بابكر سلك
*اذا جاك عريس البت مادايراهو
*او لم تجد انت فيه كفاءة
*علي الاقل بتحترم جيتو ليك
*وبتقدرو
*وبعد داك تعبرو
*مثلا تقول ليهو البت قالت دايرة تقرأ
*والله عمها قال ولدو دايرها
*وحاجات زي دي
*يعني بتحترم الزول
*ومابتقفل الباب في وش غيرو
*لأنك لو ماعبرت الزول الجاك ده
*زول غيرو بجيك مافي
*الناس حاتقول فلان خطب بت فلان
*رد ماردوهوا عليهو
*وبكدة حاتقفل باب بتك واخواتها
*ويبورن ليك بورة من امها
*يمشطن الزرقا بالبيضا
*ويقعدن ليك زي شيخات الظار
*عشان كدة
*في موضوع كانتي ده
*قولوا للخواجات ديل
*ولدنا داير يقرأ
*علي الاقل ما ينقفل باب خطوبات زي دي
*والخواجات بفهموا وبتفهموا
*لكن الصمت والسكات في هكذا مواقف
*لا يعني الرضا
*ولكنه يعني عدم احترام القدر
*قدر الخاطب
*وقدر الاسرة
*وقدر البت
*عبروهم حتي لا يظنوا اننا عبر
*المهم
*انتهي الدوري الموريتاني
*بالنسبة لينا رسالتو كانت واضحة
*لانملك مواهب وطنية قدر الشعار
*نفتقر للخبرات الوطنية بعدد كاف
*الاجانب الا من رحم ربي
*لكن غالبيتهم مغتربين لا محترفين
*لم نستفد من البوار من التنافس الافريقي موسم كامل للاعداد لموسم افريقي جديد
*سنبدأ من الصفر
*ولو عاقلين نستفيد من تجربة برشلونة
*نقنع من موسم موسمين
*ونعتمد علي مواهب شابة
*لنبدأ طريق العودة
*لكن علوق الشدة
*والاحلال والابدال بالطرق التقليدية زي كولو سنة
*حايخلينا في بيت ناس الاميرة السمراء
*نسأل عن ناس عبد الوهاب تومينة
*ونتخارج من التمهيدي لعدم الكفاءة
*ثم نعمل فينا بنبني
*ونربط تور الخلا علي الساقية
*ساقية جحا
*من البحر وللبحر
*المهم
*لماذا لانستفيد من خبرات مريخية ذات كفاءة عالية
*اكتسبت خبراتها من التحاقها بمنظومات خارجية
*تتخصص في العمل الاداري والفني الرياضي؟
*الخليج ده بس عندنا فيهو قامات ذات كفاءة تستطيع ان تدير الفيفا ذاتها
*لكن بحثنا عن الرئيس العندو قروش
*وكنكشتنا في مجالس الرئيس العندو قروش
*ونحنا ماعندنا حاجة
*بتخلينا نسأل عن ناس عبدالوهاب تومينة سنويا
*ودون خجلة
*ونركب الكركابة
*الكوستر،
*ونتخارج
*معقولة زول يركب البص وينزل طوالي في نفس المحطة الركب منها؟؟؟
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*برغم الحزن الفينا
*الدنيا ماخلقت حزينة
*لكن مليناها حزن بي ايدينا
*الله يهدينا يا والينا
سلك كهربا
ننساك كيف والكلب قال الحزن ممكن يكون نبيل لو القلب الحزين كان نبيل
وإلى لقاء
سلك
