بابكر سلك
*امس حضرت كورة فلسطين وقطر
*قطر في خطر
*قطر اظنو مافطر
*اتعصر اتعصر اتعصر
*واتشقلب واتغلب
*طبعا كسودانيين طوالي بنقول ودوهوا الدامر
*مانافع
*منتخب خيار وفقوس
*سريع بنحكم وسريع بنقنع
وقبل كم يوم حضرت سلطنة عمان والصومال
*عليك الله الصومال دي بلد فيها حرب عشرين سنة؟؟؟
*قفلوها علي العمانيين وادوهم دروس في الهجمة المرتدة
*وطاروا بضربات الحظ الترجيحية
*الخلاصة انو بقي مافي زول هين
*الناس دي كلها مستواها الكروي اتطور
*عشان مابفتشوا عن الاعذار
*بشتغلوا برغم الظروف
*وبنجزوا
*ونحنا نسمح بي طمطاشر اجنبي في كشف الفريق
*لما وصل بينا الامر
*منتخبنا بتاع الشان ياهو نفسو منتخبنا بتاع الكان
*لاتوجد عناصر وطنية
*ماتقول لي حرب
*فلسطين دي فيها جرتق؟
*الصومال السلام خلاس كاتلهم؟
*ياخ مصر لاعبة البطولة العربية بمنتخب مختلف عن المنتخب البتلعب بيهو نهائيات افريقيا
*هملة
*وهذه الهملة لايصل اليها جهلة
*ماعارفين يخططوا ولاعايزين نعرف ذاتو
*ندير شأننا كما ندير عجلة قيادة (اوستن) قديم تفضي اربعة دورات حتي يبدأ يلف
*حانقعد كدة لاننا كدة ودايرين كدة ولانطمح في اكتر من كدة
*ولسة ياما نشوف
*ايها الناس
*بالامس كان تأبين الراحل المقيم ود الياس
*كم كنت متشوقا لهذا اليوم
*ولكنه المرض اللعين
*اقعدني عن مجرد الحركة البسيطة
*فكان من المستحيل علي ان اصل
*وصلتني دعوة الاخوة الافاضل بلجنة التسيير
*اعتذر منهم
*فالمرض سلطان
*ورحم الله الفقيد صاحب الفضل في قيادة الامة المريخية في احلك الظروف
*المهم
*اذا دي طريقة بداية شتاء مصر
*ام در جاك زول
*سكاكاتي ديل جنهم وجن البرد
*اتعقلنا عديييل
*ياحليل شمسنا البقت شمسين
*اشرق نورها
*واكيد حايشرق من جديد تلاتة شموس
*ايها الناس
*ان تنصروا الله ينصرك
*اها
*نجي لي شمارات والي الخرتوم
*كان شفت يا والينا
*البرد دخل فينا
*والغربة مابتدفينا
*وعيون اطفالنا تكتكت حزينة
*ماخلاص يا والينا؟؟؟
سلك كهربا
ننساك كيف والكلب قال سخانتنا ولا كندشة زول
والي لقاء
سلك
