بابكر سلك
*من حق أي إنسان أن يحلم
*بالذات في زمن يطوف فيه الطيف بالصحيان
*وينوِّم فيه أي شي
*كولو نايم
*لذا تكثر الأحلام
*وإذا تكررت تصبح تلك الأحلام طموحات
*ثم هاجس
*ثم حالة نفسية عصيّة
*ولكنها تظل أحلام
*والدنيا مني وأحلام
*وتظل أحلام غيرنا جزء من ماضينا
*المهم
*الحلمانين صبحوا متوهمين
*فيهم ناس صدقوا الحلمة
*ووضعوا غشّاشة
*وطفقوا يرضعون من ثدي الوهم
*فأصابهم النفاخ
*وظنوا إنه الشبع
*ولكنها الأحلام
*من حقك أن تحلم
*لكن كمان خَلِّي أحلامك منطقية
*ومن حقك تجن وتطوفش
*لكن كمان خَلِّي جنك عاقل شوية
*ومن حقك أن تحلم
*حتى لو بقت أحلامك أوهام
*فهي مشاريع
*زي مشروع العليقي
*لكن
*أن تحلم لدرجة تقودك فيها أحلامك لغيبوبة
*فتظن أن حلمك أضحى واقعاً
*ده الشغل الداير علاج نفسي
*وعلاج (فقرا)
*ودق ظار عديل كده
*أما إذا قادتك أحلامك للتعلق بقشة كي تخرجك من يمّ الصفر
*هنا الناس بتضحك عليك
*الحالة النفسية سببها الجوية
*في ناس كده شدت ما العقدة عقدتهم
*النشرة الجوية في التلفزيون بعتبروها مغارز
*ياخ الرائع منذر، خبير الطقس، الراصد الجوي، ما بحبوا سيرتو
*لأنه بجيب توقعات الأحوال الجوية
*أي حاجة جوية دي بقت تعقدهم
*المهم
*تقوم الأحلام الكتيرة تقود الحلمانين للخرخرة
*ومحاولة تحقيق تلك الأحلام ولو بالأوهام
*قال إيه!
*الاتحاد الموريتاني قال بكون في فريق سوداني بطل على الفريق السوداني التاني
*التاني بالتا؟
*ياخ لو أدوكم كاس في موريتانيا
*وفرحتوا بيهو عشان تجيبوهوا جوا
*على اليمين ما بتجيبوهوا
*حا تنسوهوا في المطار
*ما متعودين
*بل ما مجربين
*عشان كده حا تخلوهوا قبلو
*الجويات دي ليها ناسا
*ما وناسا
*وريحة المطار هي عطر إنجاز ما للعامة
*للفئة المميزة
*ودرب المطار زي خريطة الكنز
*ما أي زول بعرفو
*لذا
*خَلِّيكم في أحلامكم
*إنها أحلام وليست رؤى
*مجرد أوهام أحلام
*وهضربة
*وأب كباس
*بس الخوف من حمار النوم يرميكم ويكسر رقبتكم وأنتم تحلمون ولا تحملون جوية
*المشروع لازم يستمر
*مشروع الأحلام لإنتاج الأوهام
*أيها الناس
*سمعنا إنو مجلسنا رفض موضوع كانتي
*وسمعنا إنو السبب هو اكتشاف المجلس لمؤامرة على الكيان
*إذا صح ما سمعناهوا
*برضو القرار غلط
*لأنه لو مشى وكبّرها لن يستطيع أن يتجاوزنا
*وفي الحالة دي سنكسب الأخدر البتحرن
*منو ومن النادي البتجرأ يسجلو وعقدو ساري معانا؟
*وحا يفقد السودان فرصة تأهيل موهبة يافعة تفيد المنتخب
*وفرصة فتح الباب للمواهب السودانية الشابة
*مع كامل احترامي للمجلس
*القرار ما مبلوع
*ممكن كان نشترط للقبول تجديد العقد قبل السفر لسنوات
*نكبر بيها كومنا كان كبّرها
*لكن نحنا بنفهم أكتر من الحكومة؟؟؟؟؟
*أيها الناس
*إن تنصروا الله ينصركم
*أها
*نجي لي شمارات والي الخرتوم
*كان شفت يا والينا
*الهم ما مكفينا
*لكن الحمد لله على الحال العلينا
*وموش حا نموت الله يخلينا
سلك كهربا
ننساك كيف والكلب قال بقال كشّح الحلة واتشتت الرصاص
وإلى لقاء
سلك
