بابكر سلك
*عامر وشادي
*فاهمين ماحافظين
*والباقين حافظين ما فاهمين
*والسبب يعود الي اختلاف المدارس
*عامر وشادي قارين مدارس انترناشونال
*اي شي بالانجليزي
*من كي جي ون وانت طالع
*العربي بالانجليزي
*الدين ذاتو بالانجليزي
*الجغرافيا التاريخ العلوم
*كلو بالانجليزي
*وكمان بقروا حاسوب من الكي جي
*والفطور في سفرة
*واللعب بلاي استيشن
*مافي فلقك ضربك وكربطك كربطك
*عشان كدة طلعوا فاهمين
*اما الباقين
*القاريين في مدرسة ابوك دقس
*ديل الشاطر فيهم بكون حافظ
*لكن مافاهم
*يخربو
*لو عمل حاجة زي ماقالوا ليهو
*وسألتو عملت كدة ليه
*بقول ليك ماعارف
*ومعاهو حق
*حافظ مافاهم
*قرا الجمل دخل والجمل مرق
*ومسكننا
*ناس المناهج ذاتهم ماعارفين مسكننا دي مادة شنو
*لافارزنها جفرافيا ولا تاريخ ولاعلوم ولامعلومات عامة ولا دين
*مسكننا دي تحفظها بس
*مافي طريقة فهم
*هي ذاتها مافاهمة روحها
*ولان منتخبنا معظمو قاريين مسكننا
*اهو الجمل دخل والجمل مرق
*ده السبب الخلي شادي وعامر مختلفين
*فاهمين بعملو في شنو
*قاريين انترتاشونال
*وماقدمه شادي ورفيقه عامر
*مفروض يجبر اولياء الامور علي اخراج اولادهم من مدرسة ابوك دقس دي
*ويلحقوهم بالسوق او المنطقة
*بعد كدة مابتعلموا
*بس اولياء الامور يحرصوا علي عدم الوقوع في نفس الخطأ مع اولادهم الجايين في الدرب
*مدرسة ابوك دقس مافي
*انترناشونال ياعمك
*ايها الناس
*الكورة لم تعد اركبو واخمشو وختها ليهو
*الكورة بقت علم وفهم وتقنية ومهارات نالت حظها من التأهيل من البدايات
*من الدايات يبدأ التأهيل
*موش بعد يبقي كبير نوديهو مدرسة ابوك دقس يقرا مسكننا والانسان والكون
*الانسان والكون ده كمان زي قصة الغول
*لاتعرفو خرافة لاتعرفو تعويذة
*تحفظ بس
*ايها الناس
*خذوا العبرة من اقدام شادي وعامر
*والسودان عامر بالمواهب
*بس دايرين الزول البوديهم مدارس انترناشونال
*المهم
*تتجازي يافطومة اختي
*لما قلتي زجاجي مافهمناك
*غايتو عليك جنس محن
*ايها الناس
*ان تﻧصروا الله ينصركم
*اها
*نجي لي شمارات والي الخرتوم
*كان شفت يا والينا
*فطومة زمااان قالت لينا
*لكن مافهمتنا يا والينا
*الإن فهمنا الدرس زي زين العابدينا
سلك كهربا
ننساك كيف والكلب قال الكوتش برضو كواسي ولا أبياه ساااي؟
وإلى لقاء
سلك
