بابكر سلك
*زمااان
*بدري الكلام ده
*احتشد الناس كعادتهم في حفل للراحل المقيم ود الامين
*ود اللمين ياخ
*ولما بدا الغنا الناس كلها كانت بتغني بنشوة مع الباشكاتب
*وقف الغنا
*قال ليهم
*ماهو ياتغنوا انتوا يا اغني انا
*والمتتبع لعمل الاتحاد العام ولوائحه التي يصدرها واهتماماتو باللعبة والجهات التي تمارس اللعبة
*ستنكشف له اللعبة دون عناء
*وسيصل لحقيقة واحدة ولو كان بعينه رمد او كان بقلبه كمد
*حقيقة مفادها ان هم الاتحاد الاول هو العمل لصالح ناد بعينه
*ثم بعد ذلك لو كان هناك متسع من الوقت ومتبقي مجهود
*بتجه لصالح المنتخب بشرط ان لايتعارض ذلك الصالح مع الصالح العام للاتحاد العام
*القصة بقت مقرفة
*لدرجة ان الاختيار للمنتخب بقي بحسب رضاء النادي المعني وعلاقتو باللاعب
*تنوي ساي انك تدخل كشف ذلك النادي
*يفتح لك المنتخب ذراعيه
*تكون اساسي قبل الكراسي في ذلك النادي وفي المنتخب
*وتنقرط
*تجد نفسك خارج كلية المنتخب في رمشة عين
*تتعارض المصالح بين ذلك النادي والمنتخب
*لايتردد اتحادنا في تغليب المصلحة العليا لدية
*والمنتخب اصلو طاير طاير
*ولما يبقي الخيار فيما يتعلق بالاعداد والاستعداد
*يوقف المنتخب اعداده ويقرب يقول
*ماهو ياتغنوا انتوا يا اغني انا
*وطبعا ناس اتحادنا بقولوا ليهو نغني نحنا طبعا
*فيتم نقل معسكر المنتخب ومبارياته الي حيث النكهة
*وتجئ قائمة اعداد المنتخب خالية من اسماء بعينها يحتاجها المدلل في اعداده
*عادي جدا
*لذا
*ولكل ذلك
*ولان الامر كذلك
*اري عدم تشتيت الجهود
*ونعلن ان مجلس الاتحاد العام هو نفسه مجلس ادارة ذلك النادي
*عشان مجلس ادارة ذلك النادي يتفرغ لشغلو الشخصي ويشوف جازو وين
*ايها الناس
*احلق شنبي لو طلنا نجاحا بهذه الطريقة
*لا المنتخب ولا النادي المدلل ولا الكورة السودانية
*واصبروا بس لي بعد الحرب
*ايها الناس
*كانتي في بربر زعلان داير يطق
*في لمح البصر جاهو قرار يمشي مع المنتخب
*آخر كورة شاف فيها المنتخب كانتي لاعب متين؟؟؟
*ولكن اعتقد ان في الامر (إن)
*هل هو حافز ياربي؟؟؟؟
*كيف يتم اختيار لاعب متوقف حتي عن الوديات؟؟؟؟
*ايها الناس
*ان تنصروا الله ينصركم
*اها
*نجي لي شمارات والي الخرتوم
*غايتو يا والينا
*خشمي عندي
*هكذا فعلت الايام فينا
سلك كهربا
ننساك كيف والكلب قال انا شخصيا قدومي الطويل ده عندي بس ماتقولوا لي جر لو بللت كل الحيط واي عمود واقف قنا
وإلى لقاء
سلك
