الصفر عدد فردي ولا زوجي؟

بابكر سلك

لما بدينا نستقر
*بقينا نفتش لي أسباب جوطة جديدة
*بدت الأصوات تعلو لمناصرة كوم وحرب أكوام أخرى
*لون شعر أواب
*أسي الموضوع شنو؟؟؟
*بدل نتناول صغر سنو وموهبتو العالية والاستفادة منو في الحاضر والمستقبل
*اتفرغنا للحديث عن لون شعرو
*موضوع لا يخدم ولكنه يؤخر
*تربطنا بأواب التزامات متبادلة
*إذا قام بالعليهو إن شاء الله يتمشط بوب
*ما خصانا
*إن شاء الله يحلق صلعة
*ما شغلنا
*إن شاء الله يمشط السُّودا بالبيضا
*ما عندنا دخل في المواضيع دي
*وكانتي
*كمان ده موضوع تاني
*طالما في لجنة تسيير تدير الملفات
*هي أجدر مننا في اتخاذ القرار المناسب لأنها تعلم ببواطن الأمور
*وبالتأكيد تضع مصلحة النادي نصب عينها
*إذن النقاش خارج الإطار ممكن يبقى رأيًا عامًا لا يخدم القضية وممكن كمان يضع حدًا لمسيرة الولد معانا حتى لو هو رغب في ذلك
*فنحن قوم انطباعيون تتحكم فينا عواطفنا
*نحن دي كسودانيين كوولنا
*المهم
*تجربة المريخ (ب) أظنها ستؤتي أكلها وعدًا وتمنيًا
*وستخلق دوافع في نفوس الناس الفي (ب) للاجتهاد واللحاق بمجموعة الريمونتادا برواندا
*وبتبقى سبب خوف لي ناس (أ)
*أي تقاعس بوديك بربر
*وفي بربر التقاعس بوديك الخور
*ويظهر أن داركو وجدية لجنة التسيير قد رسما حدودًا للانضباط كنا نظن أنها قد تلاشت ولن تعود
*أيها الناس
*سؤال
*أين السماني الصاوي؟؟؟
*سؤال اتحرق شوقًا للإجابة عليه
*واتحرق أكتر للإجابة على سؤال عمرو مية سنة
*هل الصفر عدد فردي أم عدد زوجي؟
*هل ولا ماهل يا محمد عبدالماجد؟؟؟؟؟
*خايف أسألكم
*أقول ليكم هل الصفر عدد فردي ولا عدد زوجي
*تقولوا لي أسأل أهل الصفر إن كنت لا تعلم
*وتدخلوني في حرج مع الأحباب محمد عبدالماجد وخالد عزالدين
*لكن بيني وبينكم
*هل ولا ماهل؟؟؟؟؟؟
*المهم
*الزعيم أكمل استعداده لامتطاء صهوة جواد الدوري الرواندي
*والجماعة بي طمنطاشر محترف في المركز الطمنطاشر
*الغريبة يقولوا ليك القيمة السوقية للاعبيهم ارتفعت
*ونهائيات أفريقيا شغالة
*والطمنطاشر محترف جاريين في الدوري الرواندي يتغلبوا في أمانة الله
*لا فيهم زول منتخب بلدو استدعاهو
*وفيهم ناس بلادهم ذاتها ما استدعوها في النهائيات
*ويقولوا ليك دفعوا فيهو تلاتة مليون دولار
*العليقي قال ليهم على الطلاق ولا من محلو
*جايينا غالي
*دايرين فوقو سبعة
*سبعة؟؟؟
*هو من تسعة نقاط جاب واحدة وخسر تمنية
*يجيب سبعة كيف بس؟؟؟؟
*بمناسبة العليقي
*قالوا قال تاني ما داير
*وماسك جاز تقيل في الموضوع ده
*لو بقى على رأيو
*يبقى نحنا موعودين بتصريحات كاردنالية على شاكلة
*لما جيت النادي ده ما نطتت من زحمة الكاسات
*لكن ما قلتوا لي
*الصفر، عدد زوجي ولا فردي
*محمد عبدالماجد
*قول النصيحة
*أيها الناس
*إن تنصروا الله ينصركم
*أها
*نجي لي شمارات والي الخرتوم
*الصفر يا والينا
*فردي ولا زوجي ولا صفر ساي ورينا

سلك كهربا

ننساك كيف والكلب قال اقسم الصفر على اتنين… كان انقسم غنماية وكان طار تيس

وإلى لقاء

سلك