بابكر سلك
*الجو في المريخ بقي نقد
*انتقاد لاي شي
*كان صليت يقولوا ليك صلاتك غلط ما كنت قابض
*واذا صليت قابض يقولوا ليك صلاتك غلط ليه صليت قابض
*ولو ماصليت كلو كلو انت كافر
*ولو صليت كتير انت داعشي متطرف
*يعني بقي وصف الواحد فينا شناف
*ده طبعا اذا كان الناقد ليس من ذوي الغرض
*ام ان كان من ذوي الغرض
*تنقط له العسل يبصق يقل لك مرا
*ديل ذوي المرض
*اذا صدر القرار او التصرف من زولا مو هيلم يقوموا الدنيا ويحلفوا ماتقعد
*واذا صدر نفس القرار او نفس التصرف من زولا هيلم
*يقولوا ليك (فوكا) شنو
*ودي من اكبر المشكلات التي تسببت في عدم الاستقرار الذي اوصلنا لما نحن فيه
*والكيل بمكيالين كيل السواد والرماد
*زي قصة تور الملك الحكيتها ليكم قبل كدة
*احكيها ليكم تاني
*قالوا الجماعة جوا للملك الرصين
*قابلوهوا في حديقة القصر
*فحال بينهم والملك الجماعه البجوا مع الرصين
*الملك قال ليهم دعوهم
*ماذا تريدون؟
*قالوا ليهو ياجلالتك جينا نبلغك بانو بقرة الجنايني نطحت تورك وقدت كرشو
*قال اضبحوها وشرمطوها وعلقوا اللحم علي جميع سلوك كهربة المملكة (طبعا كهربة المملكة قاطعة) عشان اي زول في مملكتي دي يعرف جزاء من يعتدي علي الآخرين
*قالوا ليهو عفوا جلالتك… قصدنا نقول ليك تورك نطح بقرة الجنايني شتت كمونيتها في الواطة
*قال ليهم وهي بقرة المزارع الجابها لي توري شنو؟
*انه الكيل بمكيالين الذي يمارسة بعضنا
*يكون الموقف بحسب مصدر القرار او التصرف
*وديل خطرين علي استقرار الكيان
*ايها الناس
*الاخفاقات التي لازمتنا سنوات جعلتنا نفقد الصبر سريعا ونفقد الثقة بانفسنا
*لكن ليس من المنطق ان نحمل اللجنة الآن نتاج الحال الذي انتجه فشل الحقب الفاتت
*وليس من المنطق ان نحمل الاجهزة الفنية نفس الاخفاقات السابقة
*وليس من المنطق ان نتعجل استقامة الحال المائل في شهور تلاتة
*يجب ان نعترف
*المريخ في الحقب الفاتت اتدمر تماما
*ويستحيل اعادة البناء خلال تلاتة اشهر
*بل يستحيل في فترة وجيزة مثل هذه الفترة ان تتمكن اللجنة من ازالة الانقاض
*يبقي الصبر هو الحل
*ان صبرنا ظفرنا
*وان غلبنا الصبر
*بقينا علي انقاضنا نقف علي الاطلال نشدو يادار مانديلا تكلمي
*هذا الصبر لايعني عدم النقد طبعا
*بل هو صبر يدعمه النقد المفيد البعيد عن الاغراض
*ايها الناس
*خلال الموسم ده لو طلعنا بخط واحد جيد نكون قد انجزنا
*خط دفاع خط هجوم خط وسط لنبني عليه عملية البناء
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*جمهورنا في الوحة شرف معالينا
*تشجيع وذوق وادب اجبر كل الربع يحيينا
سلك كهربا
ننساك كيف والكلب قال كلاب يقولوا ليها جر وكلاب كان اكلت اللحمة يقولوا ليك خليها
والي لقاء
سلك
