بابكر سلك
*السودان ده ماعارف اقول عليهو شنو
*داير اتناول الشأن الرياضي
*اسي طبعا الرياضة عندنا كرة قدم
*وفي كرة القدم المريخ والهلال
*وفي المريخ والهلال الفريق الاول بس
*وفي الفريق الاول الاساسيين فقط
*وفي الاساسيين نجم نجمين وبس
*هكذا اضحي حال الرياضة عندنا
*كنا
*كنا دي برغم انها مطمئنة تأسيسا علي (الماعندو قديم ماعندو جديد)
*لكن نجدها مؤلمة للحد البعيد
*حكاوينا التي نفخر بها كلها من الماضي
*ولما يكتر الحديث فخرا عن الماضي يبقي اعتراف بفشل الحاضر وموت المستقبل
*كنا رواد الرياضة في افريقيا والعالم العربي
*في كل المناشط الرياضية كان لنا القدح المعلي
*وكانت لنا نجوما نفخر بها ويعجب بها الآخرون
*لكن
*برانا
*بي شديدنا ولضيضنا بليناها ليك بل شديد
*بل بس
*فلم يبقي منها الا سيرة عطره تحفظ بصدور الرجال
*حتي مجرد توثيق لتلك السيرة وتدوينها لم نكلف انفسنا عناء ذلك
*وتبقت كذلك الحسرة
*اليوم ساتناول قامة بقيمة وطن
*نجم معروف علي مستوي العالم العربي والافريقي بل والعالمي
*ساحدثكم عن نجم السلة وليام اندريا نصار
*وليم امو اثيوبية الاصل من القضارف
*وجدتو لابيه سودانية من جنوب السودان
*وجده لابيه لبناني
*هذه الخلطة الثقافية ميزت وليم اندريا
*التنوع الثقافي الايجابي
*التنوع الذي حبانا به الله ولم نستفد منه لليوم
*هذا التنوع الثقافي شكل وليم اندريا
*فكان رياضيا شاملا
*حارس مرمي بارع
*سباح يشق طريقه في رشاقة تحسده عليها الحيتان
*ولاعب سلة مهول
*فاختار السلة لانها اختارته في ريعان شبابه للمنتخب المشارك بالبطولة العربية وقتها
*فضلا عن ذلك
*كان وليم فنانا يداعب الاوتار بكل براعة
*انشأ فرقة جاز
*وكان يشارك الفرق الاوروبية التي تزور الخرطوم وقتها وتقدم عروضها بالفنادق
*كان يشاركهم العزف
*ايام كانت الخرطوم وجهة يقصدها الفنانون من شتي بقاع العالم
*ادخل الي الحان الاوروبيين ايقاعات سودانية اعجبوا بها
*حاجة كولن كولن كمثال
*وادخلوها في غناهم الاوروبي
*كانت الخرطوم وقتها ملتقي ثقافي عالمي
*كانت
*تشبه كنا
*حياتنا كلها بقت
*كان
*كنا
*كانت
*المهم
*وليم لاعب السلة اختاروه للمنتخب وعمره سبعطاشر سنة
*وشارك مع المنتخب بالبطولة العربية التي توج فيها السودان بالبطولة
*وليم كان نجم البطولة ونجم المباراة النهائية ضد العراق
*مان اوف ذا ماتش
*فتم اختياره لمنتخب افريقيا لكرة السلة
*شفتوا (كنا كيف؟)
*ابدع وليم برغم صغر سنة
*وكان جيله كله وليم
*كله نجوم
*الاعيسر ومايكل وغيرهم من العقد الفريد
*رحل وليم وهو في ريعان شبابه في ستة وسبعين
*بطلق ناري اسدل الستار مبكرا علي رحلة نجم لازال في ريعان الشباب
*طلق ناري ايام حرب (المرتزقة)
*رصاصة (بتلاتة قروش) حينها
*افقدت السودان نجما كان يمكن ان يعطي الكثير
*لم تقتل تلك الرصاصة وليم النجم فحسب
*بل قتلت التلاقح الثقافي والانصهار العرقي والاستفادة من التعدد
*هذا هو حال الرصاص دائما
*يقتل ماهو جميل دائما
*ايها الناس
*كرة السلة حينها كانت كلها وليم
*ابداع وامتاع وتفوق
*كلها نجوم
*اذا اتبعناها حينها كانت ارشدتنا لمنصات التتويج العالمية لنبقي فيها مدي الحياة
*ولكنا اخترنا (كنا)
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*شوية تلاقح للثقافات الفينا
*ومزج لكل العناصر المكونة لينا
*البلزنا مابرمينا
سلك كهربا
ننساك كيف والكلب قال كتيل الكلام ماهو الوسيلة المناسبة لمكافحة السعر… التطعيم افيد وبعد داك اكتلوا الزول الكتل الكلب
والي لقاء
سلك
