بابكر سلك
*في اليوم العالمي للطفل
*نعتذر لاطفالنا
*نعتذر منهم بشدة
*وليت الاعتذار يمسح عن خدودهم دمعة تحرجنا كثيرا
*اعذرونا يا اولادي
*كل القدمناهوا ليك وطن ممزق
*فرقة وشتات وعدم اعتراف بالآخر
*قبلية وجهوية بل وفؤية
*خلقت من الوطن موطنا للخلاف والاختلاف
*زول معترف بالتاني مافي
*اتحيرنا
*هل نحن شعب واحد نعيش في وطن واحد ام شعوب تتنازع حول رقعة جغرافية
*خجلنا منكم يا اولادي
*فنحن لم نورثكم وطن مسامح ومتسامح
*لم نوفر لكم عدالة اجتماعية
*لم نعمل بجد لتعليمكم ومحاربة الامية
*مدارس مليارية لا مجانية
*العندو يقرا والماعندو يتطلب درداقة
*حتي الدرداقة يدفع نظيرها لمحلية لم تسهم في تعليمه
*ولكنها تقسم معه ريع يومه
*معليش يا اولادي
*فشلنا في اننا نورثكم وطن كما ورثناهوا من الاستعمار
*جنيهو يجيب اربعة دولار
*وقطنو سوقو حار
*ويجوب ارجائه القطار
*بتعرفوا القطر يا وليداتي؟؟؟
*سمعتوا بسودانير؟؟؟
*بتعرفوا النقل النهري والخطوط البحرية؟؟؟؟
*احكي ليكم شنو ولا شنو
*اعذرونا
*فلقد فشلنا فشلا كبيرا
*وبعد ده
*عيننا قوية
*لما تاخدوا خمسطاشر في مباراتين نلومكم
*ونحنا ملعب مجاز في السودان كلو ماعندنا
*منافسات ليكم تكسبكم الخبرات ماعملناها ليكم
*مدارس سنية يخربنا
*خطط علي مستوي الدولة والاتحادات مابنعرفها
*نعرف نلوم بس
*اعذرونا
*وانسونا
*ما افتكر حانقدر نقدم ليكم شئ
*الفينا اتعرفت يا اولادي
*الفينا مشهودة
*والشاهد عليها دمعتكم البتحرجنا وبتدخلنا جوة اضافرينا
*اعذرونا
*لما تبقي احلامكم صالة المغادرة
*اعذرونا لما تبقي افراحكم احلام مشروعة
*مجرد الحلم يفرحكم قبل ان تستيقظوا علي واقع مؤلم
*اليوم العالمي للطفل
*حقي في الحياة
*اي حق يابني
*واية حياة
*القي الحياة اول بعدين ابحث عن حقوقك
*اما نحن فلا حياة ولاحياء
*نحنا يانا نحنا
*معذرة يا احبتي ونحن نغني ربي ماتحرم بيت من الاطفال
*وفي نفس الوقت نحرم الاطفال من ابسط حقوقهم حقهم في الحياة و العيش بسلام وامان وتوفير التعليم والعلاج
*سعيد من يستطيع ان يرسم بسمة علي شفاه طفل
*وتعيسون نحن
*كل عام وكل اطفال العالم بخير وسلام وامان
*واعتذاري واحترامي لكل اطفال السودان
*ايها الناس
*ان تنصروا الله ينصركم
*اها
*نجي لي شمارات والي الخرتوم
*زماااان يا والينا
*كانوا بهدهدونا ويغنوا لينا
*النجار داير عروس
*والعروس دايرة المنديل
*والمنديل عند الجهال
*والجهال دايرين لبن
*واللبن عند البقر
*والبقر داير حشيش
*والحشيش داير المطر
*والمطر عند ربنا
*ياربي تجيب لينا المطر
*اسي النجار خلي العرس
*والعروس خلت المنديل جابت توشيز
*لكن الجهال دايرين لبن يا والينا
سلك كهربا
ننساك كيف والكلب قال البقر بقي يهرب اللبن بالكروباوي
والي لقاء
سلك
