مجموعة الضنك

بابكر سلك 

• للأسف خسر منتخبنا بالامس

• اضعف الحظوظ بل جهجهها

• هدف ولا عليك بيهو

• كالعادة

• عكسية

• حارسنا يجليها

• وراسية

• ونمشي السنتر نتقدل نرديها

• مافي انسان معصوم من الخطأ

• لكن اخطاء حراسنا بتغيظ شديد

• لما واحد فيهم يجليها

• زي بتاعت ابو عشرين يوم مباراة جنوب السودان

• طوالي بتذكر شداد

• لما منع الاجانب في خانة الحارس حفاظا علي الخانة للخامات الوطنية

• وبتذكر كيف تم الاحتيال علي القرار واللائحة علي مستوي رئاسة الجمهورية

• الشي الوحيد الفكرت فيهو رئاسة الجمهورية وقتها

• كان الاحتيال علي القرار والالتفاف عليه

• فتم تجنيس جمال سالم ومكسيم والحضري بالحريات

• وضاع اكرم ومنجد وابو عشرين وابوجا وغيرهم كثر

• رئاسة الجمهورية وقتها لا فكرت في رفع معاناة المواطن ولا علاج ولا مجانية تعليم

• ولا فكرت في تطوير البلد وجذب الاستثمارات الأجنبية

• ولا فكرت في تشجيع البحث العلمي

• ولا فكرت في جعل الريف جاذبا ومنتجا حتي تحدث الهجرة العكسية

• البجي من قريتو يبيع مساويك جمب البوستة

• لو لقي شغلة في قريتو

• ومدرسة وشفخانة

• ومصنع ورعاية لي زراعتو

• وتسويق لمنتجاتو

• كان ربطتو في الخرطوم ما بقعد

• لكن رئاسة الجمهورية الزمن داك مافكرت الا في التحايل علي القانون وتجنيس اللاعبين بالذات الحراس

• الحمد لله مابصيبنا شئ بسبب اجنبي

• اي شئ يصيبنا بنصنعوا بايدينا

• برانا بنعمل علي اذانا

• علي الورق لازالت فرصة التأهل كثاني واردة

• وعلي الواقع ماظنيتها مع البحصل ده

• مباريات زي دي لاتتحمل المجاملات

• ومجاملات زي دي لاتتحمل المباريات

• وتحملات زي دي لاتجامل المباريات

• ولاندري ماهي ظروف الجهاز الفني

• هل لجاهزية اللاعبين دور في ذلك

• ام ان الامر (دغوتات) من (يعقوب)

• فبنفس يعقوب اشياء

• صالح المنتخب ليس منها علي الاطلاق

• كنت كويييس ياكواسي

• مالك ياحبيب؟؟؟

• ولا ياها قدرتنا؟؟؟؟؟؟

• ولكن الخلاصة

• شكرا لكل من اوصلنا لهذه المرحلة

• علي الاقل عشنا علي امل في فترة كانت كل امالنا واحلامنا تبحث عنا ولم تجدنا

• اها

• سيكافا البطولة الدولية الجوية القيمة

• بقت كدة فجأة

• كانت كاس مجاعة لما صعبت علي الجماعة

• تتواصل غدا مباريات مجموعة الضنك

• مجموعة كان جمعت نقاطها كلها لاتؤهل مصاب ضنك منها لمرحلة مقبلة

• وعلي ذكر سيكافا

• يقولون ان شكوي مقديشو تم رفضها شكلا

• كلو جاز

• اقصد كلو جائز

• ولكن ان كان الاقلاع من هذه المرحلة

• تبقي طيارة الجماعة دي موديل حديث

• بتقوم من محلها

• لكن مابتفرق معاهم

• اصلها بطولة يرون انها ضعيفة وغير معترف بها ودخلوها لمجرد الاعداد

• ومرات مشاركتهم اعد منها ولا اعددها

• لكن سيكافا الفيها اتعرفت

• بقت روضة

• بين الشوطين بزازتك بره

• والبامبرز ضروري

• ايها الناس

• ان تنصروا الله ينصركم

• اها

• نجي لي شمارات والي الخرتوم

• كان شفت يا والينا

• تاني دورت فينا

• واحدات طوالي بتودينا

• ووحدات يجيبن الضنك لينا

• وواحدات ينونن في اضنينا

• وموش حانموت الله يخلينا

سلك كهربا

ننساك والكلب قال والله تاني القى لي واحدة طايرة بي جاي الا اعضيها

وإلى لقاء

سلك