بابكر سلك
*القصة بتبدأ بي فشل
*ثم يتراكم الفشل
*ويصبح عقدة
*ثم داء عضال
*(كرونيك ) شديد
*ثم يتطور لفوبيا
*والناس يجنوا
*الاخوة الاهلة الشرفاء لايخفون سخريتهم علي ما اصاب الزعيم في الآونة الاخيرة
*ومن حقهم
*لي سببين
*هكذا هو حال التنافس بين فريقي القمة في اي بلد
*والمتأمل للمريخ لما شال مانديلا مثلا
*يجدنا من الملعب في نيجيريا شلنا (مانديلتنا) ومشينا الفندق
*ناس بندل القلعنا منهم الكاس في بلدهم لم يصبهم منا رشاش
*الفيهم كان مكفيهم
*وركبنا طيارتنا
*ووصلنا خرطومنا الجميلة ياحليلة
*ختت رجولنا علي ارض المطار بدأنا نرقص ونغني
*باقي رقيصنا برفع ضغط ناس وبخلي سكريهم كنانة بس
*شلنا مانديلا كيتا علي الصديق اللدود
*ولو ماكان في اهلة في السودان
*ماكان شعرنا بحلاوة مانديلا
*وغيظتهم كانت بتفرحنا
*مانديلا عقدهم عديل كدة
*كرهوا النضال والمناضلين بسبب مانديلا
*ونحنا مستمتعين بذلك الكره وتلك الدونية
*لم يكن مانديلا هو الانجاز الجوي الاول ولا الاخير
*ولكنه كان الاعظم
*والناس الحاسدين لما اتلفتوا
*لقوا قطارنا (الجوي) مشي بعيد
*وقطر جماعاتنا لسة في المحطة صفر
*العطشقي غلبو البسويهو
*ثم صار المريخ عدو الاصفار
*وصار صديقنا اللدود ابو الاصفار
*فكبرت العقدة وتجذرت الدونية واصبح الصفر مرض(كرونيك)
*صفرهم زي السكري
*بالنسبة ليهم مرض صديق لابرء منه
*لاقاكم صديق بحرم صديقو من الباسطة والبسبوسة والحلويات والعصائر؟؟
*اها ده الصفر اقصد السكري
*المهم
*قطرهم فشل في مبارحة محطة الصفر
*سيكافا القريبة دي ماقادر يصلها
*نحنا سيكافا بصعلوك محطة بنصلها زي الماحاصل شي
*لذا يسخرون في محاولة لاخفاء صفرهم ولكن هيهات
*حصة الرياضيات دي مابحبوها
*لانو اي عملية فيها بتكون خطواتها نخت الصفر ونطلع بالواحد
*الصفر عرفناهوا
*الواحد منو يا محمد عبدالماجد؟؟؟
*ست الودع لو قعدن قدامها جميع اندية السودان
*وكشكشت
*ورمت
*اول كلمة بتقولها الوحيد ده منو؟
*رد كان تقدر يامحمد عبدالماجد
*الوحيد الماليهو اخو ومافي زول بشبهو
*الوحيد الانجز
*رد كان تقدر
*المهم
*قابلني في الشارع هلالابي دمو خفيف
*اراد ان يسخر
*قال لي يا استاذ
*مجموعتكم فيها منو؟
*قلت ليهو مجموعتنا فيها مانديلا وتلاتة سيكافات ودبي وشارقة
*انتوا مجموعتكم فيها منو!
*سكت ثم صمت وبهت
*سكريهو ارتفع
*السكري الكرونك
*ندمني علي ردي عليهو
*خفتو يموت
*اما السبب التاني
*فهو القناعة بديمومة الصفر
*دايما
*ايها الناس
*ان تنصروا الله ينصركم
*اها
*نجي لي شمارات والي الخرتوم
*تعرف يا والينا
*بالنية الطيبة مافي شي بصعب علينا
*لكن لو جبنا النية تروح الطيبة ولو لقينا الطيبة تروح النية يا والينا
سلك كهربا
ننساك كيف والكلب قال صفوا النية حياتكم تبقي وردية
والي لقاء
سلك
