القناعة بتخلي الزول قنعان

بابكر سلك

زمااااااان
بدري الكلام ده
بدري شديد
قالوا لينا القناعة كنز لا يفني
وعشنا علي كدة
وفي زمن الذكاء الاصطناعي
وبعد تحليل البيانات والدم و(الذي منو)
اتضح انو القناعة بتخلي الزول قنعان من خيرًا فيها
زول (جتة) لا كالسيوم لا ماغنيسيوم لا بوتاسيوم لاكريات دم حمراء لابيضاء لاكرة قدم
وقارديا
وتظهر الصورة المقطعية كثيرًا من بيوت العنكبوت حول (الصرف الصحي المهجور)
القناعة بتعمل اكتر من كدة
ونحنا شعب اشتهر بالقناعة
او قل ربوهوا علي القنعان
شعب كان لقي حتة كسرة وكوز موية وعنقريب هبابي يخت فيهو راسو يقيهو حر الهجير وفردة قديمة يلتحفها ليلا
تاني ماداير شي
لاداير يقتسم ثروة ولا سلطة
داير (يتسمم ويتجوغر ) ويتشنقل ينوم
تربية قناعة عاد
مكنت (القنعان ) من النفوس
فاصبحنا نشبه (فيدو ديدو) بتاع سفن اب
وفرحانين زيو
ويشترك معنا في انو لانصيب له من السفن أب
نصيبو كما الشعب
فقط الدهشة التي يمارسها بقناعة
اسي الكلام ده لزومو شنو؟؟؟
ماعلينا
نحن في المريخ اليومين دي عايشين قناعة بمزاج
مجرد وصول الفريق للسودان
والنزول في فندق من اجمل الفنادق المتاحة
ووصول كل البعثة فنيين واداريين (دائرة كرة) ولاعبين عدا اتنين اخرهما الطيران
والفوز علي اهلي مدني
سكت الرباب
ارتاح المجلس من باعوضة الانتقاد التي تزن فيهو اليوم كلو
اشياء بسيطة اكتفينا بها وقفلنا قدومنا ده وتفرغنا لتشجيع ومساندة الكيان
بكل قناعة
شفتوا طموحنا بسيط كيف وانتوا مزعلننا قريب سنتين يا ناس المجلس؟؟؟؟
ولكم ان تعلموا اننا عندما ننتقد لانريد ان نقتسم معكم ثروة ولاسلطة
فقط ننتقد من اجل سودان اقصد كيان يستحق ان نمارس الطموح في شأنه
حتي تتغير نتيجة الفحص والتحليل
وتطلع الصورة المقطعية نضيفة خالية من العنكبوت
انه وعي اغفلته امة المريخ ردحا من الزمان بسبب الكيمان
ودلفت تحارب مجالس الاكوام الاخري في احرج المواقف كي لاينجز الكيان في عهدها
الآن الجميع يقف بقوة خلف الكيان
ويتغاضي عن اي شي
في سبيل الاستقرار والانجاز
نسأل الله ان يشبعنا استقرارا ومنهجية تخلي العنكبوت يفوت
ايها الناس
ان تنصروا الله ينصركم
اها
نجي لي شمارات والي الخرتوم
كان شفت يا والينا
الحنين للوطن شادينا
العاطفة تستدعينا
والعقل يحذر فينا
مزيدا من اسباب العودة يا والينا
ونرجع كلنا مطمئنينا

سلك كهربا

ننساك كيف والكلب قال امان يا مان وكهربا وموية مدرسة مستشفي وكل القوة سودان جوة

وإلى لقاء
سلك