بابكر سلك
*مثلا
*مثلا يعني
*لما يكون عندك سبب منعك تمشي حفل زواج قريبك
*ويكونوا أهلك مشوا
*لما يرجعوا بتكون حريص تسألهم عن العروس
*كان جميلة
*طوالي بقولوا ليك عروس شرط الشرط
*أمك أثناء ما بتطبق في توبها
*تقول ليك اريتها عروس الجنيات لي حدهم
*اللون يايمة زي المنقة
*والقوام الماخمج
*والسواقين زي الصبة
*والشعر ده والشعر ده
*اسكت بس
*اريتو شعر البنات لي حدهن
*والعيون اسكت بس
*والشعر ده
*قدر ده
*طبيعي
*مازي تركيبة القونات البرقصن بيها دي
*وتعال شوف الرقة
*هي الماسمح فيها شنو
*الخشيم متل الودعة
*والبسمة فوقو زي الفلاش
*غايتو عريسنا شحد الله والله اداهو
*ده لو العروس سمحة طبعًا
*ولو العروس عادية
*بقولوا ليك والله ما بطالة
*كلو زول بشيل قسمتو
*أما لو سألتهم وقلت ليهم العروس كيف
*وكان رد الست الوالدة
*والله احترمونا احترام
*واقفين لينا قنا
*والعشا ده العشا ده
*أكرمونا كرم
*ناس محترمين
*والعروس دي قالوا ليك أخلاق أخلاق أخلاق
*الدنيا ده كلها تشكر فيها
*أخلاقها عالية خلاس
*لو قالوا ليك كدة
*تاكد أنو العروس من النواحي الجمالية كسونغو يي يي
*مافي شي بودي للأخلاق ومدحها إلا الشنة
*وهانحن
*شناة مستوانا بموريتانيا أدتنا درع الاخلاق
*إذا سألت أي واحدة في سوق المطلقات بموريتانيا عن المريخ
*حاتقول ليك المريخ أخلاق أخلاق أخلاق
*أسكت بس
*لكن شكل
*كسنغو يي يي
*فهل نحن تغمرنا السعادة بدرع الأخلاق؟
*بطل الأخلاق المحمولة جوا
*ياهو الفضل
*شبعنا كاسات محمولة جوا
*وقتها كان الناس إذا سألوا عنا
*بوصفونا ليهم بالقوام الماخمج
*والعيون متل الفناجيل
*والسنون براقهن يشيل
*والخشيم متل الودعة
*بعاد حلماتك من كتفاكا
*أو كما قال ود الرضي في رائعته تيه وإتاكا
*والتي جاءت بالحقيبة وصفا لطول العنق
*لأن المسافة بين حلمة الأذن والكتف هي كناية عن طول العنق
*وتقول العرب في ذلك
*فلانة بعيدة مهوي القرط
*والقرط هو الحلق
*ومهوي القرط هو المسافة البتدلدل فيها الحلق متأرجحًا
*يعني لو رقبتها مضقلمة ومعسمة ولاصقة في كتافينا
*حلقها طبعا مابتدلدل
*الآن بوصفونا بالأخلاق
*أخلاق أخلاق أخلاق
*أكرمونا كرم
*واقفين لينا قنا
*فصرنا أبطال الأخلاق المحمولة جوا
*وسجل سجل يا تاريخ
*أيها الناس
*هل صحيح أن محاولات نقل النخبة لخارج السودان هي لإرضاء الهلال عشان أجانب الهلال رافضين يجوا السودان؟
*وطبعًا الهلال بين كولو أجنبي وأجنبي، في أجنبي
*السلام الجمهوري حافظنوا تلاتة لعيبة
*وبدون الأجانب الهلال مابتم حداشر في الملعب
*أبو عشرين ده براهو مشكلة
*عشان كدة
*يقولون
*هم البقولوا
*يقولون أن القصة كلها إرضاءًا للهلال
*وإذا كان الموضوع كدة
*مجلسنا ساكت ليه؟
*أتوقع أن تكون الإجابة ساكت ساكت
*لذا أغير السؤال
*إذا كان الأمر كذلك
*مجلسنا ساكت ساي ليه؟
*وأتوقع أن تكون الإجابة ساكت ساي، ساي
*هل يسعي لنيل كأس أخلاق جديدة؟
*كسونغو يي، يي
*أيها الناس
*قد يقول قائل
*النقد بدون حلول غير مجدي
*ويعتبر ترصد وتربص
*وحتي لا نكون كذلك
*فأننا نطرح الحل
*من الأخذ في الاعتبار بعض الثوابت
*المجلس ده معظمو كان مع حازم انتخاب وحازم تعيين
*ثم مع أبو جيبين تعيين وأبو جيبين انتخاب
*ثم مع النمير
*النمير تعيين والمجلس انتخاب
*والحال يا هو نفس الحال
*تبقي القصة ليست حازم ولا أيمن ولا النمير
*القصة في الغير
*ولذا تجدني أرى أن الحل في الحل
*فالكورس لما يكون نشاذ بأثر علي الفنان ولو كان يملك صوتًا يذيب الحسان
*دار غناء المريخ الشعبي فيهو من الأصوات مايكفينا للتربع علي الساحة الغنائية
*الحل في الحل
*أيها الناس
*أن تنصروا الله ينصركم
*أها
*نجي لي شمارات والي الخرتوم
*والينا
*نسأل الله يلطف بينا
سلك كهربا
ننساك كيف والكلب قال الصفقة الشترا بتبوظ الغنا
والي لقاء
سلك
