بابكر سلك
*نبدأ مشوارنا الجديد بعد الاصلاح بالسبت
*والسبت معروف احمر
*جوياتنا ومانديلاتنا وحاجات تانية كتيرة كلها كانت في السبت
*حتي من السبت الي السبت كان سبت والسبت البعدو
*نبدأ المشوار بعد محاولات الاصلاح وتصحيح المسار التي تمت في زمن وجيز وغير كافي لاعداد فريق من بين انقاض خلفها المجلس السابق المستقيل بعد الخراب
*العقل يقول لانطالب الفريق بنتائج ايجابية في هذه المرحلة
*ولكن الروح تستدعي التحدي وترشف من السبت ذكريات البطولات
*لا احمل الفريق اي نتيجة ماتمام لاسمح الله
*ولكني اكاد اجزم اننا سنفعلها
*واذا تخطينا بفضل الله هذه المرحبة
*بالتأكيد سنظهر بمظهر مختلف شديد في المرحلة التالية
*ويستمر التصاعد ما استمرينا بمراحل التنافس المختلفة
*وان لم نوفق لاسمح الله
*لانرمي لوما علي احد في هذه المرحلة
*صاحب اللوم معلوم
*الله يسامحو
*المهم
*يجب ان نتعامل مع هذه المرحلة بهذا المفهوم
*ويجب ان نساند لجنة التسيير ونساعدها بالصبر
*وقبل كل ذلك تقدير جهودها الخرافية
*المهم
*حكمت المحكمة حضوريا علي الحلواني بالغرامة لصالح (الشاكي) نادي المريخ السوداني مبلغ تسعمائة الف جنيه سوداني
*بس ما حكمت بقولها (تحصل عن طريق تطبيق بنكك)
*ده شنو؟؟؟
*ده نتاج المابتعرف البنديها تغرف
*كيف يكون العقد بين المريخ ولاعبيه بهكذا مستوي متواضع؟؟؟
*وليه يكون في اتفاق خارج العقد واتفاق داخل العقد
وفي حالات اخري عقود تحت التربيزة
*وعقدين وتلاتة لنفس اللاعب ولنفس الفترة؟؟؟؟؟
*ده خلل يوضح العشوائية وعدم المنهجية في ادارة النادي
*وقلناها زماااااان
*وقتها قالوا كفرنا
*قلنا ليكم مامهم من يحكم المريخ
*ولكن المهم كيف يحكم (بضم الحاء) المريخ
*معثولة لاعب راتبو الشهري تلاتة الف و تلتمية وتلتين دولار
*وراتب تسعة شهور يكون تسعمية الف سوداني؟؟؟
*قصة ذكرتني بقصة الحكومة زمااان
*لما يجوا يعلنوا عن تبرع او دعم بتكلموا بالقديم
*يقولوا ليك كذا مليار
*ولما يجوا يتكلموا عن رسوم مفروض يسددها المواطن
*بتكلموا بالجديد
*يقولوا ليك كلها كذا مليون
*لكن اخير حكومة زمان
*لو قالوا مليار او مليون القيمة واحدة
*الخدعة لفظية بس
*لكن في حالات عقود المريخ
*الخدعة بصرية وسمعية ولفظية ولحظية وخيالية
*ولا يعرف المريخ من خدعه
*عشان كدة
*حقو الخبراء (الاصطراطيجييين) البعملوا العقود يستريحوا شوية
*ان شاء الله نجيب مأذون يكتب العقد
*ما (خساهم)
*معقولة ياخ
*التش لما يطالبنا بحقو بضربها علي اساس حقو بواقع تلاتة الف وتلتمية دولار
*ولما نطالبوا بحق المريخ
*يضربها علي اساس حق المريخ مية الف جنيه سوداني في الشهر
*معقولة ياتش؟
*لكن مامنك
*من الاصطراطيجيين
*ايها الناس
*المنهجية والتخصصية والتأهيل
*هي مرتكزات الادارات الناجحة
*كفانا زولي وزولك وكومي وكومك وفولي زرعته وحدي
*خلونا نحصد حصاد جماعي
*اسي عليك الله المع التش ده عقد ولا خطوبة سااااي؟؟؟؟؟؟
*المهم
*نسأل الله ان يوفق الزعيم في مشواره
*ايها الناس
*فريد يوم الاحد حايسطر اسمه باحرف من نور
*ابقوا معنا
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*برغم الحرب الفينا
*الا اننا نظل شعب جميل يا والينا
*نشكل رياض وجنان وبساتينا
*ماشايف الفراشة راكة في يد كلو زول فينا
*موش حانموت الله يخلينا
سلك كهربا
ننساك كيف والكلب قال كل مقدر ببقي واقع واي واقع ببقي ذكري…. يمضي ويبقي قصص تتحكي
والي لقاء
سلك
