بابكر سلك
*الظلم ظلمات
*تتشئ وضع حالك
*تختفي بداخلة الجرائم واشكال الفساد
*ويمارش غمت (الضلمة) بثقة الي ان يصبح عادي وعادي جدا
*واسوأ انواع الظلم هو مايمارسه الحكام
*واسوأ انواع الحكام هم حكام الكرة
*فهم يشكلون الادوات المباشرة لممارسة الظلم والتنكيل
*هذا الفساد لم يستطع (الفار) ايقافه
*بل قد يكون الفار سلاحا حديثا لممارسة الظلم
*يلبد
*يعمل ميت وماينادي الحكم للوقوف علي الحالة
*ولو كررها فانه خجلا ينادي الحكم الذي ينظر للشاشة ليس لاصدار قرارا عادلا لاسمح الله
*ولكن لاقناع المظلومين ان القرار الذي سيصدره عادلا
*عينو للحاصل
*يرجع الملعب مهرولا
*يرسم المربع الوهمي علي الهواء
*ثم يصدر قرارا علي هوائه
*الدم (ركب) والحكم يقول سيدنا الفار قال (مافوكا) حاجة
*الكلام ده كلو جا في صلعتي دي وانا اشاهد مباراة الاهلي (المدلل) ضد سيراميكا كليوباترا امس باستاد بالعين
*ضربة جزاء لاتحتاج لفار او (كديس)
*هاند تو بول عديل كدة
*ومرتين ورا بعض
*الحكم اتزنق
*قرب ينبذ لعيبة الاهلي
*اضطر يجري علي الفار
*شاف الحاصل
*يد لاعب الاهلي تحول مسار الكرة
*ودبلو ليهو
*تاني يد اخري تبعد الكرة
*نحنا البره شفنلها
*جري ورسم المربع الوهمي
*وقال الفار حلف بالتقطعو مافيها حاجة
*لو كان لسة الزمن المتبقي كبير
*كان حسبها علي امل ان يخدم الاهلي فيما تبقي من زمن
*لكن جات في الزمن الضايع
*فنكرها حطب
*دون ادني خجلة
*كليوباترا ذاتها لو مرقوها من القبر وشافت ظلم الحكم لسيراميكا
*كان قالت اشهد ان لا اله الا الله واشهد ان محمدا رسول الله
*وطبعا هذا الظلم التحكيمي مامزاج ساي
*اذا لم يأت بتوجيه من الاتحاد فانه يتم بمباركة الاتحاد
*ولا ننسي في الموسم الفات
*انسحب الاهلي من مباراة الزمالك رجالة كدة
*ولائحة دوري الفراعنه في مثل هذا الحالات
*بتفقدك نقاط المباراة التلاتة
*وبخصموا من رصيدو تلاتة نقاط
*تماطل اتحاد الكرة عندهم في اصدار القرار حتي نهاية الدوري
*عشان قرارو يخدم المدلل
*وفعلا
*القصة وصلت مرحلة فيها سيخسر مدلل القاهرة الدوري اذا تم خصم ستة نقاط نتيجة انسحابه امام الزمالك
*قاموا اصدروا قرارهم بخصم تلاتة نقاط فقط وهي نقاط مباراة الزمالك
*وبي كدة تم تتويج مدلل القاهرة بالدوري
*بيراميدز ماسكت
*اشتكي
*ولكن حتي جهات العدالة الافريقية تعمل بالخيار والفقوس
*ولي اسي ما اصدروا قرارهم
*ايها الناس
*التحكيم يظلم بمساندة من الاتحاد
*والاتحاد يظلم بضغوط من النادي المدلل
*لان المدلل بكون صاحب شخصية نافذة ويد طولي في تشكيل الاتحاد
*بالذات اذا كانت الاندية الاخري متمسكة بأطراف البرشوت مدلدلة تخاف السقوط
*الشخصية هي مايقضي علي الفساد
*لكن هي وينا الشخصية الدايرة ليها بطاقة!!!!!!
*ايها الناس
*قصة المدلل دي في غالب دوريات العالم موجودة
*زنطور السعودية بالسعودية
*حتي في اوروبا
*البايرن مدلل
*اما في اسبانيا فتشتد المنافسة بين المدلل والمدلدل
*القصة قربت تجيب ليها انفصال
*ايها الناس
*هل عندنا مدلل في السودان؟؟
*ايا كانت الاجابة
*المدلدل منو؟؟؟؟؟
*ايها الناس
*الداير يحارب الفساد
*اول يعمل ليهو شخصية وبعد داك يطلع بطاقة شخصية
*فالبطاقة لاتصنع شخصية
*ولكن الشخصية تستحق بطاقة
*المهم
*مشينا كيجالي
*عليكم الله ساندوا التاج يعقوب
*بالاعداد النفسي
*هذا اللاعب لاينقصه الا الاعداد النفسي
*اصنعوا له شخصية
*واصنعوا منه شخصية قيادية
*ستنعمون بلاعب مهول
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*كي نحارب الفساد الفينا
*لابد من شخصية قوية ياوالينا
*وبعد داك تجي مرحلة البطاقة يا والينا
سلك كهربا
ننساك كيف والكلب قال بطاقة بدون شخصية بتبقي قرقريبة ساي
وإلي لقاء
سلك
