ده ما كلود ده فارس

بابكر سلك

*غدا ان كان في العمر بقية نخوض اولي مبارياتنا روانديا
*قد تقابلنا مشكلة الاجانب
*فلائحة الدوري عندهم تحدد الاجانب بتمنية
*ونحنا تشكيلتنا الاساسية للاسف اجانبها اكتر من كدة
*وبرضو في مشكلة تانية
*وهي حال استدعاء اجانبنا لمنتخبات دولهم
*وطبعا ده كلو سببو لائحتنا التي تسمح بطمنطاشر اجنبي مابين اجنبي ومجنس
*والطامة الكبري ستواجه منتخبنا بعد سنة سنتين
*نتلفت نلقي مافي لاعب وطني خبرة يستطيع ان يمثل المنتخب
*ونشارك
*وناخد ستة وتسعة
*شأننا شأن صغار صقور الجديان
*هذا الاتحاد وضح جليا انه يخدم مصلحة ناد بعينه
*ولايفكر في حال الكرة بعموم البلاد
*الهلال يبذل الغالي والنفيس من اجل الحصول علي بطولة جوية تخرجه من محطة الصفر
*في دي ماسك جاز شديد
*ومن حقو
*لكن اليس من حقنا ان نتمسك بتطور وتقدم الكرة بالبلاد؟؟؟
*الا نعي ان الاندية وفي مقدمتها المريخ من واجبهم الضغط علي الاتحاد حال اهماله للتخطيط السليم كغاية وسعيه لتحقيق غايات لحظية وفردية تخص ناد بعينه؟
*ايها الناس
*المشكلة ليست بالاتحاد وحده
*المشكلة بادارات المريخ المتعاقبة التي تمارس صمتا مخجلا ولا تتخذ من المواقف مايتناسب مع كونها ادارات لناد رائد يسعي بكل قوة لتطور وتقدم مستوي الكرة بالبلاد
*ضعف الشخصية هذا خلق للمريخ وضعا لايشبهه
*اضحي مثل اندية الروابط
*لاصوت له ولا وزن
*وساعدت صراعاتنا الداخلية من هذا الوضع المخجل
*تتذكروا قبل كدة كان التنافس علي رئاسة اتحاد الخرطوم بين شخصيتين مريخيتين؟
*ده ابلغ دليل علي عدم التنسيق الناتج عن الانقسام والتشرزم الداخلي بالكيان
*ولما نقول نحتاج للوفاق والتوافق
*مدني تغرق
*ايها الناس
*تأبي الرماح اذا اجتمعن تكسرا
*لكن بحالتنا دي فانها تتكسر آحادا
*لذا
*اري ان اعادة بناء المريخ لاتعني اعادة تأهيل فريق الكرة او الاستاد
*ولكنها تعني في المقام الاول اعادة تأهيل هيبة الكيان
*ولن يتحقق ذلك مالم يعاد تأهيل شخصية مجالس الادارات
*ولن يتحقق ذلك في ظل خلافات واختلافات داخلية وكيمان وحروب وتمرد
*عشان كدة الاتفاق والوفاق هو اولي خطوات اعادة الزعيم لسابق عهده
*غير كدة
*سنظل علي هذا الحال
*نقع وننهض لنقع من جديد
*ونفرح بلجان التسيير
*ونزغرد لسيد الحيشان التلاتة
*ونفخر بجابوا لينا وجابوا لينا
*وغيرنا يخطو بثقة نحو اهدافه مستغلا غفلتنا
*ايها الناس
*البخوف مجالسنا من الاتحاد شنو؟
*في الاجابة علي هذا السؤال تكمن سبل المخارجة من الدرك الذي سكنا قاعه
*ويحضرني مشهد من مسرحية بطولة القامة سهير البابلي
*كانت تتحدث عن الاوضاع المعيشية
*قالت
*آلوا حايطلعونا من عنق الزجاجة
*ولما لاؤونا ميش راضيين نطلع
*جابوا فله وافلونا جوة الازازة
*ايها الناس
*هل ننتظرهم يجيبوا الفلة ام ننتفض ونكسر الزجاجة؟
*المهم
*ابو الهل تخطي بشق الانفس المولودية الضعيف وناقص بعض اعمدتو الاساسية
*واستطاع النجم كرشوم ان يسجل اول اهدافه الافريقية
*وموقف هدافي الهلال هدف روفا هدف الغربال وهدف كرشوم
*ويقول المراقبون ان اغلي الاهداف هو هدف كرشوم
*لانو سيحدد موقف التأهل من المجموعة
*نجموا كلام المراقبين ده
*وكان كلود نجما للمباراة بدون منازع
*ولكن يظهر انو الولد قاصر
*لانو اتي بفعل لاعلاقة له بالاحترافية
*كشح الموية والحلة وكتح الناس بالتراب
*وكان السبب المباشر في الاحداث المخجلة التي وقعت بعد المباراة
*ورصد المراقب والحكام والكاميرات والجماهير ذلك
*وبالتأكيد سيفقد الهلال مفتاح هجومه الوحيد في عدد من المباريات القادمة
*ولانو الاهلة ليهم من خبرات في تقارير الحكام والمراقبين
*قاموا وحدين منهم باطلاق شائعة ان من كشح الحلة هو فارس
*فرددوا
*ده ما كلود ده فارس
*ولهم من السوابق ما ارفقوه مع مبرراتهم
*ده ما الثعلب ده كندورة
*ده ما اتنين ده اطناشر
*لكن بصراحة
*كلود لما عرد اقنعني انو سريع جدا
*عرد عريدة جد
*طيب ده لو ماهو معرد ليه؟؟؟؟
*ايها الناس
*انتوا قصة العريد دي شنو؟
*السنة الفاتت موش كان في فيديو حايم فيهو عريد بعد الكورة وطلوع سياج كمان؟
*ولا كان ذكاء اصطناعي؟؟؟
*الله يجازيك يافارس
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*السقط قالوا جايينا
*والناس فقدت بطاطينا
*لكن ماخايفين يا والينا
*السقط مابودينا
*قاعدييين يا والينا

سلك كهربا

ننساك كيف والكلب قال ربوا ليكم صوف وانسوا البطاطين

والي لقاء

سلك