بابكر سلك
*ختامه زفت
*عنوان مريخي في وداع الدوري الموريتاني
*كل مساحيق الجمال
*وأبرع خبيرات التجميل
*سيصرعها الوجه القبيح الذي ظهرنا به لموسم كامل
*كل أنصار الكيمان وكساري التلج سيدخلون في أظافرهم حرجًا
*ما فَضَل ليهم جهة يرقدوا عليها
*برغم أنهم يدمنون الانبطاح في كل الأحوال
*ويجيدون التبرير
*ويحترفون التدبير لإبعاد أي كفاءة عن المشهد القيادي في الحكومة المريخية
*عندما يحتدم الفشل
*يسوقون الناس بالخلا بمنتهى الاحترافية
*بانصرافية يحسدهم عليها الموساد
*يصرفون الناس عن الإشكاليات الحقيقية
*ويشغلوهم بعَشَّة أم ضنب وأبو القنفت وأبو مليون والزول البصافح وبسحب مقدرات الناس
*خرافات يريدون أن يصرفوا بها الناس عن هطرقات الواقع
*أيها الناس
*ما وصل له فريق الكرة المريخي كان بسبب التفريط في الأعمدة الأساسية والخبرات
*وفي تسجيل خامات محلية ليست في المستوى المطلوب
*وفي انتدابات أجنبية أقرب للمغتربين من محترفين
*وفي معسكر تعجّ به الفوضى
*وفي جو جعل النادي طاردًا للذين في كشوفاته وغير جاذب لمن هم خارج الكشوفات
*وفي مدربين زي سواقين الحافلات
*كلو فردة بسواق شكل
*وكَتَرت الكرعين على الكلتشات لجّنت الحافلة
*وده كلو شغل مجلس ومسؤولية مجلس
*ثم صرّح السيد الرئيس القائد بقول فيما معناه:
*الفريق ما فيه مواهب تشكل خبرات
*والبلد ما فيها مواهب محلية نستعين بها
*والأعمدة التي فرّطنا فيها رفضت العودة
*والأجانب ليسوا حلًا
*وعلى الناس الصبر
*سيدي الرئيس
*السادة المستشارين
*وكت غلبتكم وصرّحتم بذلك
*البِجبرنا على الصبر شنو؟؟؟
*القصة دي بتذكرني قصة الزول الفقير
*قاعد في بيتو هو ومرتو وعندو عتوت رابطو في كراع العنقريب
*جوهم حرامية شلة وفتّشوا البيت
*ما لقوا ولا حاجة
*عمك صاحي لكن عامل نايم
*والحاجة مدمدمة لكن صاحية
*وبراقبوا في الحرامية
*كبير الحرامية قال ليهم:
*نغتصب المرة دي ونكتل الراجل ونضبح العتوت
*عمك لما سمع الكلام قال للمرة: كوركي يا مرة كوركي
*المرة قالت ليهو: كدي نصبر شوية
*قال ليها: إنتي صابرة ليك فوق رأي… أنا وعتوتي ده ذنبنا شنو؟
*أها
*المجلس البقول لينا اصبروا ده صابر ليهو فوق رأي
*نحنا ومريخنا وعتوتنا الصابرين ليها شنو؟
*أيها الناس
*خلاصة تصريح السيد الرئيس تعني أن حماره قد وقف على عقبة التحدي وإيجاد الحلول
*ما عندو حل أو مشروع حل غير الصبر
*فهشتكنا وبشتكنا يا ريس باستقالة
*تحفظ لك احترامك ووضوحك
*لأن الاستقالة بقناعة العَوز للمقدرة التي تقود الكيان لبر الأمان
*تُعتبر عملًا نبيلًا
*وتعبّر عن احترامك وولائك للكيان
*زول ما عندك حلول
*القاعد ليها شنو؟؟؟
*افعلها يا ريس ليسجلها لك التاريخ ويمحو بها أنك الرئيس المريخي الوحيد الذي انهزم في عهده المريخ دوريًا عشر مرات وتعادل في تسعة
*افعلها ولا تنتظر قبولها
*فليست هناك سلطة لتعيينك ابتداءً (بحسب نسخ النظام الأساسي الأربعة)
*وبالتالي لا سلطة تجبرك على البقاء
*أنت سيد نفسك
*افعلها يا ريس فنحن وعتوتنا لن نستطيع صبرًا
*هشتكنا وبشتكنا يا ريس
*ولو شايف الصبر حل
*سألت بالله انسحب من النخبة لحفظ ماء الوجه
*وعشان الانسحاب من النخبة ببعدنا عن التمثيل الأفريقي بعد شهرين
*لا نريد أن نُمثَّل بالكيان
*انسحب وحافظ علينا وعلى عتوتنا
*ذنبنا شنو نحنا؟؟؟
*وصدقني
*ما عيب الزول لو فشل وأفسح المجال لغيره
*لكن العيب الزول لما يفشل ويصرّ على الصبر ويضيعنا ويضيع عتوتنا
*اللهم أزِل غضبك ومقتك عنّا يا أرحم الراحمين
*أيها الناس
*إن تنصروا الله ينصركم
*أها
*نجي لي شمارات والي الخرطوم
*كان شفت يا والينا
*سدّينا دي بي طينة ودي بي عجينة
*وبقت فينا
*كان سكتنا أنا وعتوتي مصيرنا السكينة
*وكان كوركنا ما في زول بجينا
*وما قادرين نجري يا والينا
سلك كهربا
ننساك كيف والكلب قال: المرة ذاتها الصابرة ليها شنو؟؟؟
وإلى لقاء
سلك
