بابكر سلك
*خسارتنا بالدوري الرواندي تاني فتحت الجروح
*عشرة اجانب لم يكونوا علي عشرة
*وطبيعي جدا نسبة لغياب العناصر الوطنية
*يظهر الناس الكانوا بتكلموا عن ضرورة ضم عناصر وطنية كان معاهم حق
*وان عدم وجود خامات وطنية بالبلد كان مجرد فرية
*فالطماطم في غير موسمها لاتكون بالجودة المطلوبة
*ولكن الشاطر بعزل من الموجود بالسوق مايفي بالغرض
*ويزين السلطة
*لكن سلطة بدون طماطم تبقي سلطة ساي
*مهما كترت فيها من البنجر المستورد والكروم الغير مرغوب فيه عند اهل السودان
*عشان كدة نستغل الانتقالات القربت دي في ضم عناصر وطنية تكون بمثابة طماطم الله كريم التي تفتح الشهية
*حتي ولو نقوم باعادة بعض الذين فقدناهم بسبب سوء الادارة
*الكورة غيرة
*والغيرة لن تتوفر في تشكيلة كلها ضيوف لو لم يكن ضمنهم بل غالبيتهم اسياد بيت
*اهو الهلال بتشكيلة كلها اجانب تعادل ونجا من هزيمة مؤكدة
*فغياب الغربال وصلاح عادل وروفا فرق كتير مع الهلال
*حتي جوباك فرق
*لذا ولكل ذلك علي لجنتنا اخذ الامر مأخذ الجد
*ان كان السوق قاطي
*شوفوا لينا طماطم الله كريم حقتنا
*فالمريخ مشكلتو الاساسية الشخصية
*والشخصية داخل الملعب لن يفرضها الا اسياد الحارة
*هزائم موريتانيا ماكانت بسبب مدربين
*لكن كانت لغياب طماطم الله كريم التي صدرناها ليبيا وجبنا طماطم البيوت المحمية
*والسؤال
*هل هذا الكم الهائل من الاجانب يوجد بينهم من هو افضل من طماطم الله كريم؟؟؟؟
*ايها الناس
*طماطم الله كريم زايد ابوعاقلة هو الخطوة الاولي للعودة
*وتذكروا
*جوياتنا كلها بطماطم الله كريم
*لان الغيرة كانت حاضرة
*المهم
*الكاف اصدر عقوبة في حق كلود
*تلاتة مباريات
*يعني تاني كلود مابلم في الهلال الا في بورتسودان
*كان اتأخر بصلوا قبالو
*وكان اتقدم ليهم بحصلوهوا هناك
*معلومة
*زولفاني المغمور اول من طالب بصلاح عادل
*وقتها كان بشندي
*لكن قبلها عرضه عمه عبدالله كبيري المريخي الكبير علي الزعيم
*الا ان لجنة تسجيلاتنا وقتها قالت مي نافع
*وفي عبارة اخري مو نافع
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والله يا والينا
*قست علينا
*وبقينا نحلم اننا جينا
*نصحي نلقي احلامنا مسكينة
*استعجلوا يا والينا
*قربنا نفقد العقل الفينا
*نطوفش يا والينا؟
سلك كهربا
ننساك كيف والكلب قال يابلد عريان مسولب رغم خيرك وغيرك اللابسين هدومك
والي لقاء
سلك
