بابكر سلك
*لو كنت في قريةٍ نائيةٍ
*وفي ظروفٍ استثنائيةٍ
*مطرٌ ورعدٌ وبرقٌ
*والقوة القاهرة فارضةٌ نفسها وفاردةٌ عضلاتها
*وظروفٌ طارئةٌ غير طبيعيةٍ
*والدنيا ليلٌ حالكٌ
*وفي زولٌ في القريةِ عيانٌ شديدٌ
*محتاجٌ أكسجين ودلكٌ للقلب وإنعاشٌ
*العرباتُ في
*لكن زولٌ بعرف يسوق مافي
*الناس كلها قاعدةٌ في السهلةِ
*لكن في زولٌ وااااحد في القرية كلها بعرف يسوق
*بس رخصتو منتهية
*أو ما عندو رخصةٌ ذاتو
*في الحالة دي الناس تخلي الزول يموت لأنو سواقة العربية بدون رخصةِ قيادةٍ أو برخصةٍ منتهيةٍ مخالفٌ للشرعيةِ والقانون؟؟؟؟
*ولا بخلوا الزول البعرف يسوق ورخصتو منتهية أو ما عندو رخصةٌ ذاتو يسوق العربية عشان ينقذوا الزول المحتاج إنعاش؟؟؟؟
*هل لأهل القرية احترامُ القانون وعدمُ السماحِ لعديم الرخصةِ بالقيادة؟؟؟؟
*أم بتبقى مخالفةُ القانون ضرورةً لحماية مصلحةٍ أكبر وهي سلامةُ وحياةُ الزول القاطع النفس ده؟؟؟؟
*طيب موش القانون ده وضعوه عشان ينظم حياة الناس ويحافظ على سلامتهم وحياتهم؟؟؟
*طيب إذا كانت مخالفةُ القانون هي في حد ذاتها محققةٌ لمصالح الناس وحماية أرواحهم
*هل تصبح مخالفةُ القانون من القانون؟؟؟؟
*بالذات في ظروفِ قريتنا أعلاه التي ترقد في ظلامِ الهم سنينًا عددًا؟؟؟؟
*أعتقد أن للضرورة أحكامًا
*والقانون ليس بالنص المنزل
*ياخ القرآن المنزل ده
*قال حرم عليكم……….
*ثم عاد وقال ومن اضطر غير……….
*يبقى حتى القرآن المنزل منحنا الله فيه حق مخالفته في حالة الاضطرار دون أن تكون غايتنا بغيًّا ولا مخالفةً بمزاجنا
*عشان كده
*دعونا نركن لحكومة الأمر الواقع مضطرين غير باغين طالما كانت الظروف القاهرة والاستثنائية هي التي تشكلنا في هذه المرحلة ولا نشكلها
*وإن كانت لنا مجهودات
*تعالوا نبذلها في طريقِ لمِّ الشملِ والوفاق
*أيها الناس
*نحن في مرحلةٍ لا تحتاج لبيروقراطيةٍ تقعدنا أكثر
*ولا نحتاج لانقساماتٍ تشظينا أكثر
*ولا نحتاج لاختلافاتٍ تحزبنا أكثر
*ولا نحتاج لجدلٍ بيزنطيٍّ يهدر جهودنا ويقضي على تاريخنا وحاضرنا وبالطبع مستقبلنا
*دعوهم يعملوا
*زولنا القاطع نفس قرب يصل الإنعاش
*وده في حد ذاتو مكسبٌ
*نحافظ على سلامتو وحياتو
*وبعد يتعافى نرجعو البلد بعربيةٍ مرخصةٍ سايقها زولٌ رخصتو ساريةٌ ونتجاوز أي حملة مرورٍ بالشرعية
*العربية مرخصةٌ والسواق رخصتو ساريةٌ
*أيها الناس
*إن تنصروا الله ينصركم
*أها
*نجي لي شمارات والي الخرتوم
*نسعى لإنشاء دولةِ قانونٍ يا والينا
*لكن مرات القانون بيأذينا
*في ظروفٍ معينةٍ يا أخينا
*بتكون مخالفةُ القانون واجبًا علينا
*زي الضرورة يا والينا
*البتجبرنا عمدًا نهدر مصلحةً يحميها القانون لينا
*عشان نحافظ على مصلحةٍ أكبر يا والينا
سلك كهربا
ننساك كيف والكلب قال القانون روحٌ ونحنا طلعنا روح القانون ذاتو
وإلى لقاء
سلك
