جوباك شديد
بابكر سلك
*نحتفل من الأعماق بحبٍّ يقطن الوجدان ويتملّكنا
*نفخر بشرف الانتماء
*ومن غيرنا
*هزم التحكيم والتنجيم والألوف
*المريخ عقيدة ووطن وحياة وحياء
*يكفينا فخرًا أننا في احتفالنا بذكرى الميلاد
*نُخرج إنجازات السنين زهوًا
*وغيرنا يُخرج الهواء الساخن
*لا كاسات نَطَّط بينها رئيسٌ قادمٌ إليهم عندما دخل النادي لأول مرة أو كما قال
*ولكن رؤساؤنا يَنَطُّون بين الكاسات عندما يأتون لأول مرة لممارسة الرئاسة عندنا
*من ستة وتمانين يَنَطُّطوا
*من خالد حسن عباس في ستة وتمانين بِنَطُّطوا
*ومرورًا بالراحل المقيم ود إلياس
*بِنَطُّطوا
*كاسات مالية الدرب
*وفي أندية شي ما بَعْتِر ليك إلا يعضّيك كلب
*جمال الوالي ذاتو
*لما جانا
*نَطَّط
*عَتَرْت ليهو سيكافا ون
*واتفنقل في سيكافا تو
*واتزلق في مانديلا
*ولولا مسك في دبي
*كان وقع في الشارقة
*وزعلة كده جاب سيكافا ثري لتنضم لحشد العثرات
*أي ريس جانا
*من الباب بتَعْتِر معانا
*إنجازات تمثل شموعًا على كيكة عيد الميلاد
*نُشعلها في كل احتفال بالميلاد
*وغيرنا يُشعل الرأس شيبًا
*ويغني مع عبدالوهاب وردي في احتفالهم بميلادهم الترند
بطولة بتاع فنيلتك
*غايتو السوباط يحمد الله
*قِشَّة ما عَتَرت ليهو
*قال ليك أول يوم جا خاشي
*خَشَّة مغمض
*متأكد شيتا كده بَعْتَر ليهو مافي
*أيها الناس
*في ذكرى الميلاد نحتفل بإنجازاتنا
*ولكن كان بالإمكان أفضل مما كان
*إن كنا قد اتبعنا منهجية في إدارة شأننا
*كان بالإمكان أفضل مما كان لو تعاملنا مع ملفاتنا باحترافية وحِرَفية
*كان أفضل مما كان لولا سماحنا لكيمان الفرقة والشتات أن تأخذ مكانها عنوة وتتحكّر بين سيكافاتنا ودبي والشارقة ومانديلا
*وأسي ما فات شي
*لو تركنا سماحنا للكيمان وعدنا لسماحتنا
*سنعود للمطار من جديد
*لأننا نعرف طريقه تمامًا
*فلنا جويات تعرفونها جيدًا
*ونعود لنغني
*المطار بي وين؟
*والصفر بي وين؟
*وكمان عملنا ليها رمية
بطولة بتاع فنيلتك
*أيها الناس
*الوفاق
*الاتفاق
*محاربة أسباب الشتات
*نفي تجار العضوية
*ومروجي الأزمات
*وعِشْتِ يا مريخ موفور القيم
*المهم
*أمس بحثت عن عمان الرياضية
*وجدتها ولكنّي لم أجد كورتنا
*كل شي كان غريبًا
*إلا بصمة أسامة على المنتخب
*كانت ظاهرة جدًا
*فيا سمسم
*الأمر لا يحتاج لتوكيد لفظي
*سَمٌّ واحدة تكفي
*وما في داعي لسم التانية
*وإذا لم يكن المنتخب في مقدمة فقه الأولويات
*يبقى الاتحاد ما عندو فقهاء
*الشفْتُو أمس ده
*قنعان أكيد من الاستمرار في بطولة العرب بالنسبة للمنتخب
*يظهر في بطولة أخرى تخص (آخر) يهتم بها الاتحاد أكثر من العرب والمنتخب
*غايتو مستوانا أمس جوباك جوباك جوباك شديد
*أيها الناس
*إن تنصروا الله ينصركم
*أها
*نجي لي شمارات والي الخرطوم
*كان شِفْتَ يا والينا
*لو ما التقت أيادينا
*صدقني لا خير فيكم ولا فينا
سلك كهربا
ننساك كيف والكلب قال التقاء الأيدي عناقًا بختلف عن التقاء الأيدي صراعًا
وإلى لقاء
سلك
