تاني من بلدنا رحل زول جميل

بابكر سلك

غني للحب
*للسلام
*وابحر في المحلية
*حتي اوصل اغنيتنا للعالمية
*كان موهوبا
*مؤمنا بقضيته
*قضية السلام
*ولدا يسعي للشر ركبا ترا بيخيب
*نضحك ساي في الله كيتا في النحيب
*زراعة الفتن الناس مي اهل
*سبة كلام ده عيب
*سيفك في قفاي قلبي خلاس ابا كان اولي الغريب
*طمبور ود علي وزغرودة ام سبيب
*فرحك ان شرق بتان حزنك يغيب
*دكتور عبدالقادر سالم ادخل العلمية علي الاغنية الشعبية فاوصلها للعالمية
*الحانه طافت اوروبا وامريكا وانهال الناس عليها اعجابا
*اهتم كثير بالغناء الداعي للسلام وللوعي
*وغني للقومية وعدم الاختلاف (سيفك في قفاي كان اولي الغريب)
*وخاطب بكل صراحة (زراعة الفتن) وقال ليهم(الناس مي اهل ) ووبخهم (سبة كلام ده عيب)
*ودعا للحياة البريئة السعيدة (نضحك ساي في الله كيتا في النحيب)
*دكتور عبدالقادر سالم قدم للاغنية السودانية مالم يقدمه غيره
*اهتم بعولمتها وعالميتها وعلميتها
*ولم يسع خلف عداد
*ولكنه سعي خلف رسالة خالدة
*دعا للسلام من خلال اغنياته
*ونشر، الوعي
*لذا عاش محبا محبوبا بل معشوقا
*وتمسك برسالة الفن ووجوب توجيهه لتربية المجتمع علي الفضائل والمحبة والسلام
*عشان كدة لما نقول الشعوب يربيها فنانوها ومثقفوها حقو سياسيوها مايزعلوا مننا
*رحم الله القامة ود سالم
*وستبقي رسالته راية خفاقة يلتف حولها الناس
*اها
*امس ابو عشرين رد علي المرجفين
*واكد علي احقية اختياره للمنتخب
*وكذلك كلود
*اثبت ان ادعاء الجزائريين غلط
*وانو ولد مؤدب ومهذب ومتربي
*اللهم ثبت ابو عشرين اساسيا في جميع مبارايات الهلال يا رب العالمين
*الافريقية والرواندية والسودانية يا رب العالمين
*الراجل يقول آمين
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*تاني رحل زول جميل وقرر يخلينا
*لكن تبقي رسالتو اصلو كان قصدو يربينا
*سيفك في قفاي قلبي خلاس ابي كان اولي الغريب
*الله يرحمو يا والينا

سلك كهربا

ننساك كيف والكلب قال الموت عزاااااااال

والي لقاء

سلك