بابكر سلك
*تم نشر قائمة منتخبنا الماشي المغرب
*واضح جدا انها مافيها اي تعارض للنشيد الذي يقول
*نحنا بنلعب للسودان ما للجماعة ولا لكيان
*معقولة بس
*حقوتغيروا كلمات النشيد عشان يمشي مع الواقع
*نحنا بنلعب بالسودان لاجل جماعة لاجل كيان
*خيبة بطولة العرب ما اثرت فينا
*كانت فرصة لاضافة عناصر جديدة واعدادها لامم افريقيا
*ولكن التعامل بنفس الطريقة القديمة
*جعلنا نشارك بنفس الفهم القديم
*ترضيات ومجاملات واذابة المنتخب في شعار فريق لم يفتح الله بانجاز شرف الوطن طيلة مية سنة
*اما كان الاجدي الاستعانة بوجوه جديدة في خانة ذلك المهاجم الذي اعياهو المشاط واصبح سفيرا للنوايا الحسنة يوزع البسمات و مفاوضا يفاوض من داخل معسكر المنتخب لصالح فريقو وماعارف المسكين انو زي ديك المسلمية يعوعي وحلتو في النار
*موش كان الافضل الاستعانة بشباب وسط بدل نخلي (القاطع) قاعد تسعين دقيقة يقوم بينا رب ويقع لينا رب؟
*منتخبنا وقع رب في بطولة العرب
*لاننا بنجامل في اي شي
*حتي اختيارات وطن الكرامة لاتمت للكرامة بصلة
*لذا تجدنا عزيزي اللاعب نختارك للمنتخب فورا فور توقيعك في كشوفات المدلل
*وبالطبع نبعدك فورا عند مجرد التفكير في مغادرة محطة الصفر
*والآن نذهب للمغرب بنفس العشوائية والمجاملات
*والترابة في خشمنا لو فتحناهو راجين حاجة
*في اهلي مدني في اكتر من لاعب يستحق ارتداء شعار الوطن
*كواسي ماشافهم
*كواسي مابشوف براهو
*بشوفوا ليهو المعاهو
*والطشاش في بلد العمي شوف
*بلغنا ان الجزولي جاهو عرض
*لو رفضو تاني المنتخب يشمو قدحة
*المنتخب الاول نفس الوجوه
*منتخب المحليين نفس الوجوه
*بطولة العرب نفس الوجوه
*وابو عشرين يتم اختياره اول زول
*ربنا ينهي نهائيات افريقيا دي عشان نشوف اعداد الاصفار بتم وين تاني
*ايها الناس
*المنتخب مفروض يكون صاحب المكانة العليا
*لكن في السودان
*الكلام غير
*لذا لن ينجز المنتخب ولن يتغير الصفر
*المنتخب بدون عجب
*ايها الناس
*ان تنصروا الله ينصركم
*اها
*نجي لي شمارات والي الخرتوم
*تعرف يا والينا
*مشكلتنا المابتخلينا
*انو العين بتعلي علي الحاجب يا والينا
*وكلو عين فينا
*تحتا حواجبينا
سلك كهربا
ننساك كيف والكلب قال انا الكلب ده عارف المنتخب اهم زول…. معقول؟
والي لقاء
سلك
