بابكر سلك
*القصة مادايرة اي تنظير
*كلو زول يحكم براهو
*اذا وجدت فرق ايجابي بين مريخ امس ده ومريخ موريتانيا ومريخ (النكبة)
*يبقي المريخ ماشي تمام
*واذا ما لقيت فرق
*يبقي كلو عند العرب صابون
*واذا لقيت في فرق لكن في نواقص
*فالكمال لله
*ونتائج العمل لاتظهر كلها من البدايات
*قد نري لاعبا موش ولابد
*ولكن الجهاز الفني يري غير ذلك
*فأي الرؤيتين اجدر بالاتباع؟؟؟؟
*وطبعا للانسجام دور كبير علي شكل الاداء
*فان كان الانسجام لهذه الدرجة في هذه الفترة الضيقة
*يبقي الجواب يكفيك عنوانو
*المهم
*الاجدر اتباع رؤية الجهاز الفني
*ولكن هذا لايعني اننا كمشجعين لا اعتبار لرؤيتنا
*فالشعار يكتب والمستمع لايكتب
*والملحن يلحن والمستمع لايلحن
*والفنان يؤدي والمستمع لايؤدي
*ولكن عمل الشاعر والملحن والمؤدي عندما يكتمل في اغنية وتغني للجمهور
*يا تطربه يا ماتطربه
*وهنا لايستطيع الشاعر ولا الملحن ولا المؤدي من ان يفرضوا حالة الطرب علي جمهور يري ان الاغنية بايخة ولاتطربه
*نحن لانعرف كيف نصنع الاغنية
*ولكن نتذوقها حينما تعرض علينا
*يا اطربتنا
*يا قمنا مرقنا وخليناها شغالة
*ولو قالوا للواحد فينا تعال لحن
*مابقدر
*لكن بنتذوق بس
*وكم من الاغاني لم تطربنا ولكن بعد اعادة توزيعها تطربنا
*لذلك دعونا حتي يعرضوا الاغنية علينا
*ان اطربتنا حتيناهو حت
*وان لم تطربنا وجب البطان
*ولايفوتني شكر المركز الاعلامي علي النقل الراقي
*تمنياتنا في وديات بقوة الامس دي حتي نعرف بالتحديد اين نقف وكم خطوة تبقت لنا
*ولايفوتني شكر شانتير ممثل التيوة السودانية في المحافل الدولية بدرجة امتياز
*فلولا شانتير لما عرف الناس ان السودان به كرة قدم
*المهم
*انا مبسوط ومطمئن
*فقط لا احب ان امارس الصبر للموسم القادم
*لكنا الصبر
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*برة ضاقت بينا
*جوة ضاقت بينا
*مركيبنا ضاقت علينا
*وكبرت علي النعال كرعينا
سلك كهربا
ننساك كيف والكلب قال نحنا الحفاية ديل الارض ضاقت علينا
والي لقاء
سلك
