بابكر سلك
*شايف كانتي اون لاين
*كدي الندخل عليهو واتس وندردش
*كانتي
*موسي
*ياجنا هه
*مابلك مابترد؟
*وحانف وشيك فوق كم يا جنا؟؟؟
*قلبك مابينا؟؟
*ماتنكر
*القلب كان اباك الوش بديك خبر
*وخبرك عندنا ليهو سنة
*امروك خلاس؟؟؟
*سلمت امرك للعوازل؟؟؟
*تعرف ياموسيس
*انت خامة طيبة في عمر صغير
*طبعا عمر صغير دي بالمقارنة مع زملانك بالمنتخب ناس كرشوم وبوغبا
*اصلو للعمر احكام في الكورة السودانية
*مرات بكون عندنا لاعب تحت السن
*اخوهو الاصغر منو متزوج وعندو تلاتة
*ماعلينا
*انت خامة لسة طائعة
*واختيارك للمنتخب لم يكن لمهارة جاهزة ومكتملة
*ولكن لتجهيز واعداد مهارة للاعب صغير يمكن ان يفيد المنتخب في قادم السنوات
*لكن يا ولدي صعبتها شوية
*فكيتها في روحك شديد واهملت جوانب فنية كانت كفيلة بتطوير مستواك بحكم المشاركات التي اتيحت لك
*البلد دي ياموسي خاربنها السماسرة
*يكون عندك بيت داير تأجروا بي تلتمية
*السمسار عشان يثبتو لي صالحو وانت ماتتصرف
*بقول ليك عندي زول بأجر بي ستمية مشي البلد عزا وبجي بعد كم يوم
*ويدخلك الطمع
*ترفض كل الزبائن
*حتي عرض التلتمية الكنت بتحلم بيهو ترفضو
*لانك طمعت في ستمية السمسار القالها ليك
*ويمر الاسبوع والاسابيع
*وتبقي انت الساكي السمسار
*والسمسار يطلق عليك سرا لقب الرهينة
*المهم
*لما يلقي الزبون يجيك يقول ليك والله المعروض اجمل من بيتك ده وارخس
*وبيتك ده لو جاب ميتين ماتتردد
*اسي معاي زبون بالميتين ماتفوتو
*وتضطر تقبل بالعرض لانو الزمن روح فات عدي
*اوعة يكونوا السماسرة قالوا ليك كورتك دي بتجيب ستمية
*والزول الراغب اليومين دي في كيجالي مشي عزا وبرجع
*ولما ينفض سامر السماسرة من حولك يا ابني
*حاتلقي قيمتك تساوي واحد جالون جاز لو داير
*ولو ماعاجبك
*مافي داعي
*لكن خوفي علي ضياع امكانية خلق لاعب جيد يفيد المنتخب في المقام الاول
*ويفيد نفسو في المقام التاني
*اذهب لي كبارك ياكانتي
*واسألهم عن والي الدين القضارف
*ثم دعهم يحدثوك عن عمار خالد الذي جلس علي الدكة تلاتة سنوات
*وعندما ولج للملعب اشعله هتافا
*ايها الكانتي
*النجومية بتخلع الزول الهش
*والزول الهش عمرو ماببقي بطل
*سيظل تابع
*يفكروا ليهو
*ويقرروا ليهو
*ويمكن يعرسوا ليهو كمان
*تمنياتي يا كانتي
*ان تنجح محاولات الاستفادة منك كخامة تحتاج للصقل والتشكيل المناسب
*فقط مطلوب من تلك الخامة ان تكون طائعة سهلة التشكيل فنيا تسعي بجد للتطور والتقدم وتنمية القدرات
*المهم
*جماهير الاهلي المصري ادهشتنا وهي تهتف بالاستاد نصرة للسودان ومحبة في السودانيين
*شكرا مصر من القلب
*ورد الجميل مابعرفوهوا الا الكرام
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*في ناس ماشغالين بينا
*ونحنا ماهامينا
*والجاتنا من السما
*مقبولة يا والينا
*عندنا ثقة في ربا لينبابكر سلكح
سلك كهربا
ننساك كيف والكلب قال بكرة احلي بس روق واحلي
وإلى لقاء
سلك
