بابكر سلك
*لا نتقبل الخسارة
*ولا نمارس الصبر
*ولا نستفيد من أخطاء الماضي
*حيث نعمل بهاشمية وامنيات عاطفية
*لا ندرس ولا نخطط
*ولا نستفيد من تجارب الغير
*الانتصار للذات هو الهدف
*لذا ضاعت امانينا واهدافنا
*لانخطط
*نعمل بدون علمية ومنهجية
*بدون استراتيجيات نوضح فيها الهدف وكيفية الوصول وزمن الوصول
*نحنا زي سودانير
*نقوم وكت تهف لينا
*ونقع وكت تهف لينا
*عشان كدة سودانير عالميا اسمها الست
*تجي وتمشي علي كيفها
*المهم
*تعالوا نشوف تجربة باريس سان جيرمان في عهد الخليفي مثلا
*من 2011 وحتي الآن
*الهدف كان كأس الابطال الاوربية
*بدأ العمل منذ 2011 ولم يتحقق الهدف الا في 2025
*لكن الموضوع مشي في مراحل
*المرحلة الاولي كانت مرحلة هامة جدا في الاعداد النفسي وتوفير الثقة والطموح
*هي مرحلة بناء الاسم بصفقات النجوم امثال ابراهيموفيتش ثم جاء بعده نيمار وميسي ومبابي
*وهي مراحل منذ 2011وحتي 2016 جيل ناس ابراهيموفيتش
*ثم من 2017وحتي 2022 جيل العمالقة ميسي ونيمار ومبابي
*ولم يحققوا الابطال وهو الهدف الاستراتيجي
*ثم مرحلة الاعتماد علي المواهب الشابة والاداء الجماعي والتي حققت الهدف الاستراتيجي وهو اللقب
*في عهد الخليفي كم مدرب مر علي باريس؟
*تمنية مدربين خلال اطناشر سنة
*يعني مدرب كلو سنة ونص
*ولم يتحقق الهدف الا في عهد انريكي بعد اربعطاشر سنة من العمل الجاد
*فاذا كان الهدف الاستراتيجي في ظل اموال الخليفي وقناعته بالعلمية والمنهجية واعطاء العيش لخبازو يتحقق في اطناشر سنة
*نحنا ديل دايرن في تمنية شهور نحقق الاهداف العاطفية في ظل العشوائية وزولي وزولك كيف؟..
*ايها الناس
*تجربة باريس خرجت بمخرجات هامة جدا في بلوغ الاهداف الاستراتيجية
*وهي ان الصرف وحده لن يحقق الاهداف
*وان الفريق اهم من النجوم
*فقط يمكنك للحفاظ علي مكانتك ان تستعين في البداية بنجوم لاجل اسم النادي وتقدمه في روليت نقاط التصنيف
*ولكن يكون التأسيس لمواهب شابة مع جماعية الاداء هو الهدف المنشود
*فصناعة الشهرة تكون بانتداب أسماء، كبيرة
*ولكن صناعة فريق هي التي تدخل علامة النادي التجارية في المنافسات العالمية
*اذن خلونا نشتغل بتخطيط علمي واهداف مرحلية ومنطقية مع توفير قدرا من الصبر والقناعة
*ما نستعجل ونهدم كلو طوف نبنيهو قبل ينشف
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*من بلدنا كل يوم يرحل زول جميل يخلينا
*فجعنا برحيل الدعيتر يا والينا
*ومازالت بسمتو بتضوي لينا
*رجل جسد القومية في ضحكة خفيفة طلت علينا
*ربنا يرحمو يا والينا
سلك كهربا
ننساك كيف والكلب قال لما تقتنعوا او تقنعوا بتكون عدمت طفاي النار
وإلى لقاء
سلك
