بابكر سِّلك
في بطولة العرب معظم المنتخبات جات بالصف التاني
عشان بصنعوا منتخبات للدولة الواحدة موش منتخب واحد
نحنا مشينا بمنتخبنا الأوَّل
بل بنفس التشكيل
بل بنفس الإصرار على عدم استبدال أسماء بعينها
ليه؟
لأننا لا نُعِدّ المنتخب ولكن نُعِدّ شي تاني
شي تاني أهم من المنتخب
المنتخب يطير
بس الشي التاني ما يطير
ناسين إنو كان طارت غزالة
القرد في عين أمُّه كدة
المهم
الشغل بدون تخطيط بخلي الزول متخبط كدة زينا
لا منهج يُعدِّد الخيارات
ولا برنامج يطوِّر المهارات
القرار الفردي لذوي النفوذ دومًا تكون نتائجو كدة
أسي كورة البحرين
تحسبوا لعب؟؟؟
شوفوا الحا يحصل
عشان كدة حقو ما نزعل
وحسانا يمسكن عليهن دموعن ديل
إلى أن يقضي الله أمرًا كان مفعولًا
آها
قالوا أمس غلبنا
خير
لكن لِسَّة ما وصلنا للدرجة البتعيد لينا الأمل
دايرين شغل كتير
وصبرًا جميلًا
واتفاقية وقف إطلاق نار بين الكيمان
ودايرين متابعة شديدة للمريخ (ب)
يمكن نلقى فوقهم ضالتنا
وداير من أسي نعرف استراتيجية الإحلال والإبدال بتتم كيف
الأجانب ممكن المدرب يكون ليهو رأي
لكن المحليين داركو شافهم وين
تبقى القصة لِسَّة على طلوع المنصة
لكن طالما غاب (البيجي)
حايغيب التَّعثُّر
ويعود المريخ أحمرَ كما كان
والمناشط الأُخرى
المناشط يا وزير الرياضة
المناشط يا دولة
غايتو أهبشوها
لو ما ماتت إلحقوها
صغيرة وجاهلة والله
اللهم أجرنا في مصيبتنا
أيُّها الناس
إن تنصروا الله ينصركم
آها
نجي لي شمارات والي الخرتوم
كان شفت يا والينا
قايمة ما بتقوم لينا
إن لم نتبع منهجًا علميًّا يقوِّينا
بطريقتنا دي الصومال حا تتفوَّق علينا
سلك كهربا
ننساك كيف والكلب قال تبكوا بس
وإلى لقاء
سلك
