الجيش فيه مندسّين

بابكر سلك

*في الدورة المدرسية مرحلة الأساس
*شاهدنا مباراة الساعة حداشر صباحًا
*يعني الناس (الكبار) كانوا في الشغل
*والفي إجازة بتنزانيا الشقيقة يادوبك ماشيين السوق يجيبوا أم فتفت والسلطة
*في الوقت داك كانت المباراة لاعبة
*الجيش الراوندي
*طلع مليشيا ساي
*وفيه مندسّين
*أسي عليك الله المدافع الرجع الكورة لمهاجم الجماعة ده ما متعاون ومندسّ؟؟؟؟؟
*ياخ روفا ما لعب باص زي ده للمهاجم طيلة أربعة أشواط
*هو (الاندساس) ده كيف بس
*والتعاون ده كيف بس
*زول يوصف ليك القون (بيوت الضباط) ويدردقها ليك برااااااك
*ده يكون ما مندس ومتعاون كيف بس؟؟؟
*هي سيكافا دي مالها بقت كدة
*تسمح بمشاركة زول ما مسجل
*تشطب شكوى صحيحة نقدًا أقصد شكلًا
*وتلعب نهائياتها حداشر صباحًا
*سيكافا ذاتها بقت متعاونة
*سيكافا بقت مندسّة
*دسّة شديدة
*وها هو أبو الهل يبلغ النهائي
*أبو الهل يشتري المجد
*ويصعد لأول مرة في تاريخو
*وبعد اتناشر محاولة للمباراة النهائية
*ولكن في النهائي أرجّح أن تنتهي الدسدسة والغتغيت
*فالله سبحانه وتعالى أقسم أن لا يظلم عبدًا لعبد
*وعبدالمهيمن مظلوم مظلوم يا ولدي
*لكن
*ده ما جيش
*دي مليشيا
*جيش ما ممكن يكونوا فيه متعاونين قدر ده
*غايتو المدافع عملها ظااااهرة
*أيها الناس
*فقدت سيكافا بريقها وألقها
*مما بقي أي فريق يشرك أي زول حتى لو ما مسجل
*فقدت بريقها مما بقت تتلعب عشرة صباحًا
*سيكافا تحتاج لمراجعة دفاترها
*وتصحيح مسارها
*وأول شيء تبدأ بيهو
*لا تسمح لكل من هب ودب من اللاعبين بالمشاركة حتى ولو كان قاصرًا
*قاصرًا كاستثناء على فريق واحد
*أيها الناس
*زمان
*في الحلة
*لما يكون في زول كيشة لكن جايب الكورة
*كان اتغلب ما بمرق
*ولو أجبروه يطلع عشان اتغلب
*بقول أدوني كورتي
*يشيلها وينهي (الدافوري)
*فهل يا سيكافا القاصر (البتدلّع) ده هو سيد الكورة؟؟؟؟
*لو طبقتوا القوانين بشيل كورتو ويقول ليكم العبوا بقوانينكم دي
*عشان كده لعبتوا بالقوانين عشان تلعبوا بكورة (سيد) الكورة
*كونوا نفسكم يا ناس سيكافا واعملوا ليكم كورة
*على الأقل تحافظ ليكم على ماء وجوهكم
*وأهم شيء ملايش متعاونة ما تشركوها
*والله في
*أها
*المهم
*بل الأهم
*قرار الاتحاد الإفريقي فيما يختص بمشاركة أندية الكنغو
*قرار بوري حجم الفساد الإفريقي
*وبوضّح ضعف الاتحادات الوطنية التابعة له
*ما كلها
*الاتحادات الزي حيلتنا ده
*على الحلف
*الموضوع ده لو كان يتعلق بفريق مصري
*الكنغو ذاتها كان اتشطبت من الكاف
*لكن هي وين الشخصية البعملوا ليها بطاقة
*أيها الناس
*إن تنصروا الله ينصركم
*أها
*نجي لي شمارات والي الخرتوم
*تعرف يا والينا
*كلو ناس بي دينا
*نحترمهم ونحنا ديننا زينة فوق زينة
*والله لا يصلح عمل المفسدين يا والينا

سلك كهربا

ننساك كيف والكلب قال تشتري المجد أفضل من تكون قاعد سااااااي

وإلى لقاء

سلك