بابكر سلك
*لن أقل التحكيم الافريقي
*لكن بقول الجزار الافريقي
*حكام افريقيا ديل لا (يضبحوا)
*يضبحوا جاموس
*يضبحوا تور
*يضبحوا اسد تمساح عشاري
*المهم يضبحوا
*وكلو بي حقو
*ضبيحة ساي مافي
*وخليني من ضبحة الجاموس
*تعالوا شوفوا ضبحة الاسد النتر
*ضبيحة فضيحة
*بدات بالطرد الغير مبرر
*واستمرت بالطعن في اجساد الجسد
*في اي حتة (جيييت) طعنه
*مخالفة تهد الحيل
*ولكم ان تلاحظوا
*كل هجمات الفريق الكنغولي كانت مخالفات قاطعة الجزار من راسو
*وطبعا الجزارين ديل مافي شي بوقفهم الا الشفتنة الادارية لرئيس البعثة في الاجتماع التقليدي ولفت نظر المراقب والطعن في ذمة الجزار
*وده دور اداري لايقل عن الدور التكتيكي للجهاز الفني
*المهم
*في ظل جميع الظروف التي كان يعيشها المريخ
*كونو يظهر بهذا المظهر الجميل الناتج عن فترة اعداد ومعايشة قليلة جدا
*ده انجاز كبير يستحق الثناء
*كنا نمني النفس
*لكن ماكنا نتوقع هذا المستوي بهذه السرعة
*لم تكن مجرد مباراة
*ولكنها كانت مؤشر، لعودة المريخ القوية
*اداء المريخ المنضبط انسانا حتي اللون الابيض القالوا لينا ما ابيض
*وبقينا شايفين الاحمر الوهاج وبس
*ولذا
*ولكل ذلك
*علينا فقط بالصبر
*في هذه المرحلة يجب ان لاتحبطنا خسارة ولايبطرنا نصر
*ايها الناس
*البدايات تشير الي ان المدرب ده ماقاعد في الواطة
*والانتدابات الاجنبية زينة في زينة
*وده دليل علي ان التسيير برغم قصر المدة
*اشتغلت بدراسة
*وادت العيش لخبازو
*ويستحق الجميع التهنئة
*ويستحقون منا الصبر والمساندة
*ايها الناس
*البمشي لي قدام خطوة بالجزار
*بكرة بتسمع بيهو طار
*شيل الصبر بس
*المهم
*اعلن المجلس عن طريق الاخ سامر
*ان الدخول لمباراة العبور مجاني
*وده قرار سليم
*فزئير الجماهير بجيب قون
*واللاعبين يجيبوا قون
*وتكمل معدودة الكنغولي
*ايها الناس
*اولادنا بالذات الوطنيين
*محتاجين مساندة وصبر
*وعلي الاخوة الذين تسيطر عليهم العاطفة والانتماء والذين ينشرون بالميديا اشياء محبطة للاعبين
*مابنشكك في عمق انتمائهم
*لكن بنطالبهم ان يغيروا نهجهم لدعم الاولاد والمساندة
*فصبر الجماهير هو مايصنع نجوما بخبرات ناتجة عن التراكم
*ونشر الاحباط يشكل ضغطا علي اللاعب يأتي به للمباراة متوترا
*عشان كدة نشيل الصبر
*ونتعامل بوعي مع المرحلة
*واكيد سنجني ثمار كل ذلك
*مبروك لكل من اسهم في العودة القوية التي رأينا بشرياتها
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*كلمونا وقالوا لينا
*تنتشر حمي الضنك فينا
*لكن الموت صفر يا والينا
*والقصة دي ذكرتنا زمان مر بينا
*المسؤولين كانوا بنكروا الباعوض لينا
*ولما كتر وانتشر فينا
*اغترفوا بيهو وقال لكن مانخاف يا والينا
*لانو الباعوض المنتشر فينا
*مابنقل الملاريا لينا
*تخيل التبرير الفطير يا والينا
*امال بنقل الكلام لينا
*ولا بنقل شنو يا والينا؟؟؟؟؟
سلك كهربا
ننساك كيف والكلب قال جابت ليها كلازار كمان؟؟؟ اها دي بتنقل شنو؟ ولا متعاونة وبترفع احداثيات؟؟؟؟؟
وإلى لقاء
سلك
