النصيحة ليك يا الله
بابكر سلك
*بالرجوع لمباراتنا ضد أمل عطبرة
*بنلاحظ تطور أو تقدم أو قُل انضباط في الأداء التكتيكي
*طبعًا ده بصرف النظر عن ضياع الفرصة السهلة جدًا أمام المرمى الأملابي
*الوسط قام بدور كبير في الانضباط في الأداء اللاحظناه
*والدفاع أدّى بجدية وحرفية كبيرة للمطلوب منو
*وده كلو طبعًا لم يأتِ اعتباطًا أو صدفة
*ده شغل جهاز فني
*قد يكون مرجعه فني وخططي وتكتيكي يعود للفكر التدريبي
*وعلى أسوأ الفروض قد يكون مرجعه ارتفاع معدل اللياقة البدنية
*وده برضو الفضل فيه برجع للجهاز الفني
*عشان كده، وكما يقول الحبيب حسن بسبوسة، النصيحة ليك يا الله
*بنقول النصيحة ليك يا الله: الجهاز الفني بقيادة غريب استحق الشكر والتقدير والاحترام
*المهم
*لعل فترة غريب بموريتانيا لم تكُ كافية للرجل للوقوف على الحال بدقة
*ولعل النخبة أتاحت للرجل فرصة معرفة الإمكانيات عن قرب
*وقد يكون ذلك مبررًا للشكل المتردي الذي ظهر عليه المريخ بداية عهد غريب، والشكل المتطور (نوعًا) الذي بدأ يظهر على الأداء
*ولعلها فرصة أيضًا للجهاز الفني يكون قد عرف من خلالها الخانات التي تحتاج لانتدابات جديدة، والمستويات التي يحتاجها في تلك الانتدابات، مع الأخذ بالاعتبار أن هدف المرحلة هو الذهاب بعيدًا خلال موسم التنافس الأفريقي
*أي التقدم خطوات في المنافسة
*ولعلها تكون أولى خطوات البناء التي لو قمنا بها بعلمية وطبقناها بمنهجية، ستقودنا إلى قمة المنافسة الأفريقية بعد سنوات من العمل المحوسب المنهجي الجاد
*شكرًا غريب وطاقمه على العمل بجدية في صمت، برغم الانتقادات التي مارسناها جميعنا في بداية المشوار
*ونهمس في أذن المجلس أن يوفر مطلوبات الجهاز الفني، وأن يبعد عن التدخل في الشأن الفني، بدءًا من الانتدابات
*دايرين تسجيلات فنية، ما إدارية
*وفّروا ليهم الكاش وسوقوهم السوق يعزلوا براهم
*ما تمشوا تخمّوا ليهم من السوق على ذوقكم
*وفي الآخر ما تعجبهم اختياراتكم
*واختوا ناس قدرك قدرك (بفتح القاف وتسكين الدال)
*وناس قدرك ديل بتلقاهم في السوق كتاااار
*تجي داير ليك (جزمة) بدون مؤاخذة
*تختارها
*تقعد في الكرسي تجربها
*قبل ما تدخل رجلك يشبكوك: قدرك قدرك
*تشيلها تمشي البيت
*تجربها
*تلقى نص رجلك برة
*لا قدرك ولا حاجة
*تضغط نفسك وتلبسها
*تجد نفسك بتردد في المثل الإنجليزي:
*لا أحد غيري يعلم أين يؤلمني حذائي
*أها
*عشان غريب ما يردد المثل الإنجليزي
*سوقوه السوق يعزل براهو
*ويجرب براهو
*ويقيس براهو
*عشان يفرز القدرو من الما قدرو
*عشان ما يبدأ التنافس الأفريقي
*ونبقى زي الزول الخموهو قدرك قدرك
*وطلعت ضيقة ما بتتلبس
*قام عيد بالجزمة القديمة
*وطبعًا أحرجتو
*شيييِنة
*وغبشة
*وملتقة
*مسخت عليهو العيد
*أيها الناس
*إن تنصروا الله ينصركم
*أها
*نجي لي شمارات والي الخرتوم
*كان شُفت يا والينا
*مهما عشنا واتهنّينا
*بره بلدنا ما في طعمة لينا
*كنوز الدنيا عنو ما بتلهينا
*ومناديل الكون ما بتمسح من عيوننا دمعة حزينة
*إلا منديل منقوش جانبه بإيد سودانية حنينة
سلك كهربا
ننساك كيف؟ والكلب قال: المنقوش جانبه… أو تذكرين؟ (مع الاعتذار للأغنية والشاعر والملحن والفنان… والإهداء للبلد)
ما زلت أذكر خصلة عربيدة فوق الجبين… فوق جبينك يا بلد
وإلى لقاء
سلك
