بابكر سلك
*نفخر ونتفاخر باننا كوش
*اصل البشرية والسيادة والريادة
*كنا كوش والعالم فنكوش
*وتدحرجنا
*اضحت كوش مجرد ذكري
*بعد ان كانت واقعا وفكرة
*تدحرجنا حتي صرنا الي ماصرنا اليه
*بقينا فنكوش الفناكيش
*شعب لايعترف ببعضه
*بعد ان كنا شعب كوش
*شعب واحد خلف القائد
*ننجب كنداكا وتهراقا
*اضحينا شعوب متعددة تنجب خلافات واختلافات واحقاد وشتات
*والعترة بتصلح المشي
*يجب ان تكون الضحكة من اعماقنا ثورة
*تفجر الحزن الكتلنا
*فنحن لن ولم يقتلنا الا الحزن علي ماض فقدناه بايدينا
*ويجب ان نعتبر
*لتزين العبرة طريقنا
*وتخفف البسمة علينا
*ده اذا اردنا ان نعود كوش
*اما اذا عجبتنا قصة صيرورتنا فنكوش
*فعلي البلد السلام
*وللعودة ككوش
*لاينقصنا الا ان نحب بعضنا
*نحب بلدنا ماكفاية
*لازم نحب بعضنا
*ونسقط اسباب التفرقة التي نطلقها اسماءا واوصاف شتتنا
*عرب زوط و حلب ساي وعبيد وقد خلقنا الله احرارا وجلابة وغيرها من اسباب التمييز والفرقة والشتات
*اذن لو اردنا عودتنا كوشا الدرب واضح
*وان اعجبنا وضعنا كفنكوشا
*فنحن في هذا الدرب لينا زمن حتي اضحينا محن
*المهم
*المريخ كان كوشا
*واتي بالجويات عرق جبين وخدمة جبين
*ثم فرقنا الشتات ومشينا علي درب الفنكوش
*وهانحن نعمل بجد للعودة كوشا يقود الركب
*وغيرنا نشأ فنكوشا واستمر فنكوشا وسيظل
*ولن يخرج من قبيلة الفناكيش
*الا اذا اعترف صاغرا بكوشيتنا
*مانديلا تهراقا
*والتلاتة سيكافات الكنداكات
*ولن ننسي ريناس دبي وملكة الشارقة
*يا الاعتراف او السكن في مربع الفنكوش
*محمد عبدالماجد الفنكوش
*رأيك شنو؟؟؟.
*المهم
*كبسور مشتكي النهضة
*كبسور مشتكي الحكم
*كبسور مشتكي المراقب
*كبسور مشتكي لجنة الانضباط
*كبسور مشتكي بتاع الفار
*كبسور مشتكي نائب رئيس الفار
*ياكبسور يافنكوش
*الشكية لغير الله مذلة
*المهم
*يعود الزعيم للتنافس دوريا
*اتوقع ان يظهر ملك كوش بالمظهر الذي يناسبه
*فالشغل الفني كان علي الدفاع
*ثم تحول مؤخرا للهجوم
*عشان كدة نتوقع اهداف بالجملة فيما تبقي من مبارياتنا بالدوري الرواندي
*ايها الناس
*كم اعجبني الائتلاف والالتفاف حول الكيان
*سقطت الكيمان والاقنعة
*فارتفع سقف الولاء والطموحات
*وتداعت الناس لنداء الدولار برحابة صدر
*وبالمناسبة
*هو ليس، دولارا مرة في العمر
*هو دولار كل شهر
*مدي العمر
*فبه سنشتري المجد
*ونعود لمجدنا السابق
*نجلس علي منصات التتويج خالفين رجل فوق رجل
*ياااااااه
*وحشتنا الطائرات التي كانت تحط رحالها علي مدرج المطار وهي تحمل في طياتها كأسا يزيدنا تفرد لنغرد برانا
*المطار بي وين
*المطار بي جاي
*وكبسور بي وين؟؟؟؟
*ايها الناس
*اي جوية جبناها كان سببها اتفاقا والتفافا منا حول كياننا
*نوفر البيئة والطيارة تجي
*وها نحن قد بدأنا في توفير البيئة
*بيئة تعرفونها جيدا
*متي ما توفرت
*تعطرنا بريحة المطار
*والتقينا بالمطار
*ننشد الحب
*ايها الناس
*خصمتكم بي الله لاتعودوا الي الكيمان تاني
*ممكن نكون كوم واحد
*ونختلف في الرأي
*فالكوم الواحد لايصادر الرأي وحرية التعبير
*الاميرة السمراء مابعيدة لي زولا طال بطولة من بطولات الكاف
*الماعندو قديم ماعندو جديد
*كبسور
*عندك شنو يا اخوي؟
*شكوي؟؟
*تااااااني؟
*ايها الناس
*هل يحق لرئيس لجنة الانضباط منفردا اصدار قرار رفع العقوبة المؤقتة؟
*الاجابة علي هذا السؤال لايريدها كبسور
*ماتجاوبوا
*كبسور يشتكي البرقاوي
*بالغت ياكبسور
*ايها الناس
*ان تنصروا الله ينصركم
*اها
*نجي لي شمارات والي الخرتوم
*تعرف يا والينا
*تكاد تكون الزول الوحيد الما اناقدوا زول منينا
*لكن بعد بيان ناس ام درمان القديمة يا والينا
*الفيهو عدم الامان مانتوفر لينا
*اخدنا صنة يا والينا
*نجاحك كل الهامينا
*وفر الامان يامان لي اهالينا
*ام در لاتستاهل عدم الامن يا والينا
سلك كهربا
ننساك كيف والكلب قال بدون امان حايطول هجرك يا ام درمان
والي لقاء
سلك
