بابكر سلك
*صغار صقور الجديان
*زغب الحواصل
*بي جوعتهم ديك شاركوا في المنافسات
*شاركوا وهم صغار مافاهمين شي
*ماعارفين إنو الرياضة أضحت صناعة ممنهجة وعلمية وضرب من ضروب العلوم والاستثمار
*صغار ماعارفين
*لأنو القبّلهم ماكلموهم
*والبعدهم بالطريقة دي الله أعلم يلقوا كورة في البلد دي
*الكرة عندنا تدار بطريقة إدارة القبيلة
*القرار فيها أحادي المصدر والمزاج
*لا خطط ولا منهج ولا هدف
*في الكورة هدفنا إننا ماعندنا هدف
*عشان كدة استقبلنا خمسطاشر هدف
*من دول كان إنسانها حتى وقت قريب يرى السودان من مصاف الدول الأوروبية
*وعيًا واقتصادًا ورياضة
*خططوا نفذوا وعبروا
*تجاوزونا وتجاوزنا الزمن
*بقينا نشارك من أجل المشاركة
*بالمنطق كدة
*منافسات لفئة محددة
*نحنا لا عندنا ليها دوري ولا يحزنون
*بنشارك فيها كيف بس؟
*وبنختار اللاعبين من وين؟
*هل على طريقة “في حلتنا في شافع نجيييض ولعاب”؟
*أيها الناس
*الفوضى والسبهللية النحنا فيها دي ما بتقدمنا
*ولملمة الناس قبل أي منافسة للمشاركة ما بنفع
*وجلَبيط الطين ما ببقي لينا نعلين
*سنزل حفاة عراة لا نسر الناظرين
*سنظل كذلك إن لم نغيّر تلك السبههلية القاتلة
*الرياضة أضحت صناعة ومنهج
*يتطلب ذلك البعد عن الإدارة التقليدية والولوج لعالم العلمية الإدارية المنهجية
*وده بحتاج لوعي من الدولة وإدراك منها بذلك
*في فقه أولويات الدولة إن لم تأتِ الرياضة في موقع الريادة
*نقفل وزارات الرياضة الكتيرة دي ونسرّح اتحادات الفشل ومجالس الإدارات التي تأتي بها العشوائية
*ونشوف لينا شغلة تانية
*لكن كفانا فضائح
*فقد أضحينا أضحوكة للناس من حولنا
*الرياضة شغل
*تحسبوا لعب!
*المهم
*لازال المريخ يتمرن
*والكاف يتحرن
*أيها الناس
*خمسطاشر قون في كورتين؟؟؟؟
*ما بنوديها النص ولا شنو؟
*أيها الناس
*”إن تنصروا الله ينصركم”
*أها
*نجي لي شمارات والي الخرطوم
*كان شفت يا والينا
*رياضيًا عايشين على ماضينا
*والجماهير الصابرة الله يعينا
سلك كهربا
ننساك كيف والكلب قال نعيش على ماضينا لما الكلب يعضّينا
وإلى لقاء
سلك
