المريخ الفدرالي

بابكر سلك

*تناول موقع الملك 24 المريخي المحترم موضوعا هاما للغاية
*فالمريخ (أ) بكيجالي تحت امرة الصربي
*والمريخ (ب) بالسودان تحت امرة محسن سيد
*وكان الطرح في شكل سؤال
*هل يعمل محسن وفقا لخارطة طريق اعدها الصربي؟
*وهل تتحدد المهام لمحسن وفقا لما يشير اليه داركو؟
*وهل مدرسة داركو هي نفسها مدرسة محسن او يجب ان تلتزم مدرسة محسن بمنهجها.؟؟؟
*ام ان القصة فدرالية
*كلو ولاية تدير نفسها بما تراه؟؟؟
*هذا التساؤل الذي طرحه موقع الملك تعتبر الاجابة علية شرحا لفلسفة الفريقين
*وطبعا نحنا بنفترض ان يكون عمل محسن وفقا لمطلوبات اعدها الصربي في شكل خارطة طريق محددة
*نفترض ذلك
*لان الامر ان لم يكن كذلك
*تبقي القصة هايصة
*وتنعدم امكانية ترفيع لاعب من الفريق (ب) للفريق (أ)
*وبالتالي يبقي تيم السودان مجرد عبء مادي واداري لا ضرورة له
*لذا نتمني ان يخرج علينا المجلس ببيان واضح يجيب علي السؤال
*المهم
*البعثة في كيجالي
*والكورة في ملعب الصربي
*ونحن نمد حبل الصبر مدا
*بمنتهي حسن النوايا
*ونعشم في مريخ يقنعنا باننا علي الطريق الصحيح
*طريق العودة لمنصات البطولات الافريقية التي عرفناها قبل كدة
*كعبين الناس الجاريين وراها وجارية منهم مية سنة يامحمد عبدالماجد
*شخصيا سأمارس الصبر الجميل
*واشترك في البي ان اسبورت
*ليس للمتعة التي تنتظرني علي شاشتها خاصة بعد اعلان المجموعات
*ولكن اعدادا وتجهيزا لمتابعتها الموسم القادم
*برغم انو السنة دي المتعة مضمونة
*ابقوا معنا
*المهم
*هل تم قفل باب التفاوض مع وكيل كانتي؟?.
*نصيحتي للوكيل يجيب ليهو حجر يتكل بيهو الباب
*لأنو الباب ده لو اتقفل
*الجوة جوة والبرة برة
*وتضيع طينة جيدة كان يمكن تشكيلها بالطريقة التي تضمن لها التميز
*ياكانتي
*وكيلك الله يا ولدي
*مافي زول بعرف مصلحتك قبلك
*بر الوالدين من اعظم اشكال رد الجميل
*فلا تتنكر للجهة التي اخرجتك للناس ومارست معاك الصبر النبيل
*ايها الناس
*في سماسرة بختوا طاقية فوق للسعر
*وفي سماسرة بفصلوا البيعة من سيدها
*يعني يقولوا ليهو انت طالب كدة نحنا بنجيبو ليك وماعندك دخل في الفوق
*لكن البخت الطاقية بتنكشف لعبتو وتظهر قرعتو لما الطاقية تقع
*والبفصلوا البيعة مفروض يدفعوا السعر القالوهوا لسيد الشي مقدما لو هم اساسا واثقين من انهم حايلقوا سعر زيادة
*ولا القصة بتكون كلام والسلام
*ايها الناس
*سؤال موقع الملك ده ماتهملوهوا
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*مهما تكالبت المحن علينا
*املنا كبير في بلدنا يا والينا
*حاترجع زينة فوق زينة
*ونمسح كلو دمعة حزينة
*وتشرق عيون اطفالنا شمس علينا
*ونزرع محبة ووعي ينمينا
*ونهتف بلدنا حلاته ينصر دينا

سلك كهربا

ننساك كيف والكلب قال ونعيش في سلام لانعضي زول لازول يعضينا

والي لقاء

سلك