بابكر سلك
*نخسر من العراق
*مامشكلة
نطير
*مامشكلة
*نجي طيش المجموعة
*مامشكلة
*محمد عبدالرحمن يمشط البيضا مع الزرقا
*مامشكلة
*بوغبا يلعب باص قون للخصم
*مامشكلة
*مرق يفتح الحدود
*مامشكلة
*روفا مايتغير
*مامشكلة
*نطلع طيفور احسن زول في الميدان
*مامشكلة
*طبنجة يشد الملعب مايدوهو باص
*مامشكلة
*يشارك منن مايشارك مبارك مامشكلة
*جوباك يجوبكا ساااااي
*مامشكلة
*المشكلة
*لما تجي مشجعة سودانية حلاة الدنيا عليها يحدوها الامل
*عيون جديدة لنج
*لا ضايقتها كتاحة ولا اصابها (ابو القبط) ولا سمعت بالرمد
*عيون موديل السنة
*ماتربايت حبوبتها
*تربايت مدارس انترناشونال
*جات تشع بهجة وتبرق زي برق السما وكت ترمش
*كانت تمني النفس يا ابياه ياظالم
*جات معبرة عن سودانويتنا الكاكوية
*وعن كاكويتنا السودانية
*جلست
*جلست والكحل بعينيها
*تتأمل مجدنا المفقود
*وكأن الكحل حدودا سياسية محروسة بي حرس الحدود
*ومحروسة بي يس
*جلست في قلب المشجعين
*وتربعت داخل قلب الكاميرا
*فجلست القرفصاء علي القلوب
*قلوبنا كلها بالمخرج
هو تاني نحنا شفنا كورة؟*الحكم ذاتو لو شافها تاني ماكان عاين للميدان
*قدر ماتقول ليهو الميدان ياحميدان
*يقول ليك ميدان بالما؟
*جلست في صمت يتحدث وكأنها تنشد مهذب امامك يكون الكلام
*واحبك لأنك….
*احبت الوطن ونحنا كتلتنا الغيرة
*والكورة تلج مرمانا
*ولجت الكامير في كلوز سر الناظرين لها
*من دون خلق الله الفي الاستاد
*موناليزا
*حزن وجمال
*حزن وجلال
*فأمطرة لؤلؤا من نرجس
*وسقت وردا
*وسقت معاها كل مساحات العشوائية والمحاباة التي ندير بها شأننا الكروي
*وكان لسان حالها يقول
*نزلت مني دمعة والامة مجتمعة
*هي دمعة نصاح؟
*دمعة جديدة لنج
*دمعة زي الجلسرين
*شفافة ومنسابة
*دمعة نزلت نقطة نقطة
*دمعة شدت ماشفافه الزول البهناك ليها كان ظاهر من خلال الدمعة
*وانسابت
*قشة ماعترت ليها
*فكانت شمعة تدمع عشان خاطرنا
*الله يجازيك يا كواسي
*اقعد جامل وبكينا كدة
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*اجمل حاجة فينا
*كاكاويتنا البتميزنا وتعلينا
*سودانويتنا يا والينا
سلك كهربا
ننساك كيف والكلب قال انتوا اسمح ناس لو عرفتوا التسامح
والي لقاء
سلك
