بابكر سلك
*فكونا من كانتي وخاطر
*الآن هما في مهمة جديدة الا وهي ازالة الصفر المشوا ليهو ده
*واذا نجحا في ذلك يكونا قد فاتا الكبار والقدرهم
*هي مهمة من جيل جكسا وبشة والي هسة
*دايرنهم ينجزوا انجاز يجبر كردنة عند عودته لرئاسة الاصفار من جديد
*ينجبر ينطط بين الكاسات الجوية عشان يدخل النادي
*النادي الفاضي
*ننسي القصص البوليسية دي والخمسمية وخمسين الف دولار المفتري عليها ومسك الجاز لزوم الشو
*ونلتفت لي القصة المهمة
*للزعيم
*للواحد الصحيح في البلد
*وكيفية عودتو لمنصات التتويج الافريقية
*شوف الكلام ده
*اتمعن فيهو بشدة ودقة
*العودة لمنصات التتويج الافريقية
*والعودة لمكان تعني بالطبع انك كنت فيه
*اما البحث عن المكان فالمعني واضح
*خليهم يبحثوا
*وخلونا في الموضوع المهم
*المتأمل للاعبي الزعيم يلاحظ انهم ماشاء الله تبارك الله يمتازون بالقوة البدنية وبسطة الجسم
*ماشاء الله تبارك الله
*والخطوة الاولي في درب العودة الافريقية تحتاج للقوة وبسطة الجسم
*نعمة من الله
*يبقي اهتمام وتأهيل ودرب العودة ماطويل
*محمد موسى جمسكو
*قال ليك برغم البسطة في الجسم والقوة الكبيرة
*فانه يتمتع بحسن قراءة للملعب
*يعني دروس تكتيك وعيييك
*ووصية للناس التانيين
*جمسكو ده ماتجيهو مترتح
*بشلعك حتة حتة
*تصل الآخرة حتي تعرف انو الدقشك ماقطر
*الزول ده ماتترتح قدامو
*بختها ليك بختها ليك ويكسر كرعيك
*نجموا كلامي ده
*الخمسمية وخمسين الف دولار حايشتتها ليكم دولار ينطح دولار
*قال ليك لو جاهو تانكر جاز كامل مترتح
*بوديهو الببح
*المهم
*من كمية اللاعبين الفي بربر والفي الرديف والفي كيجالي
*وفي ظل وعي اداري ونجاعة فنية
*برااااااحة بنطلع بي عشرين فارس نقارع بهم افريقيا كلها ونعود حيث كنا على منصات التتويج الافريقية متعطرين بريحة المطار
*فهل يعرف الاصفار ريحة المطار ولا بمرقوا سااااي؟
*ايها الناس
*لا ارى ضرورة للمزايدة مع كانتي
*الولد برضو ولدنا
*وطالما ربنا قسم ليهو مبلغ قدر ده
*مفروض نتمنى ليهو الخير
*ايها الناس
*نحن الآن نسير على درب هو الصحيح
*وعشان يسهل السير على هذا الطريق
*يجب ان نصل لوفاق او اتفاق
*او علي الاقل نوقف اطلاق النار في هذه المرحلة لاجل وطن اسمه المريخ ومواطنين يعرفوا بالشفوت
*فعلي اطراف الصراع الاستجابة دون شروط
*وبعد داك يحلها الف حلال
*ايها الناس
*الفين وخمسطاشر ابلينا بلاء اهلنا لان نكون المرشح الاول للبطولة
*وكان عام الفين وسطاشر هو عام البطولة
*ولكن للاسف استقال المجلس وبدأنا في صراعات هدت كل مابنيناه قبل الاستقالة
*لا لشي سوي ان بعضنا ولائه للكيمان لذا ادمن الصراع واختلاق الصراعات
*والآن اعتقد وبعد التجارب المريرة التي دخلنا فيها بسبب الصراعات
*لابد وان تشكل الجماهير (جمسكو) لاي خلاف جاي بتترتح ليقعدنا عن المسير
*جمسكو خطير ماتجيهو مترتح
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*الجاز طايح فينا
*وماصحي يا والينا
*بدخن لو كبيتو في رتينة
*وخطير علي صحة البيئة يا والينا
*الناس اتجهت للكهربا يا والينا
*ونحنا لسة مع مكنات الجاز ودخاخينا
سلك كهربا
ننساك كيف والكلب قال يوم قابلني سكران قلت ليهو هو هو…. قال لي هو بتاع فنيلتك
وإلى لقاء
سلك
