكن لو كان الأمر كذلك يافيفا
*الغي الاوف سايد (كنتقدري)
*علي اليمين المباراة تنتهي سبعطاشر حداشر
*تبقي كورة القدم زي كورة اليد
*وممكن تبقي زي كورة السلة
*تنتهي مية وسبعة ستة وتسعين
*الاوف ده هو الشي الوحيد البقلل من الاهداف
*وبجيب الخرخرة
*ويحير الفار وست الدار
*بارسا والريال انتهت اربعة تلاتة
*بارسا والانتر انتهت سبعة ستة بمجموع المباراتين
*البارسا جايب في الريال في اربعة مباريات سطاشر قون
*والريال المغلوب جايب في الاربعة مباريات دي قريب تسعة اقوان
*دحين دي كورة شنو دي؟
*كورة القدم الرجالية نتايجها بقت زي نتائج كورة القدم النسائية
*الرجالة تطير
*وبمناسبة كورة القدم النسائية
*رايكم شنو في الرياضة النسوية؟
*بالذات الرياضات التي تحتاج لعضل وخشونة وشدة
*انا غايتو عندي رأي
*والدين ماسبب في هذا الرأي
*لاني لست بفقيه
*زول عادي
*ديني حبة
*اصدق مايقال لي انه من الاثر
*واؤمن عن ظهر قلب بكل المقدسات والوحدانية
*انا ماشيخ
*ولا عاوز
*ولابقدر
*ماشيخ لأني لست بفقيه
*ولا عاوز لأني أخاف ان أتحمل وزر ناس أخدوا دينهم عني وجطتهم ليك جوطة جد
*ولا بقدر لأنو الخلافات الفقهية والمذهبية والملِّية
*بتشتت الزول وببقي ماعارف المطرة صابه وين
*عشان كدة أحبذ، أن اكون من جمهور المدرجات فقها لا من جمهور، الفقهاء
*بس بعاين بعيوني
*عشان كدة بتناول الرياضة النسوية بمنظور بعيد عن الدين
*انا اري ان الرياضة النسوية فيها تجني انساني علي الطبيعة البشرية
*وفيها خدش كبير لقدسية المرأة
*شنو يعني لما المرة تجري قدام الرجال بالشورت وتتشنقل في كورة مشتركة
*وموش كدة وبس
*تتقلب كمان متالمة ممسكة بقدمها التي اصيبت وكراعها التانية في الواطة؟
*اليست الخشونة والعضلات والفلايت وضيق الصدر كلها تغيير في طبائع المرأة؟
*اليس في ذلك تعدي علي الانسانية بتغيير ارق مخلوق في الكون لوحش يبرطع في الملعب ويردم ويختها للخصم ويشيل (هد) كمان؟
*والغريبة لما تكون في فاول برة الخط ويقيفن اخوات ساندريلا حيطة
*بختن ايدينن حماية كمان
*وتخيل كدة اتلعب باص طويل خلف (الباكة) والجناحة جرت ومرقت ليها الثيردباكة ام تفة
*مارقة ليها زي الصاروخ
*والكوتشة تكورك
*اركبيها قشيها
*وتركبها ليك
*ويتشتتن
*اسي منظر زي ده الانوثة فيهو وين؟
*حادث حركة بس
*غايتو بدون دين كدة
*وبعيدا عن كل الشرائع والعقائد
*الرياضة النسوية دي بالذات الفيها شتات وخشونة
*حقو اسرائيل تعيد النظر فيها
*اقول قولي هذا
*اسرائيل تعيد النظر
*لأني مقتنع بان العالم ده كولو
*بيدار بواسطة منظمتين
*تسيطر عليها اسرائيل
*الامم المتحدة والفيفا
*اقول قولي هذا واستغفر، الله لي ولكم
*اما بعد
*أيها الناس
*إن تنصروا الله ينصركم
*اها
*نجي لي شمارات والي الخرتوم
*كان شفت يا والينا
*ممكن كلنا الرياضة تأوينا
*لكن كمان يا اخينا
*كلو زول يشوف الرياضة البتناسب عمرو ونوعو ودينو
*وماتتفرض رياضة علي زول جوة عينو
*او يتحرم من دولارات الفيفا يا اخينا
سلك كهربا
ننساك كيف والكلب قال اذا واحدة من بنات الكورة ديل اتزوجت وربنا اكرمها انجبت الا تشتري ليها غنماية للطفل
وإلي لقاء
سلك
