بابكر سلك
*ماهو واحد في الاتنين
*مافي تالت
*لازم بيضة من بيضتين
*يابيضة الديك يابيضة فريد
*وبيضة الديك طبعا هي ضرب من ضروب المستحيل
*وبضربوا بيها مثل للمستحيل
*وبقولوا كان حصلت بتحصل كلو مية سنة مرة
*ونحنا يادوب في سنة ستة وتسعين
*يعني الديك عندو فرصة اربعة سنين
*لو قفل المية دي بدون مايبيض
*الا يعملوا ليهو حقن مجهري
*والغريبة الحقن المجهري عملوهوا ليهو كم سيكافا كدة
*ومابيض
*المهم
*جات الدقيقة ستة وتسعين يوم انفجار البركان
*مافي حل تالت
*يا الديك يبيض
*يافريد يبيض
*المنطق اختار بيضة فريد
*لانها اسهل واقرب للواقع
*كما وان الديك ده مامضمون
*في سيكافا مدفوعة الاجر مقدما مابيض
*فكان خيار المنطق منطقيا
*وبيض فريد
*وفضوها سيرة
*شخصيا اري ان اختيار المنطق كان منطقيا
*وذكرني النكتة البتقول
*كان في واحد طلع ليهو شيطان الجرة قال ليهو شبيك لبيك داير شنو اعملو ليك
*صاحبنا قال للشيطان اعمل لي كبري بين جدة وبورتسودان
*الشيطان قال ليهو ياخ اطلب ليك طلب معقول
*يعني عشان لقيتني شيطان داير تدقسني وتطلب مني المستحيل
*صاحبنا قال للشيطان خلاس خلي الهلال يشيل بطولة جوية
*الشيطان صنقع دنقر وضربها في راسو
*قال للزول قلت لي داير الكبري من وين لي وين؟
*كبري بورتسودان جدة اسهل من جوية يجيبها ابو الهل
*محمد عبدالماجد
*قلت لي الكبري دايرو من وين لي وين؟؟؟
*المهم
*صديق هلالابي قال لي دايما نخسر في آخر خمسة دقائق
*قلت ليهو خاطبوا الكاف يعمل ليكم الكورة خمسة وتمنين دقيقة
*المهم
*العليقي استقال
*الميديا اتملت اهلة اعلنوا انسلاخهم عن تشجيع الهلال
*لكن لم يفصحوا بانتمائهم الجديد
*مرحب بيكم
*تعالوا ساي ماتخجلوا
*ماتفصحوا
*تعالوا براااحة اقعدوا وسطنا
*وغنوا معانا
*المطار بي وين؟ المطار بي جاي
*الصفر بي وين؟ الصفر بهناك
*وماادراك مابهناك
*محمد عبدالماجد قرب تعال ماتختشي
*تعال عشان تبطل كتابة عن عثمان حسين
*وفط لينا سطر سطرين في موضوع مانديلا
*بطل حركات (وان طال السفر)
*لانو فعلا طال ومافي فايدة
*طال السفر لمن فطيت سطر
*والصفر، ماخجل
*تعال الي حيث النكهة يارائع
*ايها الناس
*نمضي بثبات نحو العودة لمنصات التتويج الجوية
*ومن بعد الله يعود الفضل لالتفافنا حول الكيان بقوة بصرف النظر عن الكيمان
*وده الكلام البجيب ريحة المطار وبزعل ناس طال الانتظار
*الصبر مفتاح الفرج
*صبرنا حتي عجز الصبر عن صبرنا
*ولذا بدينا نعود
*وغدا نعود كما نود
*مافي زول فاتنا في الصبر غير ناس خالد عز الدين
*هو داب صبر
*ستة وتسعين سنة
*الهلالاب ديل (صبره خلاس)
*وانفجر البركان
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*طيران الجماعة ماهامينا
*لاننا كنا مدركينا
*من زمن كانوا مأملينا
سلك كهربا
ننساك كيف والكلب قال مسكين البدأ يامل
والي لقاء
سلك
