بابكر سلك
*امس قلنا شجرة المنقة بعد غرسها تحتاج لسنوات كي تنمو وتطرح ثمارها
*ولايمكن نغرسها ونجيب كراتيننا عشان نجني ثمارها في اقل من شهرين
*لو زرعناها (روبوت) منقة مابتنتج في شهرين
*والزراعة اصلها كدة
*تأخد زمنها للاثمارالجيد المربح
*الا اذا كانت شتولك سيئة
*او من النوع الثمارو بسيطة وصغيرة الحجم
*اسي مشروع العليقي ده سبعة سنين يزرع
*والحصاد صفري
*فالارض لاتنجز
*والشتول ليست جيدة
*وبرغم المسمدات الدولارية
*الا ان الثمار صفر
*منقة العليقي سبعة سنين ماولدت
*حتي محاولات الحقن المجهري بمستوصف سيكافا باءت بالفشل
*حتي بعد جاب القاصر عله يكونا ابنا بالتبني
*برضو لا ثمار ولا اثمار
*يكون العليقي ده زارع منقة (ضكور) يامحمد عبدالماجد؟؟؟؟؟
*سبعة سنة ماتلد؟؟؟؟
*بتلقوا المنقة الضكر دي وين؟
*لو عملتوا زراعة جنين مابتنجح
*لانو جينات الاثمار مامتوفرة لديكم
*ثمار صفر
*غايتو الكراتين الجابوها لحصاد الثمار في سيكافا الاخيرة
*قالوا دقتها المطرة
*تاني يامحمد عبدالماجد ماتجيبوا كراتين لحصاد المنقة كان ماشفتوا المنقة بي عينكم
*ماتجيبوا الكراتين
*المهم
*كم اعجبني الوعي الجماهيري المريخي في هذه المرحلة
*قبول بالمنطق وثقة في باكر واسناد للحاضر واستدعاء للتاريخ المشرف
*منقتنا التي زرعناها ستثمر في الموسم الجديد سمكة وقلب تور وتيمور هندية
*ملك المنقة نحن
*كمان دايرين تورونا ريحة المنقة؟؟؟
*المهم منقتنا حاتثمر
*وتبقي اضافة لمعرض ثمارنا القيافة
*بدءا من الشارقة ودبي ومانديلا وكم سيكافا
*سنجني ثمار غرسنا وصبرنا طالما كان هذا هو وعينا
*ايها الناس
*لاتتفاجأوا ان قابلتكم لافتة مشروع للبيع
*ده بكون مشروع العليقي
*اوعكم تتورطوا وتشتروا
*ده مشروع مابنتج
*اسألوني انا
*او سلوا التاريخ
*ولو مابتصدقوا التاريخ
*اسألوا محمد عبدالماجد
*المهم
*لكي نمضي علي الطريق الصحيح
*لابد من ايجاد دوري قوي نشارك فيهو
*لازم
*او ندق صدرنا وننظم دورات لفرق قوية نحتك بها
*ونشارك بالعديد من الدورات المشابهة التي ينظمها غيرنا
*وده صرف سيرهق لجنة التسيير التي تحتاج بالطبع لدعومات مادية من امة المريخ حتي يمضي غرسها في طريق الاثمار بكل علمية
*وبمناسبة لجنة التسيير
*ماذا فعلت لجنة الانتخابات بشأن التمديد؟؟؟؟؟
*ما دايرين جدل قانوني بيزنطي
*فغياب نص المنع يعني عدم الممانعة في التجديد كسلطة مستمدة من سكوت النظام الاساسي
*ولو بالقياس
*نفس لجنة الانتخابات هذه عينت مجلس حازم كلجنة تسيير
*وبعد تمام مدتها اعفتها وعينت لجنة اب جيبين لجنة تسيير
*وما اعطاها ذلك الحق يعطيها حق التمديد لفترات كمان قياسا بما تم
*يادوبك بدأ الاستقرار يعرف طريقه للمريخ
*فلاتضيعوه بجدل قانوني لايصل لحلول بل يقودنا لحجوة ام ضبيبينة
*ياتو نظام اساسي هو الواجب الاتباع
*اعتبروها حكومة امر واقع
*وبعد زوال الظروف بمافيها ظرف الوطن
*بعد داك خلونا نعترك او نتفق او نتوافق علي مايحقق صالح المريخ
*ولكن الآن تسيير بس
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*غير وطنا لايوجد من يأوينا
*وحتي البسمح لينا
*بستغل فينا
*عملة صعبة من تحويلاتنا البتجينا
*رسوم اقامة ساااي بتاكل نص البتحول لينا
سلك كهربا
ننساك كيف والكلب قال طال الزمن او قصر علي الطلاق جاييلك يابلد
والي لقاء
سلك
