بابكر سلك
*سيد الرايحة بفتش خشم البقرة
*والأسياد
*أسياد الرايحة
*مابطلعوا يدينهم كلوكلو من خشم البقرة
*الرايحة ليهم ما هينة ولا لينة….الرايحة ليهم. *اميرة وكبيرة وخطيرة
*وبسبب الرايحه ليهم بقت طايره ليهم
*فطفقوا يهضربوا ويهرطقوا بعبارات اشبه بطقوس الوثن
*كلام ظار بس
*والزول لما (خيتو) يجي في الظار
*وينزل
*بكشح الحلة
*وبوري سبب المرض النفسي المتمكن منو
*الجايب ليهو مرض الحسد المن اعراضو الاحساس بالدونية
*المرض البخلي ايدو جوة خشم البقرة العمر كولو
*المهم
*تبدأ الايقاعات
*ويربها
*والناس كلها مع ايقاعات الظار والصفقة تشاركه الرقيص الفاحش
*ادق دق تش التش
*فجأة برفع يدو ويقول طلبات
*طلباتكم اوامر يا (خواجة)
*انا ما خواجة
*طيب يا لولية
*انا مالولية
*يا الحبشي
*انا ما حبشي
*طيب انتوا منو يا اولاد ماما؟؟؟
*نحنا الزرق الطوال
*نحنا الاسياد
*اسياد شنو؟
*اسياد الرايحة
*طلباتكم يا اسياد الرايحة
*انا داير كبري من بورتسودان لي جدة
*طلباتكم أوامر يا (الاسياد)
*لكن كمان خلوا طلباتكم معقولة عشان نقدر نوفرها ليكم
*ودق الدق تش تش تش
*طلبات
*انا جن (ازرق) راكب الكورة دي
*يمرق
*يمرق يا (الاسياد)
*بركة الجنكم مابقي جن احمر
*الجن الاحمر مابمرق
*تقرأ ليهو بقرا معاك
*بحيرك
*بركة الجنكم بقي جن ازرق هوين ولين
*آية آيتين بعرد
*بكبرها طوالي
*ودق الدق التش تش تش
*طلبات
*طلباتكم اوامر يا (الاسياد)
*اسياد الظار
*انا داير (بتولة) جوية
*انا ساكن جوة الصفر ده مكتف عمري كلو
*داير اتخارج
*داير امرق
*الموضوع ده انسوهوا يا اولاد ماما
*تسعة وتسعين سنة تفرفروا جوة قمقمكم الصفري ده
*وجوة صفركم القمقمي ده
*وماقدرتوا تتخارجوا
*عمركم كلو ايدينكم جوة خشم البقرة
*تكوسوا في الرايحة
*البقرة دي بعد ده بتعضيكم
*القصة دي انسوها
*شوفوا ليكم طلبات معقولة
*اذا اردت ان تطاع أأمر بالمستطاع يا جن
*ادق دق دق تش تش تش
*طلبات
*طلباتكم اوامر يا اولاد ماما
*انا داير بطولة جوية
*يا الزرق الطوال
*قلنا ليكم المعقولية في الطلبات جزء من العلاج
*جوية نجيبها ليك من وين؟
*قلت ليك اطلب طلب معقول
*انا داير بطولة جوية بس ولا الولد ده يموت
*يموت… نعمل شنو عاد… اذا كان العلاج في المستحيل
*اليموت الولد
*اليموت كمد
*اطلب طلب معقول يا خواجة
*قلت ليك انا لاخواجة لا لولية لا بشير لومي
*انا الزرق الطوال
*طلباتكم اوامر يا الزرق الطوال
*انا داير بطولة جوية؟؟؟
*ازرق…. يا كل الزرق… الطوال والقصار… قلتوا لي الكبري دايرنوا من وين لي وين؟؟؟؟؟
*امرقوا ايدينكم من خشم البقرة دي بعد ده بتعضيكم
*ايها الناس
*في اي مهرجان مريخي
*في فقرة اسمها فقرة البطولات المحمولة جوا
*وفي اي مهرجان لأي نادي سوداني تاني
*الفقرة دي مافي
*اقول ليكم
*في مهرجاناتكم اعملوا فقرة سموها
*فقرة خشم البقرة
*والبقرة تضحك عليكم
*لافاش كيري
*ايها الناس
*إن تنصروا الله ينصركم
*اها
*نجي لي شمارات والي الخرتوم
*كان شفت يا والينا
*الحسادة لي قدام مابتودينا
*نكوس في الاوهام جوة خشم البقرة يا والينا
*لما البقرة تعضينا
سلك كهربا
ننساك كيف والكلب قال أجمل لقب (لافاش كيري)
وإلى لقاء
سلك
