كيمو الجاهز!

بابكر سلك

*كمال عبد الغني
*او كيمو الجاهز كما يحلو للشفوت
*لاعب ماشوية
*ومن اللاعبين الذين صنعوا كل امجاد المريخ الجوية
*تكسّرت تحت أقدامه كل طموحات من يصارع المريخ داخل الملعب
*حريف وعنيف
*لم يتمرد علي المريخ يوما
*لم يغب عن المريخ غرورا
*بل شارك كثيرا وهو مصاب
*يداري علي اصابته كي لا يجبر علي التخلف عن المشاركة في مباراة
*رجل الولاء عنده عقيدة
*كان محبًا للكيان ولكل رفاق دربه من الجيل الذي واكبه
*لعب في جميع خانات الدفاع واجادها جميعها
*سجلناهو طرف يمين
*فابدع في الطرف الشمال عندما تم توظيفه لايقاف جناح الهلال السريع الحريف جعفر عبدالرازق
*ثبتناهو في تلك الخانة لانه اجادها
*وقتها كان قلب دفاعنا الحريف جدا كمال محمد أحمد
*ولكن ظروف الدراسة الجامعية منعته من مواصلة المشوار
*فكان كمال عبد الغني البديل الذي يمثل الحوار الغلب شيخو
*لعب بتلك الخانة وكانه خلق لها
*ثم احتجناهو استوبر
*حيرنا
*تنقل في جميع خانات الدفاع واجادها جميعها
*وعندما عاصر ابراهيم عطا افضل مدافع بقرأ الملعب ويعتبر ملكا للتغطية
*تفرغ كمال للابداع والامتاع
*كنا نراهو في التشكيلة
*فتطمئن قلوبنا
*لاعب مخلص ووفي ولم يكن من اصحاب المطالبات والابتزاز برغم نجوميته الطاغية
*ويكفيه فخرا انه محرز هدف الفوز علي بندل النيجيري والذي تتوجنا به ابطالا لمانديلا
*وكل ذلك لم يخرج كمال عبدالغني عن تواضعه
*برغم تلك النجومية الطاغية
*لم يعرف الغرور يوما
*كيمو الجاهز قدم السبت
*وهاهو الاحد قد اتي عليه
*فهل نرد له الوفاء بالوفاء؟
*كمال يحتاجنا
*لنقف معه في محنته
*ولو بالدعاء
*كمال حينما قدم السبت لم يكن يرمي للاحد
*ولكن اذا انت اكرمت الكريم ملكته
*ومن بعد الله من اكرم من المريخ ككيان؟
*حوبتنا جات
*الأحد جانا
*وأكيد كمال حايلقانا
*نادي ومجلس وأقطاب وجماهير تعترف بفضله وحسن معشره
*اللّهم اشفْ عبدك كمال عبد الغني بفضلك ورحمتك ودعوات المحبين منا
*اللّهم أسعده بقدرما اسعدنا
*ومكِّنَّا اللَّهم من رد الجميل لكيمو الجميل يارب الجمال ياذا الجلال يا رحيم
*اها
*أمس غلبنا تلاته
*وبرضو أعداد
*لايغرنا النصر
*ولاتقتلنا الهزيمة بالذات في طور الأعداد
*وفترة الإعداد لم تكنْ كافيه
*ولكن برغم ذلك بدأت في الظهور بعض الإيجابيات
*اولها شكل الفريق
*ومرورا بمستوي الحرس القديم عجب والسماني
*السماني كالعادة قالوا ليهو كورة الهلال قربت دور
*ولكن بصراحة الود اسد مشروع ايداهور سوداني
*إذا مضي بدون غرور وبعد نفسو عن اي صراعات
*والايجابيات لا تُحصي
*ولكنها تطمئن
*والحكاية لو مشت كدة
*أكيد حانكون استعدينا كويس للموسم الإفريقي القادم
*ده طبعا اذا القرعة خدمتنا
*قرعة افريقيا دي تحير
*واحد هلالابي قال لي
*ختوا أربعة كور بي جاي داخل أي كورة ورقة مكتوب عليها اسم فريق
*كلها كتبوا عليها الهلال
*واربعة كور بهناك داخل كلو كورة ورقة مكتوب فيها اسم فريق
*كلها كتبوا فيها الاهلي
*حتي بعد داك عملوا قرعة لباقي الفرق
*قلت ليهو ده ياهو القاعدين يعملوهوا معانا
*نقع ضد الترجي في دور الاتنين وتلتين
*وانتوا لي دور المجموعات الفرق البتلاقوها كلها في بلدانها مافي زول سمع بيها
*المهم
*للوكت داك يحلها الف حلال
*نستعد تمام
*ولو القرعة وقعتنا ضد الريال
*يبقي سجم الريال الرماهو حظو العاثر في طريقنا
*يانمير
*علي الاقل بدينا نطمئن
*ودي محمدة
*أيُّها الناس
*ماتنسوا كيمو
*ايها الناس
*إن تنصروا الله ينصركم.
*أها
*نجي لي شمارات والي الخرتوم
*كان شفت يا والينا
*مهما حصل لينا
*محتسبنوا يا اخينا
*بس نستفيد من الدرس الّا تشرح لينا
*ونبني دولة تليق بينا
*ونليق بالدولة البتأوينا
سلك كهربا
ننساك كيف والكلب قال كان خليتو عباراتكم البايخة علي شاكلة ملعون أبوك بلد ودي بلد يرفعوا ليها علم تبقوا استفدتوا من الحرب وكان لأ سجمنا.
والي لقاء
سلك