بابكر سلك
*ما ان اعلنت لجنة التسيير قوائم اعضاء لجنتي المنشآت والمعرض
*الا وطفقت القروبات حروبات ومعارضات وعدم رضا عن بعض او كل اعضاء اللجان
*وقد يقول قائل هل كان توقيت اعلان تلك اللجان مناسبا والناس تكابد لاجل تأهيل لمرحلة جديدة؟؟؟
*الاجابة لن تخرج عن احتمالين
*الاول والمشكلة وين؟؟؟؟
*التاني لجنة التسيير بالغت
*وأيًا ماكانت اجابتك علي السؤال
*فهل يستحق ذلك كل هذه الضجة؟؟؟؟
*موش من حق لجنة التسيير اختيار لجانها المساعدة حسبما تراه محققا لاهدافها وطموحاتها؟؟؟؟
*طيب ليه افتراض الفشل مسبقا؟؟؟
*هل للكيمان تأثير علي ذلك الاختيار
*أم للكيمان تأثير علي ذلك الاحتجاج؟؟؟
*اذا صفينا النية
*بنلقي الاجابة علي السؤالين واحدة
*ابدا
*ولأ
*وكو
*واطلاقا
*ونهي
*لانو ببساطة بعد العاشو المريخ في الفترة الاخيرة طيلة سنوات
*قد قدم درسا عنوانه
*سحقا للكيمان التي شتتت الكيان وبشتنت الكيان
*وقربت تودينا في خبر كان
*وبراحة كدة تعالوا نبدأ بلجنة المنشآت
*من يسبق اسمه وصف مهندس ما حانتناولو
*نشوف الآخرين
*لماذا تم اختيار مرتضي بتري عضوا باللجنة
*ببساطة اري ان الاختيار صادف اهلو ومنطقي جدا
*مرتضي كان مقررا للجنة في آخر دورة لها
*وممسكا بدفاترها حتي قيام الحرب
*اذن هو سيساعد كثيرا في عمل اللجنة الجديدة كمرجعية ممسكة بتلابيب تفاصيل العمل وتفاصيل مع الشركات المنفذه للعمل وتفاصيل مدد انجاز العمل
*مافضل ليهو الا يمسك بتل آبيب ( سيئة الذكر) ذاتها
*وما يقال عن بتري يقال عن الصادق ود ام در الذي يستبعد البعض وصف مهندس عنه
*هو بالتأكيد ليس مهندسا معماريا ولا مهندس ديكور
*امر هندسته وعدم هندسته متعلق بالبرمجيات وما شابه
*لكن ماقلناه عن بتري يقال عن ود ام در
*كان عضوا بلجنة المنشآت الاخيرة
*كان حلقة الوصل المباشرة بين الاتراك واللجنة
*مشرفا عليهم اداريا
*ومختص بتوفير طلباتهم واقامتهم بصورة مباشرة
*والي الآن تواصل الاتراك معه قائم
*ناس زي ديل بالتأكيد اضافة للجنة الجديدة لاخصما عليها
*هذا فضلا عن جهود ود ام در الكتيرة في مواقع مختلفة بالمكتب التنفيذي بالذات ابان فترة حكومة عبدالصمد محمد عثمان
*وتحمل بعض اعباء، دائرة الكرة في تلك الفترة من حل وترحال وحجوزات وسفر بل ورفقة ومسك حسابات
*فعبد الصمد التمس في الرجل أمانة وهمة لذا استعان به في مواقع عدة
*اها زي ده اضافة للجنة الجديدة ام خصم عليها؟؟؟؟؟
*وبرغم (حازميتو) القبلية
*فهو من الحوازمة
*الا ان قومية ابو جيبين اتت به للجنة المنشآت قناعة منها بان الكيان عند ود ام در اكبر من الكيمان
*فكونك شايقي او رباطابي او نوباوي لايعني نقص سودانويتك
*وعندنا السوداناوية هي المريخية
*ود ام در كان يقيم افطار رمضان بمسجد النادي سنويا قبل سنوات من انتهاج هذه السنة الجميلة بالنادي وحوش الاستاد
*ولولا المريخية لاقام تلك الافطارات في مكان آخر
*وكان عضوا فاعلا في كثير من المسميات المريخية الشبابية
*اتفق الناس معه ام اختلفوا
*كانت جهوده مقدرة وبصماته تزين تاريخه وحاضره بالمريخ
*زول زي ده الايستحق عضوية لجنة المنشآت؟؟؟؟
*اما اذا تحدثنا عن نجم الدين خوجلي
