جينيس فتر مننا

بابكر سلك

*اليوم التاريخ علي موعد لتسجيل حدث جديد وفريد للكرة السودانة
*وطبعا احداث الكرة السودانية والتي تعتبر انجازات غير مسبوقة
*كوووولها دونها جينيس كأرقام قياسية على صفحاته باسم المريخ
*أول من بني في السودان استاد خاص به وقام بافتتاحه هو المريخ.
*أول من حقق بطولة الدوري بالعلامة الكاملة بدون هزيمة أو تعادل بل الوحيد الذي حقق ذلك هو المريخ.
*أول من نال بطولة الدوري بتعادل واحد بل الوحيد هو المريخ.
*أول من أتى بكأس محمولة جوا الي السودان بل الوحيد هو المريخ.
*وفي الحقيقة هي كاسات.
*وشتان مابين كاسات وكاسات.
*فكاسات الأولى عصر وكاسات التانية عصير.
*أول من أدى مباراتين في نفس التوقيت بمدينتين مختلفتين بالسودان (الأبيض وكوستي ) بل الوحيد هو المريخ
*اول من هزم نده تواليا تمنية مرات بل الوحيد هو المريخ
*اول من ثبت فقرة تكريم ابطال الكاسات المحمولة جوا باحتفالاته بل الوحيد في البلد دي هو المريخ
*جينيس فتر مننا
*والآن علي جينيس تحضير صفحة جديدة في الموسوعة لأجل تسجيل أول نادي سوداني ينال ستة نقاط في نفس اليوم.
*تلاتة نهارية بالسودان.
*وتلاتة بعد المغربية بكيجالي.
*ستة نقاط بالتمام والكمال تعنينا كثيرًا.
*تثبت اننا علي الطريق الصاح.
*طريق العودة لمنصات تتويج افريقية نحن أول من وطأها بل الوحيد
*علي محسن أن يعمل بنجاعة ويجني ثمار الإعداد الطويل الذي قام به
*أما داركو فيعلم جيدًا ماذا تعني لنا التلاتة نقاط الروانديات اليوم.
*ستة نقاط يجب أن ننالها كاملة تعبيرا عن مجهودات كثيرة بذلت لأجل معاني نعلمها جيدا وتقودنا لريحة المطار التي نحب.
*ونترك المحلبية لي ناسها.
*يكتروها زي ما دايرين.
*مفتكرين انها ريحة المطار
*لكن معذورين
*ريحة المطار شموها وين؟ ومتين؟
*يشموها قدحة
*أيها الناس
*اليوم يشارك داوودا
*ابقوا معنا
*وسجل سجل ياتاريخ ستة نقاط للمريخ.
*المهم..
*شفوت الداخل مسؤولية نقاط الداخل ده شغلهم
*وهم أهل لذلك.
*لكن أتوقع أن ينقذ كانتي الجماعة من الهزيمة في المباراة القادمة.
*فسجله التهديفي طيلة اربع سنوات ذاخر بالاهداف الجميلة التي تعبر عن مهارة صاحبها.
*هي خمسمية وخمسة ولا خمسمية وخمسين؟؟؟؟
*ليه؟
*حسبتوا ليهو الجالون في كم؟؟؟؟؟
*ايها الناس
*نشتاق لرؤية عجب وقباني في الملعب
*ونتحرك شوقا لرؤية المعار المستعار التفافا على القوانين إلى جانب هاسينا
*بتشابهو
*وموضوع المعار المستعار بحمد الله تم بسهولة
*بالذات بعد ان علم المعار ان ذلك الاتفاق مستعار وغير ملزم لأي زول
*البعدو
*أيها الناس
*إن تنصروا الله ينصركم
*أها
*نجي لي شمارات والي الخرتوم
*كان شفت يا والينا
*يادوبك اكتشفنا الحينا
*انو أم در هي أم الدنيا يا والينا

سلك كهربا

ننساك كيف والكلب قال غنا الجاز وما ادراك ماغنا الجاز…. لكن تبقي الحقيبة هي الهوية والأساس.

وإلى لقاء

سلك