بابكر سلك
*ليس عاي طريقة الكديس والمشلعيب
*لكن زوبعة خاطر لا اري داعي ليها
*ما قدر كدة
*ولو كان قدر كدة ماكان الهلال اعارو
*ثم سفهو بعد انتهاء اعارتو
*القصة عندهم دوافعها الكيد
*ونحنا بالنسبة لينا الخير فيما اختاره الله
*لكن بالنسبة للصفراب قد يعني الكثير
*احتمال يمرقهم من خانة الصفر الي رحاب المطار
*ومصيرو مصير والي الدين القضارف
*علي الاقل كان يقشر بقوله نحنا في المريخ حققنا مانديلا وتلاتة سيكافات ودبي وشارقة
*زمااان كتبت تحت عنوان
*كاس ماجابوا ناس جكسا مابجيبوهوا ناس بشة
*واسي بقول ليكم
*كاس ماجابوا ناس عبدو جابر مابجيبوهوا ناس خاطر
*خاطر ما المشكلة
*المشكلة تبقي مصيبة اذا كان بين صفوفنا من يلبس حزام ناسف
*نبقي ما استفدنا من نتائج الاحتراب والشتات
*الكيمان الله ماعادها
*نرجع لمسرحية خاطر
*القصة دي ذكرتني نكات كتيييرة
*قالوا واحد راكب الطيارة واثناء ما دخلت الطيارة في مطب جوي انفتح باب المخزن ووقعت الشنط
*المضيفة كلمت الركاب ومن ضمنهم صاحبنا
*الخبر لم يهزو
*ابتسم وقال مامشكلة
*مفتاح شنطتي عندي
*ويؤخذ علي ناسنا انهم استلموا المفتاح وخلوا الشنطة في السير مشحونة
*الدرس الاول من دروس الشفتنه
*خلي الشنطة تحت اباطك وماتشتغل بالمفتاح كتير
*لكن الحقيقة
*اللاعب لايستحق ضجة
*لو كان يستحق زي جبرة والعجب واسامه ام دوم
*كان طبيناهوا تحت اباطنا ده
*بدل نمسك المفتاح ونقعد اباطنا والنجم
*ايها الناس
*دواعي الشفتنة ضد المسكنة
*ويجب علي الشفوت من داخل التسيير وخارجها
*ان يقوموا بالبحث الدقيق عن حقائق الاعارات والفوضي والتحقق من عقودات خارجيه تعلمونها جيدا
*يا خالد عز الدين
*ان شاء الله خاطر يجبر خاطركم المكسور ويخرجكم من لقب الزنطور
*المهم
*الناس حزنت علي تعادلنا الاخير
*عادي
*تغيير في التشكيل
*تغيير في الطقس
*مطرة زي المطرة
*وتجريب كتير
*وضغط مباريات
*يبقي مافي داعي للزعل
*طيبوا خاطركم
*ايها الناس
*بكرة منتخبنا لو غلب بلاقي بعاتي
*ولو اتغلب بلاقي سحار
*ولو درن بقابل ام بعلو
*نطير ولانسوي شنو يا اخواني
*بكرة نغلب
*بعد داك ننسحب ونقول ليهم عندنا حرب
*اخير من البشتنة
*ايها الناس
*تأهل المنتخب جابو افضل طرف يمين في البطولة
*عوض زايد
*لانو انقذ هدف التعادل للخصم بعد ما اتشربك ارنق في كرشوم في جوباك واضح
*شكرا عوض زايد سيد التأهل وسبب التأهل سيما حتي هدف الفوز ماجبناهو نحنا
*وتاني بقول ليكم
*اخاف من قول الشاعر
*قد يبتلي الله بعض القوم بالنعم
*اللهم وفق منتخبنا زي ماوفقتو اول امس
*ده انا غلباااااان
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*امس حلمان بقينا
*بيتنا تاني ناصية يا والينا
*عندنا تلاتة جيران وفاتحين علي البحر جد لينا
سلك كهربا
ننساك كيف والكلب قال الخوف تبقي عليكم قصة الكديستين والقرد لما الكدسة اختلفن في قسمة الجبنة…. دي تحجتج القرد يقرم من ديك… ديك تحتج القرد يقرم من دي…. كملت الجبنة والكدسة طلعن كيت…. مافي داعي للقسمة… ياكلن سوا اخير من ياكلها القرد
وإلى لقاء
سلك