*فان الحديث لايقل احتفاءا والقا عن حديثنا عن بتري وود ام در
*نجم الدين وزير الرعاية الاجتماعية بحكومة شعب المريخ
*الذي ينقل الذكري السنوية لوالده (عليه رحمة الله) من منزله لنادي المريخ
*الذي يشرف علي كل مناسبات الناس الاجتماعية الخاصة بالذات الاتراح
*يذهب لسوق الخضار والزريبة والطباخين
*ويدعو الناس ويتشدد معهم في الحضور
*ومرات تلقاهو بغرف في الاكل مع الطباخين ليكفي الناس
*وهل ننسي له تكريم الراحل انجلو بملعب الخماسيات؟؟؟
*وان نسيت فلن انسي موقفه يوم زواج ابنة الاخ البصري
*كانا مختلفين في (الملة)
*احدهما سوداكالابي
*والآخر (اتحادي)
*فكانت كل المناسبة علي كاهل نجم بكل حب
*لان اختلاف الملة عنده لايشكل اختلافا في العقيدة المريخية ولا يصنع خلافا بين شعب المريخ
*نختلف فيه ولانختلف عليه
*نجم الدين كان نائبا لمدير الاستاد
*كان نائبا لمدير النادي
*كان حاضرا دوما حتي بدون منصب
*كان موجودا بشدة في كل تفاصيل اهل المريخ
*ويتمتع بعلاقات اجتماعيه واسعة جدا
*فما الذي ينقص لجنة المنشآت اذا كان نجم احد اعضائها؟؟؟؟
*اما النقيب حذيفة
*الم يكن يوما من اعذب الاصوات الشبابية المريخية التي اعتلت الفضاء طموحا وولاءا وامل؟
*الم يقدم الرجل جهودا مقدرة للكيان متطوعا؟؟؟؟
*الم يكن احد الذين نادوا جهرا وتنادوا بالمنهجية والعلمية بالمريخ وقاتل لأجلها؟؟؟
*الم يقدم يوما مستقبله ووظيفته ضاربا بهن عرض الحائط لاجل منهجة الكيان؟؟؟
*الم يقبع بالمحكمة في قفص الاتهام منافحا عن الفكرة متمسكا بالمبدأ رافضا لكل تسوية تكسر خاطر الشباب الثائر في درب اخراج المريخ من الجيوب؟؟؟
*اليس هو ضابطا بالقوات المسلحة وما ادراك ماعلاقة القوات المسلحة بلجنة التسيير
*الا يشكل حلقة وصل وتسهيل لتسيير العمل بين الداعم والمشاريع المدعومة؟؟؟
*ماذا يضير لجنة المنشآت ان كان مقررها بهذه الصفات؟؟؟؟
*اما كابتن زيكو
*والذي اعتقد انه قد اعتذر
*لا اري عيبا في اختياره
*فقط اذكر انه كان المشرف الاداري لعملية تجديد النادي وظهوره بالشكل المميز الذي ظهر به
*نعم زيكو قد يكون افيد بموقع آخر بحسب تخصصه ومؤهله
*وماقلناه عن المذكورين يقال عن الذين لم يذكروا
*المهم
*برضو شلنا الكلام من نصو وهاجمنا تكوين لجنة المعرض
*واتضح انها مجرد لجنة تنسيقية تدرس الامر وترفع تقريرها ومن ثم يتم اختيار الناس الحايمشوا المعرض وماذا يعرض بالمعرض
*ايها الناس
*نصفي النية
*بقينا لو اختاروا زول للجنة
*نعيد الامر لنظرية المؤامرة وزولي وزولك
*لو بنعرفو نمسح بيهو الواطة
*ولو مابنعرفو نقول ده جا متين المريخ عشان يخش لجنة
*نعمل شنو؟؟
*نخلي اللجان خلا؟؟؟؟؟؟
*ايها الناس
*نأسف علي تناول متل هيك موضوع في متل هيك ظروف ونحن نستعد للقتال ضد لوبوبو
*لكن القصة واجعاني شديد وغلبني الصبر
*المهم
*والاهم
*نصفي النية
*نساند لجنة التسيير
*نلتف حول الزعيم
*نتخلي عن الكيمان
*لأن ذلك التخلي حايقتل نظرية المؤامرة فينا
*ووقتها سننطلق
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*طارت لينا
سلك كهربا
ننساك كيف والكلب قال حقو الزول يعضيكم كلكم ويسلم روحو البطري
والي لقاء
سلك
