بابكر سلك
*الحبيب الاديب محمد عبدالماجد
*كتب تحت عنوان
*شامي لي ريحة تمهيدي
*وقال القصة وما فيها
*انو بابكر سلك لما المريخ اتقدم في البطولة الافريقية
*مع كلو قون يكتب شامي لي ريحة مطار
*نقول ليهو ياسلك دي ريحة فسيخ ماريحة مطار
*تاني يكتب شامي لي ريحة مطار
*وتاني نقول ليهو دي ريحة ام فتفت ماريحة مطار
*وهكذا
*عليكم الله يا اخواني
*وصلت للدرجة دي؟؟؟
*وصلت لانو ريحة المطار يورونا ليها الهلالاب؟
*شميتوها وين انتوا يا الحبيب محمد عبدالماجد
*بس كدي وريني شميتوها وين عشان تعرفوها؟؟؟؟
*تغالطوا في حاجة مابتعرفوها؟؟؟؟
*ريحة المطار دي بتعرفها الاندية الحاصلة علي بطولة من بطولات الكاف
*انتوا معانا ولابتشموا ساااي
*ياخ انتوا جماهيركم شاماكم
*سايقنها بالخلا ومفهمنا انه طريق المطار
*ريحة المطار بتعرفوها من وين انتوا؟؟؟؟
*اها ريحة المطار كيف؟؟؟؟
*سكتوا مالكم؟؟؟
*انتوا بتعرفوا ريحة الفسيخ ريحة ام فتفت
*لكن ريحة المطار دي بعدكم
*كدي ياحمودي يا اخوي
*ريحة المطار خليها
*ريحة سيكافا كيف؟؟؟
*حتي دي مابتعرفوها؟؟؟؟
*بتتعطروا بي شنو انتوا؟
*بتتعطروا بالجاز؟؟؟؟
*ياخ فريق اتأسس الفين وسطاشر
*اتعطر بي سيكافا
*وانتوا فارس بلعب معاكم من الفين وستة
*ولسة ريحتكم طير طير؟؟؟
*لو بتعرفوا ريحة المطار ريحتكم المفضلة مابتبقي طير طير
*ريحة المطار دي بعرفوها ناسها وبشموها ناسها
*وقع ليك يا ابو حميد!!!
*المهم
*وصلنا بنغازي وبدينا تمارين
*المشكلة مافي الكنغوليين
*المشكلة في السودانيين اللابسين كنغولي
*السودانيين اللابسين كنغولي
*ماهمهم يتعطروا بريحة المطار
*همهم المريخ مايفتح فتيل جديد
*عشان كدة قاعدين في ريحة الفسيخ دي وقبلانين
*بس المريخ مايتعطر بالعطر المفضل ريحة المطار
*عادي جدا نتجاوز الكنغولي
*وليس مستحيلا ان نتجاوز الجنوب افريقي
*ولانعتمد علي جزار يضبح لينا جاموس عشان نخطو للامام
*لأنو البساعدو في هذه المرحلة جزار بكرة بتلقاهو طار
*وريحتو جاز جاز
*لكن ريحة المطار غير
*كل الاراضي ارضا للمريخ
*والكورة في بنغازي علي ارضنا
*والسودانيين المالابسين كنغولي كتااااار
*يتوشحون علم السودان
*ونحن نتوشح ونتجدع بنجمة
*مانجمة المريخ
*نجمة ريحة المطار
*ختها في تي شيرتك يا محمد عبدالماجد
*عشان يفتحوا فيك بلاغ انتحال شخصية
*لو ختيتها من بعيد بعرفوك
*لأنو زول خاتي نجمة في تي شيرتو بتكون ريحتو مطار مطار
*موش جاز جاز
*عليك النبي
*نحنا ريحة المطار بورونا ليها كيف
*ونحنا اتعطرنا بيها ستة مرات
*ياخ سيكافات ساي نحنا نقيب
*يجي جربندي مستجد يورينا ريحة المطار، ودرب الكلية؟؟؟؟
*ختو نجمة علي التي شيرت يامحمد عبدالماجد
*عشان يسموكم الملازم خلا
*والله تختوها كاس توديكم الجنائية
*كمان ديل بلعبوا
*اوريك ريحة المطار دي كيف يا محمد عبدالماجد؟
*ماببخل عليك
*تحس بيها من الجنة
*تفتح خياشيمك
*وتخليك تمشي بين الاصفار زهوا
*والغريبة لما تكون الوحيد الفي البلد كلها متعطر بيها
*والناس الريحتهم جاز جاز ينظروا ليك غيظا وحسدا
*وانت تقدل
*بي حقك
*فوق عديلك
*المهم
*تعرف يامحمد عبدالماجد
*يمكن العيب مافيكم
*يمكن يكون العيب في المطار
*العيب مافي الهلال
*في المطار
*كدي غيروا المطار
*عاد كان غيرتوهوا وريحتكم لسة جاز جاز
*يبقي تخلوا الشغلة دي لاسيادها
*فللمطار عطر لايعرفه الا اسيادو
*والعطر بفضح سيدو
*يا مطار مطار
*يا جاز وعدم انجاز
*معقولة في البلد دي زول يورينا ريحة المطار؟؟؟
*ممكن تورونا ريحة بخور الظار
*اسي كان ولعوا ليكم ونزلتوا ياحمادة بتنفضحوا
*بتقولوا (تلبات)
*طلباتكم شنو يا اسياد (طبعا اسياد تبع الظار والدجل)
*انا جن احمر راكب محمد عبدالماجد
*يمرق
*لو انت داير يمرق تجيب تلبات
*وطلباتكم شنو
*انا داير ريحة مطار
*اها ده تجيبوها ليهو من وين؟؟؟؟
*المهم
*بي ايديننا سنعبر الكنغولي
*وندخل الذين يلبسون القميص الكنغولي في دوامة الخوف من عطر المطار
*واتمطري
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*نحنا بي ديننا والكلازارا بي دينا
*الا دي يا والينا
*نحنا في ظرف العسكري يجود عسكريتو
*والوالي ينضف ولايتو
*ونبقي زينة فوق زينة
سلك كهربا
ننساك كيف والكلب قال جني وجن الكلازارا ومابدور هظارا
والي لقاء
سلك
